وزارت تجارت نے ایکسپو سینٹر کراچی کی قیمتی زمین کا قبضہ واپس لینے کیلئے وزیر اعظم سے رابطہ کرلیا
منگل 24 فروری 2015 16:34
کراچی(اردپوائنٹ۔تازہ ترین اخبار ۔24 فروری 2015) وفاقی وزارت تجارت نے ایکسپو سینٹر کراچی کی قیمتی زمین کا قبضہ واپس لینے کے لیے وزیر اعظم نواز شریف سے رابطہ کرلیا ہے۔میڈیا رپورٹس کے مطابق ایکسپو سینٹر کی قیمتی زمین ٹریڈ ڈیولپمنٹ اتھارٹی کی ملکیت ہے تاہم اس زمین پر ایک تفریح گاہ اور شادی ہال چلایا جارہا ہے جبکہ وسیع رقبہ پولیس کے بھی زیراستعمال ہے تاہم ٹریڈ ڈیولپمنٹ اتھارٹی کے چیف ایگزیکٹو ایس ایم منیر کی نشاندہی پر وفاقی وزیر تجارت نے اس زمین کو واگزار کرانے کیلئے مکمل تعاون اور سپورٹ کی یقین دہانی کرادی ہے۔
ا یس ایم منیر کے مطابق ایکسپو سینٹر سے ملحقہ زمین واگزار کرانے کے بعداس پر 5منزلہ عمارت تعمیر کی جائے گی جس میں ٹریڈ ڈیولپمنٹ اتھارٹی کے دفاتر ہوں گے جبکہ مزید 2ہالز تعمیر کیے جائیں گے، پاکستانی مصنوعات کی تشہیر کے لیے جدید ڈسپلے سینٹر بھی تعمیر کیا جائے گا۔(جاری ہے)
ایس ایم منیر نے کہا کہ ملک کے موجودہ حالات بجلی گیس کی کمی اور سیکیورٹی خدشات برآمدات میں اضافہ نہ ہونے کے بنیادی اسباب ہیں تاہم اب تک کی ایکسپورٹ 25ارب ڈالر کے تناسب سے جاری ہے۔
انہوں نے کہا کہ ایکسپورٹ کو موجودہ سطح پر برقرار رکھنے میں جی ایس پی پلس کی سہولت کا بڑا دخل ہے، اگر یہ سہولت نہ ملتی تو ایکسپورٹ میں 1.5ارب ڈالر تک کمی کا سامنا کرنا پڑتا۔انہوں نے کہا کہ ٹریڈ ڈیولپمنٹ اتھارٹی میں کرپشن کا خاتمہ ان کی اولین ترجیح ہے، اس ادارے میں سابقہ دور میں 13ارب ڈالر کی کرپشن کے مقدمات چل رہے ہیں اور تفتیشی اداروں نے کرپٹ عناصر سے 23 کروڑ روپے کی لوٹی ہوئی رقم بھی واپس کرائی ہے۔ انہوں نے کہا کہ فوجی عدالتوں کے قیام کا کریڈٹ حکومت اور سیاسی قیادت کو جاتا ہے لیکن سزا اور جزا کا تصور قائم کرنے کے لیے ان عدالتوں کو جلد از جلد فعال کرنا بھی بہت ضروری ہے۔متعلقہ عنوان :
مزید اہم خبریں
-
بھارت کے قومی انتخابات میں پہلے مرحلے کی پولنگ جاری
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
روپے کی قدر میں کمی:دنیا بھر میں بحران کا شکار قرض پروگرام لینے والے ممالک کے لیے کرنسی کی قدرمیں کمی شرط ہوتی ہے.محمد اورنگزیب
-
بدترین معاشی حالات اور شہریوں کی قوت خرید میں کمی سے کاروں اور دیگر گاڑیوں کی فروخت میں تنزلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.