سندھ میں سینیٹ کی 11نشستوں میں سے 7نشستیں جیتنے کیلئے پر امید ہیں،سید قائم علی شاہ ،
پیپلز پارٹی شہید بینظیر بھٹوکی مفاہمتی پالیسی پر یقین رکھتی ہے اور اس پر عمل پیرا ہے،سینیٹ الیکشن میں بلامقابلہ امیدوار کامیاب کرانے کیلئے تمام پارٹیوں کیساتھ رابطے میں ہیں ،وزیرا علیٰ سندھ کیمیڈیا سے گفتگو
جمعرات 12 فروری 2015 21:50
کراچی(اُردو پوائنٹ تازہ ترین اخبار۔ 12فروری 2015ء) وزیراعلی سندھ اور پاکستان پیپلزپارٹی سندھ کے صدرسید قائم علی شاہ نے کہا ہے کہ وہ صوبے سندھ میں سینیٹ کی 11نشستوں میں سے 7نشستیں جیتنے کی لیے پر امید ہیں۔ان 7نشستوں میں سے ہم نے پانچ جنرل سیٹ کیلئے اور باقی 2سیٹوں میں سے ایک عورت امیدوار اور ایک ٹیکنوں کریٹ کی مخصوص نشست کیلئے امیدوار نامزد کئے ہیں۔
ان خیالات کا اظہار انہوں نے جمعرات کو الیکشن کمیشن آف پاکستان کراچی آفس میں سینیٹ الیکشن کیلئے پیپلزپارٹی کے نامزد امیدواروں کی جانب سے نامزدگی کاغذات جمع کروانے کے بعدمیڈیا سے گفتگو کرتے ہوئے کیا۔انہوں نے کہا کہ پیپلز پارٹی شہید محترمہ بینظیر بھٹوکی مفاہمتی پالیسی پر یقین رکھتی ہے اور اس پر عمل پیرا ہے۔(جاری ہے)
انہوں نے کہا کہ ہم سندھ اسمبلی میں تمام پارٹیوں بشمول مسلم لیگ(فنکشنل)کے ساتھ رابطے میں ہیں تاکہ سینیٹ الیکشن میں بلامقابلہ امیدوار کامیاب کروائے جا سکیں۔
انہوں نے کہا کہ اگر سیاسی جماعتوں کے ساتھ بات چیت میں ناکامی کی صورت میں پیپلز پارٹی سینیٹ انتخابات میں مقابلہ کرنے کیلئے تیار ہے جس میں جیت ہماری ہی ہوگی۔انہوں نے کہا کہ جاری صورتحال سے اندازہ لگایا جا سکتا ہے کہ متحدہ قومی موومنٹ سینیٹ کی چار نشستیں جیتنے کی پوزیشن میں ہے۔پیپلز پارٹی کے اندر سینیٹ امیدواروں کی نامزدگیوں کے معاملے پر اختلافات کے بارے میں پوچھے گئے ایک سوال کے جواب میں وزیراعلی سندھ نے کہا کہ یہ تاثر غلط ہے اورساتوں امیدوار وں کو پارٹی لیڈر شپ کی سربراہی میں متفقہ فیصلے کے بعد ہی نامزد کیا گیا اور اس حوالے سے پارٹی میں کوئی بھی اختلاف رائے نہیں ہے۔ انہوں نے کہا کہ پاکستان پیپلز پارٹی اپنے ورکرز،اسمبلی ممبران اور رہنماؤں کے مابین اتحاد کی وجہ سے ہی ملک کی مضبوط ترین پارٹی ہے۔ایم کیو ایم کی جانب سے سندھ حکومت میں دوبارہ شمولیت اختیار کرنے کے حوالے سے کئے گئے سوال کے جواب میں وزیراعلی سندھ نے کہا کہ پیپلز پارٹی اور ایم کیو ایم کے درمیاں اعتماد کی بحالی کے اقدامات جاری ہیں اور امید ہے کہ بہت جلدمکمل اور مثبت فیصلہ سامنے آئے گا۔دریں اثنا وزیراعلی سندھ سید قائم علی شاہ نے جمعرات کی صبح پیپلز پارٹی کے پارلیمانی ممبران سے وزیراعلی ہاؤس میں ملاقات کی اور سینیٹ الیکشن لڑنے کے حوالے سے حکمت عملی مرتب کرنے کے معاملے پر بحث و مباحثہ کیا گیا۔ بعد ازاں وزیراعلی سندھ تمام نامزد امیدواروں ،اراکین اسمبلی اوروزرا کے قافلے سمیت الیکشن کمیشن آف پاکستان کراچی آفس میں سینیٹ نامزدگیوں کے فارم جمع کروانے گئے۔اس موقعہ پر اسپیکر سندھ اسمبلی آغا سراج درانی، سینئر وزیر نثار احمد کھوڑو،وزیر بلدیات و اطلاعات شرجیل انعام میمن، وزیر قانون ڈاکٹر سکندر میندھرو، وزیر برائے ورکس اینڈ سروسز میر ہزار خان بجارانی،معاونین خصوصی وقار مہدی اور راشد ربانی ،کوآرڈی نیٹر صدیق ابو بھائی اور دیگر بھی موجود تھے۔متعلقہ عنوان :
مزید اہم خبریں
-
چیئرمین سینیٹ سے مرکزی رہنما پاکستان پیپلز پارٹی و سابق اپوزیشن لیڈر سید خورشید احمد شاہ کی ملاقات
-
پاکستان تحریک انصاف کو بلاک کوڈ لیول تک منظم اور متحرک کرنے کے عمل کا آغاز کر دیا گیا
-
یوسف رضا گیلانی سے سردارایاز صادق کی ملاقات ،بہترین عوامی مفاد میں قانون سازی کے حوالے سے گفتگو
-
آئی ایم ایف سے مذاکرات میں روپے کی قدرمیں بڑی کمی کا امکان نہیں، وزیرخزانہ
-
سردارایازصادق سے برطانوی ہائی کمشنر کی ملاقات ، دوطرفہ تعلقات پر گفتگو
-
چیئرمین سینٹ سید یوسف رضا گیلانی سے سپیکرقومی اسمبلی سردار ایازصادق کی پارلیمنٹ ہاؤس میں ملاقات،عہدہ سنبھالنے پرمبارکباد دی
-
سندھ ہائیکورٹ کا اڈیالہ جیل میں قید عمران خان سمیت دیگر رہنماﺅں کی سیکورٹی یقینی بنانے کا حکم
-
آئی ایم ایف سے مذاکرات میں روپے کی قدرمیں بڑی کمی کا امکان نہیں، وزیرخزانہ کا بلوم برگ کوانٹرویو
-
پاکستان برطانیہ کے ساتھ دیرینہ تعلقات کو بہت اہمیت دیتا ہے ، سپیکرقومی اسمبلی کی برطانوی ہائی کمشنر سے ملاقات میں گفتگو
-
سپریم کورٹ و ہائیکورٹس میں ججز کی خالی آسامیاں پرکرنا ترجیح ہے، چیف جسٹس آف پاکستان قاضی فائز عیسیٰ کا لاہور رجسٹری میں سپریم کورٹ بار سے خطاب
-
محسن نقوی کا غیرموثراورزائد المیعاد شناختی کارڈز پرجاری شدہ موبائل سمزکو بند کرنے کا حکم
-
وزیراعظم نے بدرشہبازوڑائچ کو اپنا میڈیا کوآرڈینیٹرمقرر کردیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.