” معاملات طے“،بیرسٹر سلطان (کل)تحریک انصاف میں شمولیت کا اعلان کریں گے،
دیگر اہم شخصیات کی بھی شمولیت متوقع،شاندار تقریب کیلئے ہال کی بکنگ کر الی گئی،آزاد کشمیر میں تحریک انصاف کی تنظیم سازی کی ذمہ داری ملنے کا امکان
منگل 3 فروری 2015 23:34
اسلام آباد(اُردو پوائنٹ اخبارتازہ ترین - آن لائن۔3فروری۔2015ء) تحریک انصاف سے سابق وزیراعظم آزاد کشمیر بیرسٹر سلطان کے معاملات طے پا گئے ہیں اور بیرسٹر سلطان (کل) پانچ فروری کو یوم یکجہتی کشمیر کے موقع پر اپنے سینکڑوں ساتھیوں سمیت عمران خان کی موجودگی میں تحریک انصاف میں شمولیت کا اعلان کرینگے ۔ مصدقہ ذرائع کے مطابق گزشتہ روز تحریک انصاف کی اعلیٰ قیادت اور آزاد کشمیر کے سابق وزیراعظم بیرسٹر سلطان کے درمیان تمام سیاسی امور پر بات چیت مکمل ہوگئی ہے اور بیرسٹر سلطان کل جمعرات پانچ فروری کو یوم یکجہتی کشمیر کے موقع پر پیپلز پارٹی کو خیر باد کہہ کر تحریک انصاف میں شامل ہوجائینگے ۔
بیرسٹر سلطان کے ہمراہ آزاد کشمیر کی کئی اہم سیاسی شخصیات بھی تحریک انصاف میں شمولیت کا اعلان کرینگی ۔(جاری ہے)
اس سلسلے میں کل جمعرات کو وفاقی دارالحکومت اسلام آباد میں راول ڈیم کے قریب ایک ٹیلپ ہال میں شاندار تقریب کیلئے بکنگ کروائی گئی ہے ۔ ذرائع کاکہنا ہے کہ بیرسٹر سلطان اس موقع پر ممکنہ طور پر پا کستان پیپلز پارٹی آزاد کشمیر سے مستعفی ہونے کا اعلان بھی کرسکتے ہیں ۔
بیرسٹر سلطان کے ہمراہ پیپلز پارٹی کے ایک درجن سے زائد ممبران کی بھی پی ٹی آئی میں شمولیت کی توقع کی جارہی ہے ۔ بیرسٹر سلطان اور تحریک انصاف کی قیادت کے درمیان رابطوں کے بعد پہلے ہی آزاد کشمیر کی سیاست میں کافی ہلچل مچی ہوئی ہے اور بیرسٹر سلطان پیپلز پارٹی کے صف اول کے لیڈر شمار ہوتے ہیں ۔ بیرسٹر سلطان کی تحریک انصاف میں شمولیت سے ایک طرف پیپلز پارٹی کا بڑا نقصان ہوگا جبکہ دوسری طرف مسلم لیگ میں بھی دراڑیں پڑ چکی ہیں ۔ ذرائع کے مطابق (ن) لیگ کے باغی اراکین چوہدری اسماعیل ، چوہدری عزیز اور یاسین بنگش بھی تحریک انصاف سے رابطے میں ہیں ۔ بیرسٹر سلطان کی تحریک انصاف میں شمولیت کے اعلان کے بعد آزاد کشمیر کی سیاست میں بیرسٹر سلطان کا کردار بہت زیادہ اہمیت کا حامل ہوجائے گا کیونکہ آزاد کشمیر میں تحریک انصاف کی تنظیم سازی بھی انہی کے کندھوں پر ہوگی۔متعلقہ عنوان :
مزید اہم خبریں
-
بھارت سے تجارتی تعلقات سے متعلق تاجروں کی درخواست کا جائزہ لیا جا رہا ہے.ترجمان دفتر خارجہ
-
پنجاب کائٹ فلائنگ آرڈیننس میں دہشتگردی کی دفعات شامل کرنے کی تجویز
-
قومی اسمبلی میں قائد حزب اختلاف کی تقرری معاملہ،حکومت اور سنی اتحاد کونسل میں تنازعہ حل نہیں ہو سکا
-
ای روزگار ٹریننگ پروگرام کے نئے مرحلے کیلئے پنجاب بھر سے 17 ہزار سے زائد درخواستیں موصول
-
ماسکو مشرقی یورپ میں امریکی اتحادی ریاستوں کے ساتھ تصادم کا خواہاں نہیں ہے. روسی صدر
-
اروند کیجریوال کی گرفتاری پر امریکا کی جانب سے اظہار تشویش کرنے پر بھارت نے امریکی سفارت کار کو طلب کرلیا
-
خطے کے 9 ممالک کے ساتھ پاکستان کا تجارتی خسارہ 10 اعشاریہ98 فیصد بڑھ گیا
-
وفاقی وزیرداخلہ محسن نقوی پشاور پہنچ گئے، امن و امان اور سکیورٹی کی صورتحال کا جائزہ لیں گے
-
سپریم کورٹ نے فوجی عدالتوں کو محفوظ شدہ فیصلے سنانے کی مشروط اجازت دیدی
-
نیپرا نے بجلی کی فی یونٹ قیمت4روپے99پیسے بڑھانے پر فیصلہ محفوظ کر لیا
-
عمران ریاض، سمیع ابراہیم سمیت 24 افراد کے نام ای سی ایل میں شامل کرنے کی منظوری
-
قرآن نذر آتش کرنے والا عراقی سویڈن کے رویے سے مایوس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.