اقوام متحدہ میں قانون سازی کے ذریعے انبیائے کرام کی شان میں گستاخیوں کا سلسلہ روکا جائے ،
امیر جماعت اسلامی سراج الحق کا 28 ممالک کے سربراہان اور عالمی اداروں کے ذمہ داران کے نام خط
جمعرات 22 جنوری 2015 23:24
لاہور ( اُردو پوائنٹ اخبارتازہ ترین - این این آئی۔22جنوری۔2015ء) جماعت اسلامی پاکستان کے امیر سراج الحق نے28ممالک کے سربراہان اور عالمی اداروں کے ذمہ داران کے نام اپنے خط میں فرانس میں شائع ہونے والے گستاخانہ خاکوں کی پرزور مذمت کرتے ہوئے اس بات پر زور دیا ہے کہ اقوام متحدہ میں قانون سازی کے ذریعے انبیائے کرام کی شان میں گستاخیوں کا سلسلہ روکا جائے،عالمی برادری تمام انبیاء اور آسمانی کتب کے احترام کو لازم قرار دے اور اس قبیح جرم کا ارتکاب کرنے والاکسی بھی مذہب سے تعلق رکھتا ہواس کے خلاف انسانیت کے خلاف جرم کا مقدمہ درج کیا جائے ۔
فرانس، ڈنمارک، برطانیہ، جرمنی، اٹلی اور امریکا سمیت دیگر ممالک کے سربراہان اور اقوام متحدہ اور OICکے سیکرٹری جنرل کے نام اپنے خط میں سراج الحق نے کہا ہے کہ نبی آخرالزمان حضرت محمد ﷺ کے خاکوں اور آپﷺ کی شان میں گستاخی نے پوری مسلم دنیا کو اضطراب میں مبتلا کر دیا ہے۔(جاری ہے)
ضروری ہے کہ موٴثر قانونی اقدامات کیے جائیں تاکہ فرانس میں شائع ہونے والے رسالے کے خاکوں جیسے افسوس ناک اقدام کا اعادہ نہ ہوسکے۔
انہوں نے کہا کہ ہم دنیا بھر کے انسانوں کی آزادی، احترام کو تسلیم کرتے ہیں ضروری ہے کہ امت مسلمہ اور امت مسلمہ کی محبوب ہستی کے لیے بھی یہ حق تسلیم کیا جائے۔انہوں نے بعض یورپی ممالک میں مساجد اور عام مسلمانوں کے خلاف ہونے والی متعصبانہ کاروائیوں کی مذمت کرتے ہوئے مزید کہا کہ اپنے ہی ملک کے شہریوں کے خلاف پرتشدد کاروائیاں تنازعات میں اضافے کا باعث بنیں گی۔ کسی بھی معمولی سی اقلیت کو یہ حق نہیں دیا جاسکتا کہ وہ پورے ملک ، پورے براعظم یا ساری دنیا کا امن تلپٹ کر کے رکھ دے۔ انہوں نے کہا کہ تمام مذاہب اوران کے انبیاء کا یکساں بھرپور احترام کیا جانا ضروری ہے اور ریاست کو اس ضمن میں سخت قوانین وضع کرنے چاہئیں۔امیر جماعت اسلامی نے اپنے خط میں کہا ہے کہ ہم ہر قسم کی دہشت گردی کی بھرپورمذمت کرتے ہیں لیکن اس کے ساتھ ساتھ ہم یہ بھی چاہتے ہیں کہ دہشت گردی کے اصل اسباب تلاش کیے جائیں اور ان کا سدباب کیا جائے۔متعلقہ عنوان :
مزید اہم خبریں
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے، اس صنعت میں تعاون سے ملک کو عالمی معیشت سے جوڑا جا سکتا ہے، وفاقی وزیر اطلاعات عطاءاللہ تارڑ کا سیمی کنڈکٹر سمٹ 2024ءسے خطاب
-
نومئی کے حملہ آور آج ملکی مفاد پر حملہ آور ہیں، عطاءاللہ تارڑ
-
پنجاب اسمبلی کے ملازم کی مبینہ خودکشی کی کوشش،اسمبلی کی عمارت سے چھلانگ لگا دی
-
ملک بھر میں زائد المیعاد شناختی کارڈز پر جاری موبائل سمز بند کرنے کا حکم
-
اس وقت عہدوں میں نہیں الجھنا چاہیے، میری گورنر شپ کا سفر سب کے سامنے ہے،گورنر سندھ
-
بلاول بھٹو زرداری نے پارٹی رہنماءاخونزادہ چٹان پر حملہ کرنے والوں کی گرفتاری کا مطالبہ کردیا
-
’سیاست کا مقابلہ صرف سیاست سے ہوگا، جگ ہنسائی سے بچا جائے‘
-
پنجاب حکومت کا خصوصی افراد کیلئے ”ہمت کارڈ“ اور”نگہبان کارڈ“جاری کرنے کافیصلہ
-
بشریٰ بی بی کی بنی گالہ سے اڈیالہ جیل منتقلی کی درخواست دوبارہ بحال
-
جنرل (ر) فیض حمید کیخلاف انکوائری، نجی ہاؤسنگ سوسائٹی معاملے پر کمیٹی بنادی گئی
-
ٹیکس نیٹ بڑھانے اورحکومتی ملکیتی اداروں کی نجکاری کویقینی بنائیں گے
-
دبئی میں مقیم پاکستانیوں کے لیے پاکستان قونصل خانہ دبئی کا بڑا اعلان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.