بنوں جیل پر حملے کے دوران فرار دہشت گرد سیکیورٹی فورسز کے ساتھ مقابلے میں ہلاک

جمعہ 13 فروری 2015 21:47

بنوں( اُردو پوائنٹ تازہ ترین اخبار۔ 13فروری 2015ء ) سنٹرل جیل بنوں پر طالبان کے حملے کے دوران فرار ہونے والا سزائے موت کا دہشت گرد پولیس مقابلے میں ہلاک ہو گیا۔

(جاری ہے)

حکا م کے مطابق بنوں جیل پر 2012 میں طالبان کے حملے کے دوران فرار ہونے والا دہشت گرد نور زمان عرف منا سیکیورٹی فورسز کے ساتھ مقابلے میں ہلاک ہو گیا، مقابلے میں ایک سیکیورٹی اہلکار بھی زخمی ہوا۔ سیکیورٹی حکام کا کہنا ہے کہ نور زمان عرف منا کو دہشت گردی کے 3 مقدمات میں سزائے موت ہو چکی تھی۔واضح رہے کہ 15 اپریل 2012 کو طالبان بنوں جیل پر حملہ کر کے اپنے 400 کے قریب ساتھی چھڑا کر لے گئے تھے جس میں نور زمان بھی فرار ہونے میں کامیاب ہو گیا تھا۔