عوامی تحریک انٹر فیتھ ریلیشنزاور نولکھا پریس بیٹرین چرچ کے زیر اہتمام ”احترام مذاہب سیمینار“ مسلم ،مسیحی،ہندو اور سکھ رہنماؤں کی شرکت،
حکومت ڈاکٹر طاہر القادری کے عالمی رہنماؤں کو لکھے گئے مراسلے سے رہنمائی لے کر گستاخانہ خاکوں کے معاملے پر متحرک کردار ادا کرے، حضرت عیسیٰ، کی تعلیمات امن اور محبت پر قائم ہیں، انکا کوئی بھی پیروکار ایسی مذموم حرکت نہیں کر سکتا ‘رہنماؤں کا سیمینار سے کا خطاب
بدھ 4 فروری 2015 23:39
لاہور(اُردو پوائنٹ تازہ ترین اخبار۔ 04فروی 2015ء ) پاکستان عوامی تحریک انٹر فیتھ ریلیشنز اور نولکھا پریس بیٹرین چرچ کے زیر اہتمام ”احترام مذاہب سیمینار“ میں مسلم ،مسیحی،ہندو اور سکھ رہنماؤں نے شرکت کی ۔سیمینار کی صدارت پاکستان عوامی تحریک کے مرکزی صدر ڈاکٹر رحیق احمد عباسی نے کی ۔”احترام مذاہب سیمینار“ سے خطاب کرتے ہوئے ڈاکٹر رحیق احمد عباسی نے کہا کہ فرانس میں گستاخانہ خاکوں کی اشاعت کا مذموم عمل بین الاقوامی سطح پر اس حوالے سے قانون سازی کا تقاضا کرتا ہے ،تاکہ انبیائے کرام اور الوہی کتابوں کا تقدس پامال کرنے کی کوئی جرات نہ کر سکے ۔
حکومت پاکستان عوامی تحریک کے قائد ڈاکٹر طاہر القادری کے عالمی رہنماؤں کو لکھے گئے مراسلے سے رہنمائی لے کر اس معاملے پر متحرک کردار جرات کے ساتھ کردار ادا کرے۔(جاری ہے)
مذاہب کے درمیان نفرت پھیلانے والے بد ترین لوگ ہیں ۔گستاخانہ خاکے شائع کرنے والوں نے جو مذموم عمل کیا ہے اس پر تمام مذاہب کے رہنما سراپا احتجاج ہیں ۔ایسے لوگوں کے خلاف عالمی عدالت انصاف میں مقدمہ چلایا جائے۔
ڈاکٹر رحیق احمد عباسی نے کہا کہ ایسے شر پسند لوگ امن عالم کیلئے کی جانیوالی کوششوں کو نقصان پہنچا رہے ہیں ۔احترام مذاہب سیمینار میں صوبائی وزیر برائے اقلیتی امور طاہر خلیل سندھو ،مسیحی رہنما ریورنڈ ڈاکٹر مجید ایبل،سردار بشن سنگھ ،سہیل احمد رضا ،پنڈت بھگت لال ،پادری عمانویل کھوکھر ،پادری شاہد معراج ،پیر عثمان نوری ،مولانا زبیر احمد ،مولانا اعجاز احمد ،حافظ محمد نعمان ،جاوید ولیم،انور گوندل و دیگر نے بھی شرکت کی ۔سیمینار سے خطاب کرتے ہوئے ڈاکٹر مجید ایبل نے کہا کہ بدی کی قوتیں مختلف مذاہب کے پیروکاروں کو آپس میں لڑانا چاہتی ہیں لیکن وہ شرمندہ ہوں گی ۔ایسے سیمینارز کا انعقاد نفرتوں کو ختم کر کے محبت کے رویوں کو فروغ دینے کیلئے ہیں ۔گستاخانہ خاکے شائع کرنے والوں کا کوئی مذہب نہیں ،وہ شیطان کے نمائندہ ہیں ان پر دہشت گردی کا مقدمہ ہونا چاہیے۔ڈائریکٹر PATانٹر فیتھ ریلشنز سہیل احمد رضا نے کہا کہ گستاخانہ خاکے شائع کرنے والے انسانیت کے دشمن اور انتہا پسند طبقے کے نمائندے ہیں ۔حضرت عیسیٰ کی تعلیمات امن اور محبت پر قائم ہیں،اس لئے انکا کوئی بھی پیروکار ایسی مذموم حرکت نہیں کر سکتا ،گستاخانہ خاکوں کی اشاعت کے خلاف پاپائے اعظم پوپ فرانسس کے اظہار یکجہتی کا خیر مقدم کرتے ہیں ۔سکھ رہنماء سردار بشن سنگھ نے کہا کہ سکھ برادری گستاخانہ خاکوں کی اشاعت کی بھر پور مذمت کرتی ہے ،اس شرمناک واقعہ کا جواب تمام مذاہب کو یکجہتی کے ساتھ دینا ہو گا ۔ڈاکٹر طاہر القادری امن و محبت کا دوسرا نام ہے ،ہم انکی کاشوں کی دل سے قدر کرتے ہیں ۔صوبائی وزیر برائے اقلیتی امور طاہر خلیل سندھو نے کہا کہ چند شر پسند کبھی بھی دنیا کا امن تباہ نہیں کر سکتے ،ڈاکٹر طاہر القادری تہذیبوں کے ٹکراؤ کے خلاف کام کر رہے ہیں انکی جدوجہد کی قدر کرتے ہیں ۔پادری شاہد معراج نے کہا کہ مکالمہ اچھا عمل ہے ،عالمی قوانین کی خلاف ورزی کرنیوالے شرپسندوں کے خلاف کارروائی ہونی چاہیے ۔پنڈت بھگت لال نے کہا کہ کوئی شک نہیں کہ ڈائیلاگ ہی مسئلے کا حل ہوا کرتے ہیں ۔حکومت فرانس سے مطالبہ کرتے ہیں کہ ایسے قبیح فعل میں ملوث عناصر کو فوری گرفتار کرے ۔فرانس حکومت کیلئے ایسے عناصر کا آزاد گھومنا سوالیہ نشان ہیں ۔احترام مذاہب سیمینار کے شرکاء نے متفقہ طور پر دہشت گردی کے خاتمے ،انتہا پسندی اور گستاخانہ خاکوں کی اشاعت کو تمام مذاہب کے خلاف سازش قرار دیا اور اس گھناؤنے عمل کو پوری دنیا کے امن کو تباہ کرنے کے مترادف قرار دیا۔متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.