رانا تنویر حسین کا ئی ڈی ای ایکس یوکرائن کے سٹال کا دورہ ، دفاعی صنعت کی پراڈکٹس کا جائزہ لیا ،

بیلا روس کے دفاعی ادارے کے ڈائریکٹر جنرل نے بھی وفاقی وزیر سے ملاقات

منگل 24 فروری 2015 23:11

ابو ظہبی (اردو پوائنٹ تازہ ترین اخبار. 24 فروری 2015ء) وفاقی وزیر برائے دفاعی پیداوار رانا تنویر حسین نے بین الاقوامی دفاعی نمائش و کانفرنس (آئی ڈی ای ایکس) کے سلسلے میں دورے کے دور ان یوکرائن کے سٹال گئے اور یوکرائن کی دفاعی صنعت کی پراڈکٹس کا جائزہ لیا۔

(جاری ہے)

انہوں نے انٹرا ایجنسی کمیشن ملٹری ٹیکنالوجی کو آپریشن اینڈ ایکسپورٹ کنٹرول پالیسی کے چیئرمین اولیگ گلاڈکوسکی سے دفاعی پیداوار میں ممکنہ معاونت پر تبادلہ خیال کیا۔

انہوں نے باہمی تعاون کو بڑھانے پر اتفاق کیا۔ بیلا روس کے دفاعی ادارے کے ڈائریکٹر جنرل نے بھی وفاقی وزیر سے ملاقات کی اور دفاعی پراڈکٹس کی مشترکہ تیاری کے امکانات کا جائزہ لیا گیا۔ وفاقی وزیر نے ایف ایل آئی آر امریکہ اور سٹریٹ گروپ ایف زیڈ ای کے سٹال کا دورہ بھی کیا۔ انہوں نے بعد ازاں پاکستانی پویلین کا بھی دورہ کیا۔