سندھ حکومت کی”صاف ستھرا، ہرابھرا ِ ِ ، پرُامن سندھ “ ویک مہم کا خیرمقدم،
کراچی میں صفائی ستھرائی سال بھر جاری رہنی چاہیے ،چیئرمین بی ایم جی، صفائی ستھرائی کے امور کی نجکاری ،برساتی نالوں کی صفائی یقینی بنائی جائے، سراج قاسم تیلی
پیر 23 فروری 2015 23:14
کراچی (اردو پوائنٹ تازہ ترین اخبار 23 فروری 2015ء) بزنس مین گروپ (بی ایم جی )کے چیئرمین اور کراچی چیمبر آف کامرس اینڈ انڈسٹری (کے سی سی آئی) کے سابق صدر سراج قاسم تیلی نے سندھ حکومت کی ”صاف ستھرا، ہرابھرا ِ ِ ، پرُامن سندھ “ ویک مہم کا خیرمقدم کیا ہے اور مہم کو سپورٹ کرتے ہوئے زور دیاہے کہ یہ مہم صرف ایک ہفتے پر محیط نہیں ہونی چاہیے بلکہ اسے سال بھر جاری رہنا چاہیے تاکہ شہر کو مستقل بنیادوں پرصاف ستھرا بنایاجاسکے۔
شہر کے ہر ٹاوٴن میں مستقل بنیادوں پر صفائی مہم کویقینی بنانے کے لیے موٴثر اقدامات عمل میں لائے جائیں اس ضمن میں کراچی چیمبرہر ممکن تعاون کے لیے تیار ہے۔یہ بات انہوں نے کراچی چیمبر آف کامرس اینڈ انڈسٹری میں پریس کانفرنس سے خطاب میں کہی۔(جاری ہے)
اس موقع پر بی ایم جی کے وائس چیئرمین طاہر خالق،کے سی سی آئی کے صدر افتخار احمد وہرہ،سینئر نائب صدر محمد ابراہیم کوسمبی اور منیجنگ کمیٹی کے اراکین بھی موجود تھے۔
چیئرمین بی ایم جی سراج قاسم تیلی نے حکومت سندھ کی صفائی مہم میں کراچی چیمبر کے ممکنہ موٴثر کردار کے بارے میں تفصیلات بیان کرتے ہوئے کہاکہ کراچی چیمبر کے صدرفوری طور پر تمام 7صنعتی ٹاوٴن ایسوسی ایشنز کوخطوط ارسال کریں گے جس میں انہیں پابند کیاجائے کہ وہ اپنی فیکٹریوں کے اردگرد ،گلیوں ،فٹ پاتھ اور علاقے میں صفائی ستھرائی کویقینی بنائیں اورکچرا ویگر فضلات فیکٹریوں کے قریب پھینکنے کے بجائے مخصوص جگہوں پر پھینکنے کو شعار بنائیں۔کے ایم سی بھی مخصوص جگہوں سے پابندی سے برقت کچرا اٹھانے کویقینی بنائے۔تمام ٹاوٴن ایسوسی ایشنز بھی کچرا پھینکنے کی مخصوص جگہوں پرجانچ رکھے اور کچرا وقت پر نہ اٹھائے جانے کی صورت میں فوری طور پرکراچی چیمبر کو آگاہ کریں تاکہ متعلقہ حکام کو تیزی سے کام کرنے پر زور دیاجائے۔سراج قاسم تیلی نے کہاکہ تاجربرادری اپنی فیکٹریوں کے ارد گرد صفائی و ستھرائی کو برقرارکھیں گے اورشجرکاری مہم شروع کرتے ہوئے وال چاکنگ کوبھی مٹائیں گے نیز ہر قسم کا کچرا مخصوص جگہوں پرہی پھنکیں گے تاہم کے ایم سی اور مختلف ٹاوٴنز کو بھی اپنی ذمہ داریاں احسن طریقے سے نبھانا ہوں گی۔چیئرمین بی ایم جی نے کہاکہ تاجربرادری مالی طور پر تعاون تو نہیں کرے گی لیکن شہر کو صاف ستھرا بنانے کے لیے ماضی کی طرح پارک اور چوراہے بھی گود لینے پر غور کرسکتی ہے۔ ہم مختلف صنعتی ٹاوٴنزمختلف صنعتی ٹاوٴنز میں پارک اور چوراہے گودلے سکتے ہیں جسے خوبصورت و سرسبز بنانے اور دیکھ بھال کی ذمہ داری بھی ہماری ہو گی تاکہ شہرکی خوبصورتی میں اضافہ کیاجاسکے۔سراج قاسم تیلی نے تجویز دیتے ہوئے کہاکہ شہر کو صاف ستھرا بنا نا ایک بڑا ہدف ہے کیونکہ3500اسکوائرکلو میٹرز فٹ کے رقبے پر محیط ہے اوراس کی آبادی سوا دوکروڑ 25 سے زائد ہے لہٰذا اس بات کو مد نظر رکھتے ہوئے صفائی کے کام کونجی شعبے کو دے دیا جائے یا پھر باہر سے یہ کام کروایا ئے۔اس اقدام سے مثبت نتائج کے حصول میں مدد ملے گی جبکہ برساتی پانی کی نکاسی کے لیے نالوں کی صفائی کا کام بھی کنٹریکٹ کی صورت میں کسی نجی ادارے کو دے دیا جائے۔چیئرمین بی ایم جی نے کہاکہ برساتی پانی کے نکاسی کے لیے بنائے گئے اکثریت نالوں پرقبضہ ہو گیا ہے جہاں پانی کی نکاسی کے لیے انتہائی کم جگہ رہ گئی ہے مگر وہ بھی پلاسٹک کی تھیلیوں اور کچرے کی وجہ سے بند ہو گئی ہے۔انہوں نے خبردار کرتے ہوئے کہاکہ خوش قسمتی سے گزشتہ سال زیادہ بارشیں نہیں ہوئیں اور اگراس سال زیادہ بارشیں ہو گئیں اور برساتی نالوں کو صاف نہیں کیا گیا تو پورے شہر میں ایک آفت کی صورت حال پیدا ہوجائے گی جس سے نمٹنے کے لیے پیشگی اقدامات کی ضرورت ہے۔مزید اہم خبریں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
-
بانی پی ٹی آئی فوجی قیادت کے ساتھ مذاکرات چاہتے لیکن کوئی جواب نہیں آیا
-
ہم مذاکرات صرف فوج، آرمی چیف اور ڈی جی آئی ایس آئی کے ساتھ کریں گے
-
اسلام آباد ہائیکورٹ کے ججز کے خط پر فل کورٹ کی تشکیل سے گریز،عدالتی امور میں انٹیلیجنس ایجنسیوں کی مداخلت کے حوالے سے چیف جسٹس آف پاکستان کا بیان
-
پاکستان کی ترقی کے سفر میں رخنہ ڈالنے والوں کی تمام کوششیں ناکام ہوں گی
-
کراچی: سابق شوہر نے بیوی کوچھریوں کے وار کرکے قتل کردیا
-
آئین میں کہاں لکھا ہے کابینہ قانون سے بالاترہے۔ چیف جسٹس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.