پاک فضائیہ ہر قسم کے درپیش چیلنج سے نبرد آزما ہونے کے لئے پوری طرح سے تیار ہے، ائیر چیف،

ہم فلائیٹ سیفٹی کے میدان میں بہت آگے نکل چکے ہیں ، ہم بہترین تربیت پر فخر محسوس کرتے ہیں جو شروع سے پاک فضائیہ کا طرئہ امتیاز رہا ہے،طاہر رفیق بٹ کاتقریب سے خطاب

منگل 10 فروری 2015 19:42

اسلام آباد(اُردو پوائنٹ اخبار تازہ ترین۔10فروری 2015ء)"پاک فضائیہ ہر قسم کے درپیش چیلنج سے نبرد آزما ہونے کے لئے پوری طرح سے تیار ہے اور آپریشن ضربِ عضب اس کی واضح مثال ہے ۔" یہ بات پاک فضائیہ کے سربراہ نے پاک فضائیہ کے سالانہ سیفٹی ریویو 2014 کے انعقاد کے موقع پر کہی جو ائیر ہیڈ کوارٹرز اسلام آباد میں منعقد ہوا۔ اس تقریب کی صدارت پاک فضائیہ کے سربراہ ائیر چیف مارشل طاہر رفیق بٹ نے کی جس میں پرنسپل سٹاف آفیسرز ، ریجنل کمانڈرز اور تمام ائیر بیسز کے کمانڈرز نے شرکت کی۔

پاک فضائیہ کے سربراہ نے شرکاء سے خطاب کرتے ہوئے مزید کہا، ” ہم فلائیٹ سیفٹی کے میدان میں بہت آگے نکل چکے ہیں اور ہماری تیاری مربوط سیفٹی کلچر کا ثبوت ہے جس سے ہم اپنے قیمتی اثاثہ جات کی حفاظت کر رہے ہیں۔

(جاری ہے)

ہم بہترین تربیت پر فخر محسوس کرتے ہیں جو کہ شروع سے پاک فضائیہ کا طرئہ امتیاز رہا ہے۔ پاک فضائیہ اسی بات کو مد نظر رکھتے ہوئے ہمہ وقت تربیت کے مراحل سے گزر رہی ہے۔

ائیر چیف نے اس میدان میں کمانڈرزاور سپر وائزرزکی کاوشوں کو سراہا۔ سالانہ سیفٹی ریویو ، آپریشنل تیاریوں کو چانچنے کیلئے باقاعدگی کے ساتھ منعقد ہوتا ہے اس فورم کے ذریعے فلائٹ کے سٹینڈرز کو جانچنے اورگراوٴنڈ سیفٹی کے بارے میں آگاہی حاصل ہوتی ہے۔ اس سال مجموعی طور پر بہترین کارکردگی کی رحیم خان انٹر بیس فلائٹ سیفٹی ٹرا فی پی اے ایف بیس ، شہباز نے حاصل کی۔

Facebook Twitter Google + Share on Whatsapp

پاک فضائیہ ہر قسم کے درپیش چیلنج سے نبرد آزما ہونے کے لئے پوری طرح سے تیار ہے، ائیر چیف،

ہم فلائیٹ سیفٹی کے میدان میں بہت آگے نکل چکے ہیں ، ہم بہترین تربیت پر فخر محسوس کرتے ہیں جو شروع سے پاک فضائیہ کا طرئہ امتیاز رہا ہے،طاہر رفیق بٹ کاتقریب سے خطاب

مزید اہم خبریں