صدر گوگیرہ ،بیوی نے گھریلو نا چاقی پر خاوند کو مبینہ طور پر زہر ملا دودھ پلا کر مار ڈالا،

بیوی نے خاوند کی طبی موت کا ڈرامہ رچانے کی کوشش کی ،پولیس نے قاتل بیوی کو گرفتار کر لیا

جمعرات 19 فروری 2015 23:26

صدر گوگیرہ(اُردو پوائنٹ اخبارتازہ ترین - این این آئی۔19فروری۔2015ء) پانچ بچوں کی ماں نے گھریلو نا چاقی پر خاوند کو مبینہ طور پر زہر ملا دودھ پلا کر مار ڈالا ،بیوی نے اپنے خاوند کی طبی موت کا ڈرامہ رچانے کی کوشش کی لیکن مقتول کے منہ سے نکلنے والی جھاگ اور اس کے نزعی بیان نے بھانڈا پھو ڑ ڈالا پولیس نے قاتل بیوی کو گرفتار کر لیا ۔

(جاری ہے)

تفصیلات کے مطابق تھانہ اے ڈویژن کے علاقہ محلہ قائم پورہ عزیز یعقوب ٹاؤن کے رہائشی رمضان عرف کالے کی زبیدہ نامی عورت سے دس سال قبل شادی ہوئی تھی اور اس دوران ان کے ہاں پانچ بچے پیدا ہوئے زبیدہ کی رمضان سے دوسری شادی تھی وہ گھریلو اخراجات پورے نہ کرنے پراکثر اپنے خاوند سے لڑائی جھگڑا کرتی رہتی تھی۔

گزشتہ رات زبیدہ نے اپنے خاوند رمضان کو دودھ میں زہر ملا کر پلا ڈالا جس کے پینے سے اسکی حالت غیر ہو گئی ۔جو نیم بے ہوشی کی حالت میں گھر سے باہر نکلنے کی کوشش میں دورازے کے سامنے گر گیا جس کو اہل علاقہ کے رہائشی افراد نے ہسپتال منتقل کیا جہاں اس نے بیان دیا کہ اس کو اس کی بیوی نے کوئی زہریلی چیز کھلائی ہے۔ رمضان ایک گھنٹہ بعد ہسپتال میں چل بسا پولیس نے مقتول رمضان کے بھائی شوکت کی درخواست پر زبیدہ کے خلاف مقدمہ درج کر کے اس کو حراست میں لیتے ہوئے تفتیش شروع کر دی ہے ۔

متعلقہ عنوان :