امریکہ نے ملا فضل اللہ کو افغانستان میں مارنے یا زندہ پکڑنے کی مکمل یقین دہانی کرادی ہے ‘ سیکرٹری دفاع
پیر 26 جنوری 2015 17:33
اسلام آباد(اُردو پوائنٹ تازہ ترین اخبار۔ 26 جنوری 2015ء) امریکہ نے پاکستان کو کالعدم تحریک طالبان پاکستان (ٹی ٹی پی) کے سربراہ ملا فضل اللہ کو افغانستان میں مارنے یا زندہ پکڑنے کی مکمل یقین دہانی کراتے ہوئے کہا ہے کہ گرفتاری کی صورت میں انھیں ہر صورت پاکستان کے حوالے کر دیا جائیگا ‘ پاک امریکہ غلط فہمیاں ختم ہوگئی ہیں،امریکہ نے دہشتگردی کیخلاف جنگ کیلئے اتحادی فنڈ میں توسیع کردی ہے ‘آرمی چیف جنرل راحیل شریف نے امریکہ کو پاکستان میں دہشت گرد کارروائیوں میں بھارتی مداخلت کے ناقابل تردید ثبوت پیش کیے ہیں۔
پیر کو یہاں پارلیمنٹ ہاوٴس میں سینیٹر سید مشاہد حسین کی زیرصدارت سینیٹ کی قائمہ کمیٹی برائے دفاع کا اجلاس ہوا جس میں سیکریٹری دفاع لیفٹیننٹ جنرل (ر)عالم خٹک نے کمیٹی کو آرمی چیف کے دورہ امریکہ اور پاک امریکہ اسٹریٹیجک مذاکرات کے حوالے سے ان کیمرہ بریفنگ دی۔(جاری ہے)
کمیٹی کے ارکان نے وزیر دفاع کی عدم شرکت پر شدید ردعمل کا اظہار کیا۔ ذرائع کے مطابق اجلاس کے دوران سیکرٹری دفاع نے کمیٹی کو بتایا کہ آرمی چیف جنرل راحیل شریف نیامریکی حکام کو پاکستان میں بھارتی مداخلت سے متعلق آگاہ کیا ہے اور اپنے دورہ امریکہ کے دوران اس سلسلے میں تمام ثبوت فراہم کئے ہیں۔
انہوں نے کہا کہ پاک امریکہ غلط فہمیاں ختم ہوگئی ہیں،امریکہ نے دہشتگردی کیخلاف جنگ کیلئے اتحادی فنڈ میں توسیع کردی ہے۔ امریکہ افغانستان میں ملا فضل اللہ کو مارنے یا اسے زندہ پکڑنے کیلئے پاکستان کی مدد کرنے پر تیار ہوگیا ہے۔ گزشتہ دنوں امریکہ نے ملا فضل اللہ کے ٹھکانے پرڈرون حملہ کیا تاہم وہ بچ نکلا۔ انہوں نے بتایا کہ افغانستان سے فوجی انخلا کے بعد امریکہ کا زیادہ تر اسلحہ پاکستان کے راستے سے واپس جارہا ہے امریکہ نے اس میں سے کچھ اسلحہ پاکستان کو دینے کی بھی حامی بھری ہے۔سیکرٹری دفاع نے کہاکہ آرمی چیف جنرل راحیل شریف نے امریکہ کو پاکستان میں دہشت گرد کارروائیوں میں بھارتی مداخلت کے ناقابل تردید ثبوت پیش کیے ہیں۔کمیٹی اراکین کو بتایا گیا کہ امریکہ رواں برس کولیشن سپورٹ فنڈ کے تحت پاکستان کو ایک ارب امریکی ڈالر فراہم کرے گا جبکہ سکیورٹی چیلنجز کا مقابلہ کرنے کے لیے دفاعی آلات بھی فراہم کیے جائیں گے۔یاد رہے کہ 16 دسمبر 2014 کو سانحہ پشاور کے اگلے ہی روز آرمی چیف جنرل راحیل شریف نے کابل کا دورہ کیا تھا ، جہاں انھوں نے افغان سیاسی و عسکری قیادت سے ملاقات میں طالبان کمانڈر ملا فضل اللہ کی حوالگی کا مطالبہ کیا تھا۔جبکہ جنوری 2014 میں امریکہ کی جانب سے کالعدم تحریک طالبان پاکستان کے سربراہ ملا فضل اللہ کوعالمی دہشت گرد قرار دیا جا چکا ہے۔متعلقہ عنوان :
مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.