بھارت پاکستان میں بدامنی کا ذمہ دار، پاک فوج کے موقف نے قوم کو متحد کردیا ہے ،مولانا فضل الرحمن
بھارت کشمیر سے توجہ ہٹانے ،سلامتی کونسل کا مستقل رکن اور خطے میں اجارہ داری قائم کرنے کے لیے پاکستان کو غیر مستحکم کرنے کی سازشیں کررہاہے انصارالامہ پاکستان کے مرکزی امیر مولانا فضل الرحمن خلیل کی معروف مذہبی و روحانی شخصیت پیر عزیزالرحمن ہزاروی سے ملاقات کے موقع پر گفتگو
اتوار 15 فروری 2015 16:22
اسلام آباد(اُردو پوائنٹ اخبارتاز ترین ۔ 15فروری 2015ء) انصارالامہ پاکستان کے مرکزی امیر مولانا فضل الرحمن خلیل نے کہاہے کہ سانحہ پشاور میں بھارتی ہاتھ سے ثابت ہوگیاہے کہ بھارت پاکستان میں خانہ جنگی کی سازش اور بدامنی کا ذمہ دارہے ، بھارت کے حوالے پاک فوج کے دوٹوک موقف نے پوری پاکستانی قوم کو متحد کردیا ہے ، بھارت مسئلہ کشمیر سے توجہ ہٹانے ،سلامتی کونسل کا مستقل ممبر بننے اور خطے میں اجارہ داری قائم کرنے کے لیے پاکستان کو غیر مستحکم کرنے کی کوشش کررہاہے جسے انصار الامہ سمیت ہر محب وطن پاکستانی ناکام بنا دے گا۔
ان خیالات کا اظہار انہوں نے گزشتہ روزمعروف مذہبی و روحانی شخصیت پیرعزیزالرحمن ہزاروی سے خصوصی ملاقات کے موقع پر کیا۔ مولانافضل الرحمن خلیل نے کہاکہ عالمی سامراجی طاقتیں ملکی سالمیت کے خلاف سازشوں میں مصروف ہیں اورآئے روز دہشت گردی ،قتل و غارت گری کے واقعات اسی عالمی ایجنڈے کا حصہ ہیں ۔(جاری ہے)
آرمی پبلک سکول پرحملہ میں بھارتی پشت پناہی اور اس حوالے پاک فوج کا دو ٹوک موقف لائق تحسین ہیں اور اس سے ثابت ہواہے کہ پاکستان میں بدامنی کے پیچھے بھارتی سازش کارفرما ہے ۔
انہوں نے کہاکہ بھارت نے سانحہ پشاور کی آڑ میں ملک کے اندرخانہ جنگی کرانے کی مکروہ سازش کی ہے جسے ملکی سلامتی کے ذمہ دار اداروں اورمحب وطن عناصر نے ناکام بنا دیا ہے ۔بھارتی وزیراعظم نریندرمودی کے عزائم کسی سے ڈھکے چھپے نہیں ہیں اور سلامتی کونسل کی رکنیت کے لیے اوبامہ نے بھارت کی حمایت کرکے گنجے کو ناخن دے دیے ہیں جس کا سارا عتاب پاکستان پر نازل کیا جارہاہے ۔انہوں نے کہاکہ پاک فوج کا دوٹوک بیان جرات مندی کی علامت ہے اوراس نے پاکستانی قوم کو متحد کردیا ہے بلاشبہ پاک فوج وفاق اور دفاع پاکستان کی علامت ہے اور وطن کے دفا ع کے لیے قوم کا بچہ بچہ اپنے جوانوں کے شانہ بشانہ کھڑا ہے ۔ مولانا فضل الرحمن خلیل نے کہاکہ اکیسویں ترمیم کے بعد ملک بھر میں دینی مدارس کے خلاف جاری مہم بیرونی عناصر کی چال اور پاکستانیوں کوباہمی دست و گریبان کرنے کی سازش ہے جس پر غور کی ضرورت ہے ، دہشت گردی کی کسی طور حمایت نہیں کی جاسکتی اور ہرقسمی دہشت گردی قابل گرفت ہے تاہم اس کی آڑ میں محب وطن عناصر کو دبانے سے گریز کیا جائے ۔ اس موقع پر پیر عزیز الرحمن ہزاروی نے ملکی سلامتی اور دین اسلام کی سربلندی کے لیے خصوصی دعا کرائی۔متعلقہ عنوان :
مزید اہم خبریں
-
ترقیاتی منصوبوں میں کرپشن ریفرنس، پرویز الٰہی کے شریک ملزم نے پلی بارگین کرلی
-
ملت ایکسپریس واقعہ، ملوث اہلکار کی گرفتاری کیلئے وزارت داخلہ کو خط لکھ دیا گیا
-
پیپلز پارٹی پنجاب کے ضمنی الیکشن میں (ن) لیگ کے امیدواروں کی مکمل حمایت کریگی‘راجہ پرویز اشرف
-
عدالتوں میں ججز کی خالی آسامیوں پر تقرری ترجیح ہے‘چیف جسٹس قاضی فائزعیسیٰ
-
چیئرمین سینیٹ سے مرکزی رہنما پاکستان پیپلز پارٹی و سابق اپوزیشن لیڈر سید خورشید احمد شاہ کی ملاقات
-
پاکستان تحریک انصاف کو بلاک کوڈ لیول تک منظم اور متحرک کرنے کے عمل کا آغاز کر دیا گیا
-
یوسف رضا گیلانی سے سردارایاز صادق کی ملاقات ،بہترین عوامی مفاد میں قانون سازی کے حوالے سے گفتگو
-
آئی ایم ایف سے مذاکرات میں روپے کی قدرمیں بڑی کمی کا امکان نہیں، وزیرخزانہ
-
سردارایازصادق سے برطانوی ہائی کمشنر کی ملاقات ، دوطرفہ تعلقات پر گفتگو
-
بجلی چوروں پر کوئی رحم نہیں ہو گا،اویس لغاری
-
چیئرمین سینٹ سید یوسف رضا گیلانی سے سپیکرقومی اسمبلی سردار ایازصادق کی پارلیمنٹ ہاؤس میں ملاقات،عہدہ سنبھالنے پرمبارکباد دی
-
حکومتی کمیٹیوں میں شامل نہ کیے جانے پر اہم ن لیگی رہنماء ناراض ہوگئے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.