ایل این جی کی درآمد سے بجلی کی پیداوار میں بہتری آئے گی،عابدشیرعلی،
ٹرانسمیشن لائنز کی مرمت کا کام جاری ہے، موسم گرما سے قبل1800میگا واٹ بجلی سسٹم میں آجائیگی،بجلی چوری کا سدباب کیا جائیگا،بل دینے والا ہی بجلی استعمال کریگا، کراچی میں ایل این جی ٹرمینل قائم کردیا گیا ہے ،لوڈشیڈنگ کو6سے8گھنٹے تک محدود کردیا گیا ہے، آئندہ موسم سرما تک گیس کی کمی پر80فیصد تک قابو پالینگے ،وفاقی وزیرمملکت پانی وبجلی
جمعرات 29 جنوری 2015 19:05
پشاور(اُردو پوائنٹ تازہ ترین اخبار۔ 29 جنوری 2015ء) وفاقی وزیر مملکت پانی و بجلی عابد شیر علی نے کہا ہے کہ ایل این جی کی درآمد سے بجلی کی پیداوار میں بہتری آئے گی جبکہ ٹرانسمیشن لائنز کی مرمت کا کام جاری ہے ۔ موسم گرما سے پہلے1800میگا واٹ بجلی سسٹم میں آجائے گی ۔بجلی چوری کا سدباب کیا جائے گا اب بل کے بغیر بجلی کا استعمال نہیں ہو گا جو بل دے گا بجلی اس کو ہی ملے گی۔
کراچی میں ایل این جی ٹرمینل قائم کردیا گیا ہے جبکہ بجلی کی لوڈشیڈنگ کو6سے8گھنٹے تک محدود کردیا گیا ہے ۔ آئندہ موسم سرما تک گیس کی کمی پر80فیصد تک قابو پالیں گے کوشش کر رہے ہیں کہ کم سے کم لوڈشیڈنگ کی جائے ۔بلوچستان کے ذمے 110ارب،سندھ کے ذمے69بلین،خیبرپختونخوا کے ذمے بیس ارب روپے کے بقایاجات ہیں۔(جاری ہے)
ایف بی آر کے ذمے 52ارب روپے ہیں،70ارب روپے کراچی الیکٹرک سپلائی کمپنی کوسبسڈی کی مد میں دیتے ہیں ۔
وفاقی وزیرمملکت برائے پانی وبجلی چوہدری عابدشیر علی نے واپڈاہاؤس پشاور کا دورہ کیا ․اس موقع پر پسکوحکام کے ساتھ ایک اعلی سطح کی میٹنگ ہوئی جس میں پسکوریکوری اورلائن لاسز کے امورپر تفصیل سے بات چیت کی گئی اورفیصلہ کیا گیا کہ زیادہ لائن لاسز والے فیڈرزپر لوڈشیڈنگ اوربجلی کے ترقیاتی منصوبو ں کے بارے میں لائحہ عمل اختیارکیا جائے گا․ وزیرمملکت عابدشیرعلی نے واضح کیا کہ جب تک زیادہ لاسز والے صارفین پیسے نہیں دیں گے بجلی کا خسارہ کیسے کم کیا جاسکتا ہے وزیرمملکت برائے پانی وبجلی عابدشیر علی نے پریس کانفرنس میں کہا کہ میں نے پسکوحکام پر واضح کردیا ہے کہ وہ60 ارب روپوں کے بقایاجات کی وصولی کے لئے ایک لائحہ عمل بنائیں ․علاقے کے عمائدین مل بیٹھ کربقایاجات کی ادائیگی کے لئے طریق کارواضح کریں اور قانونی طریقے سے میٹرلگوا کر بجلی استعمال کریں․ وزیرمملکت برائے پانی وبجلی نے کہا کہ جہاں ریکوری بہتر ہے اور بجلی کا غیر قانونی استعمال بھی کم ہے ان علاقوں کو لوڈشیڈنگ میں ریلیف دیں․ ا نہوں نے کہا کہ ہمیں ہرحال میں بجلی کے ناجائز استعمال کو روکنا ہے ․انہو ں نے کہا کہ خیبرپختونخوا میں 121 