سینیٹ انتخابات سے پہلے ترمیم لائی جائے، حمایت کرینگے:تحریک انصاف

پیر 23 فروری 2015 00:12

اسلام آباد(اُردو پوائنٹ اخبارتازہ ترین۔23فروری۔2015ء) تحریک انصاف نے سینیٹ انتخابات میں ہارس ٹریڈنگ روکنے کے لیے مجوزہ آئینی ترمیم لانے کی مشروط حمایت کر دی۔ شیریں مزاری کہتی ہیں شرط یہ ہے کہ 5 مارچ کے سینیٹ انتخابات سے قبل ترمیم لائی جائے ورنہ حکومت کی نیت پر سوالات اٹھیں گے۔

(جاری ہے)

اسلام آباد میں میڈیا سے گفتگو میں ترجمان تحریک انصاف شیریں مزاری کا کہنا تھا کہ اکیسویں آئنی ترمیم کی طرح تمام پارلیمانی جماعتوں کو اعتماد میں لے کر سینیٹ انتخابات سے متعلق ترمیم لائی جائے تو یہ فوری منظور ہو سکتی ہے۔ ترمیم کی منظوری کےلیے تحریک انصاف کے قومی اسمبلی میں جانے سے متعلق سوال پر شیریں مزاری کا کہنا تھا کہ اس کا فیصلہ کور کمیٹی کرے گی۔