5 فروری‘ مرکزی جمعیت اہلحدیث پنجاب کے زیر اہتمام ”یکجہتی کشمیر ریلیاں“،
انڈین پرچم‘ نریندر مودی کے پتلے نذر آتش‘ کارکنان کی کشمیریوں کی حمایت میں پرجوش نعرے بازی، پروفیسر عبدالستار حامد‘ مولانا محمد نعیم بٹ‘ شیخ جمیل الرحمن‘ میاں محمود عباس‘ پروفیسر حافظ سعید کلیروی ودیگر کا ریلیوں سے خطاب
جمعرات 5 فروری 2015 23:24
لاہور (اُردو پوائنٹ اخبار تازہ ترین۔5فروری2015ء ) مرکزی جمعیت اہل حدیث پنجاب کی اپیل پر صوبہ بھر میں ”یوم یکجہتی کشمیر“ بھر پور جوش وجذبے سے منایا گیا۔ کشمیریوں کے حق خود ارادیت کی حمایت اور ان سے یکجہتی کے اظہار میں لاہور‘ شاہدرہ‘ گوجرانوالہ‘ پتوکی‘ قصور‘ سیالکوٹ‘ فیصل آباد‘ ملتان‘ سمندری‘ اوکاڑا‘ مرید کے اور دیگر شہروں میں ”یکجہتی کشمیر ریلیاں“ نکالی اور کشمیر کانفرنسز منعقد کی گئیں۔
بعض مقامات پر نریندر مودی کے پتلے اور انڈین پرچم نذر آتش کئے گئے۔ کارکنان نے کشمیریوں کی حمایت میں نعرے بازی کی‘ مظاہرین نے کشمیر بنے گا پاکستان کشمیر پاکستان کی شہ رگ ہے‘ آزادی کشمیر تکمیل پاکستان ہے‘ کشمیر جنت ہے اور جنت کسی کافر کو نہیں ملتی ودیگر نعروں کے بینرز اور پلے کارڈز بھی اٹھا رکھے تھے۔(جاری ہے)
پروفیسر حافظ عبدالستار حامد امیر پنجاب‘ مولانا محمد نعیم بٹ چیئرمین کشمیر کمیٹی‘ میاں محمود عباس ناظم اعلیٰ پنجاب‘ شیخ جمیل الرحمن امیر تحریک المجاہدین‘ پروفیسر سعید کلیروی‘ حافظ محمد عمران عریف‘ مولانا محمد ابرار ظہیر‘ حافظ عبدالشکور‘ مولانا مبشر احمد مدنی‘ مولانا صادق عتیق ودیگر نے کشمیر ریلیوں کی قیادت کی اور ان ریلیوں سے خطابات کرتے ہوئے کہا کہ کشمیر پر پوری قوم متحد اور متفق ہے اس میں کسی کی کوئی دوسری رائے نہیں ہو سکتی۔
آزادی کشمیر کے لیے بڑی سے بڑی قربانی دینے کو تیار ہیں۔ کشمیریوں کے حق خود ارادیت کو دبانے والا بھارت جمہوری ملک کہلوانے کا حقدار نہیں۔ مسئلہ کشمیر مسلم حکمرانوں کا کردار افسوسناک ہے۔ پروفیسر حافظ عبدالستار حامد‘ مولانا محمد نعیم بٹ‘ شیخ جمیل الرحمن نے گوجرانوالہ میں ”یکجہتی کشمیر ریلی“ سے خطاب کرتے ہوئے کہا کہ کشمیر اور پاکستان کا رشتہ نظریاتی اور کبھی نہ ٹوٹنے والا ہے۔ مسئلہ کشمیر حل کرانے کے لیے قومی پالیسی کی ضرورت ہے۔ کشمیر کے بغیر پاکستان نامکمل ہے۔ شیخ جمیل الرحمن امیر تحریک المجاہدین‘ میاں محمود عباس نے کہا کہ اب وقت آگیا ہے کہ پاکستان اپنی شہ رگ کو دشمن کے ہاتھ سے چھڑانے کے لیے روایتی بیان بازی سے باہر نکل کر عملی اقدامات کرے۔متعلقہ عنوان :
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.