ایسے فیڈرز ہیں جہاں پر 90% سے زائد لائن لاسز ہیں․ان حالات میں ہم کہاں تک بجلی دیں ․انہوں نے کہاکہ ہمیں ہرحال میں بجلی کے اس ضیاع کو روکنا ہے ․ اس صورتحال میں ہمیں اپنے نہیں بلکہ پورے ملک کے بارے میں نادہندہ صارفین کو سوچنا چاھئے․انہوں نے کہا ہم صوبے میں بجلی ترسیلی نظام کی بہتری کے لئے بھی کام کررہے ہیں ․انہوں نے کہا کہ وزیراعظم خیبرپختونخوا کے عوام کے لئے ایک خصوصی ریلیف پیکج(Incentive package ) دینے کا اعلان کیا جو کہ 31 مارچ 2015 تک لاگوہوگا․پیکج کے تحت بقایاجات کی مد میں صارفین کو چھوٹ بھی دی جائے گی جس سے نادہندہ صارفین فائدہ اٹھاسکیں گے․پیکج کے تحت نادہندہ صارفین بقایا ررقم جمع کرکے بجلی میٹرلگواسکتے ہیں․ اسی طرح صارفین کو درپیش جملہ مسائل کے فوری حل کے لئے پسکو کے تمام6 سرکلز کے سپرنٹنڈنٹگ انجینئرز کواپنے علاقوں میں پیر کے روز کھلی کچہریوں کے انعقاد کے احکامات جاری کئے․تاکہ صارفین اووربلنگ سمیت ,لوولٹیج اوردیگر مسائل سے چھٹکارہ پاسکیں․ انہوں نے پسکو حکام کو آنے والے دوماہ میں حاصل کرنے کے لئے اہداف دئیے انہوں نے مزید کہا کہ مئی 2015 تک ہم 1500 تا 1800 میگاواٹ مزید بجلی سسٹم میں شامل کرلیں گے۔مزید اہم خبریں
-
پاکستان میں سال 2023 کے دوران موبائل فون صارفین کی تعداد میں 37 لاکھ کی ریکارڈ کمی
-
اینٹ کا جواب پتھر سے دیا جائیگا،دہشتگردوں سے مذاکرات نہیں ہونگے،اعظم نذیر تارڑ
-
رمضان شوگر مل ریفرنس کیس وزیراعظم شہبازشریف اور حمزہ شہبازکی حاضری سے معافی کی درخواست منظور
-
سپیکر پرلازم ہے کہ وہ آئین اور قانون کی پاسداری کریں،عمر ایوب
-
اقوام متحدہ میں فلسطین کی مکمل رکنیت کی قرارداد کو امریکہ نے ویٹو کر دیا
-
ایران پر اسرائیل کے حملے اور دھماکوں کے بعد پروازیں معطل
-
سٹاک مارکیٹ میں اضافہ غیر ملکی خریداروں کا بڑھتا ہوا رحجان ہے،محمد اورنگزیب
-
روس نے جرمن فاونڈیشن پر پابندی لگا دی
-
چین میں پاکستان کے سفیر کا دارالحکومت بیجنگ میں ہواوے کے نمائشی مرکز کا دورہ ، منصوبوں اور پاکستان کے ساتھ شراکت داری پر تبادلہ خیال
-
آرمی چیف جنرل عاصم منیرسے سعودی عرب کے معاون وزیر دفاع میجر جنرل طلال بن عبداللہ الاوطیبی کی ملاقات
-
ایران : اصفہان میں دھماکوں کی آوازیں اسرائیل نے میزائل حملہ کیا‘امریکی میڈیا کا دعوی
-
پاکستان کی معیشت 2047 تک تین ٹریلین ڈالرتک بڑھنے کی صلاحیت رکھتی ہے، سعودی سرمایہ کاروں کے لیے بینکاری اور سرمایہ کاری کے قابل منصوبے پیش کر یں گے، وزیرخزانہ محمداورنگزیب کی واشنگٹن میں ملاقاتوں ..
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.