سینیٹ انتخابات میں ہارس ٹریڈنگ کیخلاف تمام جماعتیں متحد ہیں ، پرویز رشید ،
سانحہ بلدیہ ٹاؤن کے متاثرین کو انصاف ملنا چاہیے ،ملوث افراد کو سزا ضرور ملے گی ،دہشتگردی کے خاتمے کے بعد غیر ملکی ٹیمیں پاکستان آئیں گی ، امید ہے پاکستان آئندہ میچز جیت جائیگا ،وزیر اطلاعات کی صحافیوں سے گفتگو
پیر 16 فروری 2015 22:47
اسلام آباد(اُردو پوائنٹ تازہ ترین اخبار۔ 16فروری 2015ء) وفاقی وزیر اطلاعات پرویز رشید نے کہا ہے کہ سینیٹ انتخابات میں ہارس ٹریڈنگ کیخلاف تمام جماعتیں متحد ہیں سانحہ بلدیہ ٹاؤن کے متاثرین کو انصاف ملنا چاہیے ملوث افراد کو سزا ضرور ملے گی دہشتگردی کے خاتمے کے بعد غیر ملکی ٹیمیں پاکستان آئیں گی امید ہے پاکستان آئندہ میچز جیت جائیگا صحافیوں غیر رسمی گفتگو میں کہا کہ بلوچستان میں مسلم لیگ (ن )مکمل ڈسپلن میں ہے،پارٹی صدر ثنا اللہ زاہری جن امیدواروں کو نامزد کریں گے وہی ہمارے امیدوار ہو نگے ۔
انہوں نے کہا کہ وزیر اعظم انسداد دہشتگردی کے قومی ایکشن پلان پر عملدرآمد کا جائزہ لینے کراچی گئے ہیں۔سانحہ بلدیہ ٹاؤن میں 250 افراد کا قتل کیا گیا ہے، انہیں انصاف ملنا چاہیے اس واقعے میں ملوث افراد کو سزا ضرور ملے گی ۔(جاری ہے)
وزیر اطلاعات نے کہاکہ عمران خان نے عدالتی فیصلہ آنے کے وقت ایک نئی درخواست دیدی ہے ، خان صاحب نئی درخواست دے کر مقدمے کو طوالت دے رہے ہیں، خان صاحب نے جتنا زور حکومت کی تبدیلی پر لگایا اسکا 10 فیصد کرکٹ ٹیم پر لگاتے تو آج نتیجہ کچھ اور ہوتا ان سے درخواست ہے کہ وہ قومی سطح کے رہنما ہیں ،انہیں سیاست سمیت کھیل کے شعبے کی بہتری بھی ذمہ داری بھی لینی چاہیے ، پاکستان اور بھارت میچ کے حوالے سے پوچھے گئے سوال پر انہوں نے کہاکہ میں کرکٹ میں اتنا ماہر نہیں ہوں ، خان صاحب سے جواب پوچھیں۔
ہماری ٹیم اب ہاری ہے تو کیا پہلے جیتی بھی تو ہے۔ امید ہے آئندہ پاکستانی کرکٹ ٹیم اچھا کھیل پیش کرئے گی۔ہماری بد قسمتی ہے کہ کرکٹ سمیت دیگر بین الاقوامی ٹورنامنٹ پاکستان میں نہیں ہو رہے ہم اپنے کھلاڑیوں کو عالمی معیار کی سہولیات نہیں دے سکے ۔ دہشتگردی کا خاتمہ پہلی ترجیح ہے تاکہ غیر ملکی ٹیمیں پاکستان آ سکیں۔ سینٹ کے آئندہ انتخابات کے بارے میں ایک سوال پر انہوں نے کہا کہ مختلف سیاسی جماعتوں کے ساتھ بات چیت جاری ہے اور تمام بڑی سیاسی جماعتوں میں یہ اتفاق رائے ہے کہ انتخابات میں ہارس ٹریڈنگ سے بچا جانا چاہئے۔ مسلم لیگ (ن) کے رہنما پیر صابر شاہ کے متعلق ایک سوال پر انہوں نے کہا کہ وہ پارٹی کے ایک سینئر رہنما ہیں اور مسلم لیگ (ن) اس نشست کیلئے اپنے ایک ہی امیدوار کو ٹکٹ دے سکتی تھی اور اسی لئے صابر شاہ کا نام کورنگ امیدوار کے طور پر شامل کیا گیا۔ ایک سوا ل کے جواب میں انہوں نے کہا کہ دہشت گردی کی لعنت کا خاتمہ نہ صرف کھیلوں کے فروغ کیلئے ضروری ہے بلکہ تجارت، صنعت سمیت دیگر تمام شعبوں میں ترقی کا انحصار بھی پاکستان میں امن پر ہے۔متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.