سرگودھا ،سوئی گیس کے ستائے لوگوں کا سوئی گیس دفتر پر قبضہ ،کئی گھنٹے تک دھرنا ،ملازمین نے سروس جیبوں میں ڈال لئے جبکہ متعدد ملازمین جلوس دیکھ کر بھاگ گئے ،ن لیگ کے رکن قومی اسمبلی چوہدری حامد حمید‘ رکن صوبائی اسمبلی عبدالرزاق ڈھلوں‘ ڈاکٹر نادیہ عزیز سمیت دیگر سرکاری ملازمین بھی جلوس میں شریک ہوئے
منگل 27 جنوری 2015 00:16
سرگودھا (اُردو پوائنٹ اخبارتازہ ترین - آن لائن۔27جنوری۔2015ء) سوئی گیس کے ستائے ہوئے لوگوں نے سوئی گیس آفس پر قبضہ کرلیا اور کئی گھنٹے تک دھرنا دیئے رکھا‘ ملازمین نے اپنے سروس کارڈ گلوں سے اتار کر جیبوں میں ڈال لئے جبکہ متعدد ملازمین جلوس دیکھ کر بھاگ گئے سرکاری گاڑیوں کو جلوس کی اطلاع ملنے پر دفتر سے نکال دیا گیا‘ شہر بھر میں ٹریفک کا نظام معطل‘ پاکستان مسلم لیگ ن کے رکن قومی اسمبلی چوہدری حامد حمید‘ رکن صوبائی اسمبلی عبدالرزاق ڈھلوں‘ ڈاکٹر نادیہ عزیز سمیت دیگر سرکاری ملازمین بھی حکومت کیخلاف نکلنے والے جلوس میں شریک ہوئے گزشتہ روز پاکستان الیکٹرک مینو فیکچرز ایسوسی ایشن نے سوئی گیس کی بدترین لوڈ شیڈنگ کیخلاف مکمل ہڑتال‘ ریلی‘ دھرنا کی کال دی تھی جس میں مرکزی انجمن تاجران ‘ بیکو لائٹ مینو فیکچرز‘ ٹریڈرز ‘ براس پارٹس‘ پتل ڈھلائی والے ‘ پرنٹنگ پریس اور ڈائی میکرز نے آر ایم سرگودھا محکمہ سوئی گیس کیخلاف سخت نعرے بازی کی مظاہرین نے حکومت سے مطالبہ کیا کہ نااہل آر ایم کو فوری طور پر تبدیل کرکے اہل آر ایم تعینات کیا جائے اس موقع پر خطاب کرتے ہوئے شرکائے ریلی نے کہا کہ سرگودھا شہر کیساتھ محکمہ سوئی گیس والے سوتیلی ماں کا سلوک کررہے ہیں عرصہ 4 ماہ سے مسلسل سوئی گیس کی بندش سے غریبوں کے چولہے بند ہوکر رہ گئے ہیں صبح کا ناشتہ اور رات کا کھانا بھی ہوٹلوں سے کھانے پر مجبور ہیں جبکہ سفید پوش لوگ اپنی عزت بچانے کیلئے سلنڈروں پر گزارہ کررہے ہیں جس پر سرگودھا کی بیکو لائٹ کیساتھ ساتھ تاجر تنظیموں نے گزشتہ روز سرگودھا کی تاریخ کا سب سے بڑا احتجاج اور ریلی نکالی‘ احتجاجی ریلی بلاک 22 اعظم مارکیٹ سے شروع ہوکر فاطمہ جناح روڈ‘ سیٹلائٹ ٹاؤن چوک‘ جنرل بس اسٹینڈ‘ نیو سیٹلائٹ ٹاؤن سے ہوتا ہوا سوئی گیس آفس پہنچاتو آر ایم محکمہ سوئی گیس نے دفتر کو مکمل طور پر بند کرادیا اور کسی کو اندر آنے کی اجازت نہ دی شرکاء نے کئی گھنٹے تک دفتر کے باہر احتجاجی دھرنا دیا لیکن سوئی گیس کے افسران کی ہٹ دھرمی کے باعث کچھ شرکاء ریلی دفتر کی دیواریں پھلانگ کر اندر پہنچ گئے جس کے بعد دھرنا دینے والے افراد دفتر کے اندر پہنچ کر محکمہ سوئی گیس کے عملہ کیخلاف شدید نعرے بازی کی جلوس کی اطلاع ملتے ہی آر ایم محکمہ سوئی گیس سرگودھا نے دفتر کے تمام سرکاری گاڑیوں کو دفتر سے نکل جانے کا حکم دیا تھا جلوس کی آمد کے باعث متعدد ملازمین دفتر سے بھاگ گئے‘ تاہم آر ایم سوئی گیس نے اراکین اسمبلی اور شرکائے ریلی کو یقین دلایا کہ سرگودھا میں جاری سوئی گیس کے بحران پر قابو پانے کیلئے اعلیٰ حکام سے رابطہ کیا جارہا ہے احتجاجی ریلی کے شرکاء نے ہاتھوں میں پلے کارڈز اٹھا رکھے تھے جن پر آر ایم محکمہ سوئی گیس سرگودھا کے علاوہ دیگر عملہ کیخلاف نعرے بھی درج تھے ‘اس موقع پر پولیس کی جانب سے سکیورٹی کے فول پروف انتظامات کئے گئے تھے تاہم سرگودھا شہر کی تاریخ کی سب سے بڑی ریلی کے باعث شہر بھر میں ٹریفک کا نظام معطل ہوکر رہ گیا جگہ جگہ ٹریفک کے رش کے باعث شہریوں کو مشکلات کا سامنا کرنا پڑا تاہم ٹریفک پولیس کا عملہ ٹریفک کو گزارنے کیلئے کہیں بھی نظر نہ آیا
متعلقہ عنوان :
مزید اہم خبریں
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
روپے کی قدر میں کمی:دنیا بھر میں بحران کا شکار قرض پروگرام لینے والے ممالک کے لیے کرنسی کی قدرمیں کمی شرط ہوتی ہے.محمد اورنگزیب
-
بدترین معاشی حالات اور شہریوں کی قوت خرید میں کمی سے کاروں اور دیگر گاڑیوں کی فروخت میں تنزلی
-
متحدہ عرب امارات اور دیگر خلیجی ممالک میں طوفانی بارشوں سے ماحولیاتی سائنسدانوں میں نئی بحث چھڑگئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.