کراچی ، یوسف پلازہ میں سعودی عرب پلٹ کمپیوٹر انجینئر کو ٹارگٹ کلرز نے اس کے معصوم بچے کے سامنے 17 گولیاں مار کر قتل کردیا۔،
معصوم بچہ آنکھوں کے سامنے باپ کا قتل دیکھ کر حواس کھو بیٹھ
منگل 24 فروری 2015 23:23
کراچی (اردو پوائنٹ تازہ ترین اخبار. 24 فروری 2015ء) کراچی کے علاقے یوسف پلازہ میں سعودی عرب پلٹ کمپیوٹر انجینئر کو ٹارگٹ کلرز نے اس کے معصوم بچے کے سامنے 17 گولیاں مار کر ہلاک کردیا۔ معصوم بچہ آنکھوں کے سامنے باپ کا قتل دیکھ کر حواس کھو بیٹھا۔ تفصیلات کے مطابق منگل کی صبح یوسف پلازہ کے علاقے فیڈرل بی ایریا بلاک 16 معراج مٹھائی والے کے قریب مکان R-271 کا رہائش پذیر 30 سالہ نوجوان فیصل ولد صفدر اپنے بیٹے کو اسکول وین میں بٹھانے کیلئے صبح سویرے گھر کے باہر کھڑا تھا اس دوران موٹر سائیکل پر سوار 2 ٹارگٹ کلرز آئے اور معصوم بیٹے کے سامنے فیصل کو 17 گولیاں مار کر ہلاک کردیا۔
مقتول سعودی عرب کے شہر ریاض میں کمپیوٹر انجینئر کی ملازمت کرتا تھا اور جمعہ کے روز ہی چھٹیوں پر کراچی آیا تھا۔(جاری ہے)
مقتول کا بیٹا بہادرآباد میں واقع حبیب پبلک اسکول میں زیر تعلیم تھا۔ اسکول وین صبح ساڑھے 5 بجے آتی تھی اس لئے فیصل بیٹے کو وین میں ڈراپ کرنے کیلئے کھڑا تھا۔ آنکھوں کے سامنے باپ کا قتل دیکھ کر مقتول کا 7 سالہ بیٹا حواس کھو بیٹھا۔ مقتول 3 بچوں کا باپ تھا، اہل خانہ کے مطابق متوفی کا کسی سیاسی، مذہبی جماعت سے کوئی تعلق نہیں تھا اور نہ ہی کسی سے دشمنی تھی۔ ایس ایچ او یوسف پلازہ اکرم آرائیں کے مطابق قتل ذاتی دشمنی کا شاخسانہ ہے، ملزمان نے 4 گولیاں مقتول کے نازک اعضاء پر ماریں ہیں۔ ادھر گلشن اقبال، نیپا چورنگی کے قریب فائرنگ سے اصغر ولد فرید زخمی ہوگیا۔
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.