بیرونی سرمایہ کاروں کو سرمایہ کاری پر پرکشش اور مثابقتی منافع کی پیشکش کرتے ہیں ،وزیر خزانہ اسحاق ڈار،
،جلد ہی آٹو پالیسی کا اعلان کر رہے ہیں ،جاپانی کمپنیوں کو مخصوص اقتصادی زونز کے قانون2012ء سے استفادہ کرنا چاہئے ،حکومت توانائی بحران کے حل کیلئے سنجیدہ کوششیں کر رہی ہے ،بحران ہونے سے سرمایہ کاری بڑھے گی ، وفد سے گفتگو
ہفتہ 17 جنوری 2015 23:38
ٹوکیو (اُردو پوائنٹ تازہ ترین اخبار۔ 17 جنوری 2015ء) وفاقی وزیر خزانہ سینیٹر اسحاق ڈار نے کہاہے کہ بیرونی سرمایہ کاروں کو سرمایہ کاری پر پرکشش اور مثابقتی منافع کی پیشکش کرتے ہیں جلد ہی آٹو پالیسی کا اعلان کر رہے ہیں جاپانی کمپنیوں کو مخصوص اقتصادی زونز کے قانون2012ء سے استفادہ کرنا چاہئے حکومت توانائی بحران کے حل کیلئے سنجیدہ کوششیں کر رہی ہے بحران ہونے سے سرمایہ کاری بڑھے گی ۔
وزیر خزانہ سینیٹر محمد اسحاق ڈار سے جاپان پاکستان بزنس کارپوریشن کمیٹی ( جے پی بی سی سی) کی رکن کمپنیوں کے وفد نے چیئرمین تیروآسادا کی قیادت میں ملاقات کی۔ اجلاس میں سرمایہ کاری بورڈ کے چیئرمین ڈاکٹر مفتاح اسمعیل، ٹوکیو میں جاپانی سفیر اور وزارت خزانہ اور پاکستانی سفارتخانے کے اعلیٰ حکام نے بھی شرکت کی۔(جاری ہے)
کمیٹی کے اراکین کی طرف سے وزیر خزانہ کو خوش آمدید کہتے ہوئے آسادا نے دونوں ممالک کے کاروباری اور اقتصادی تعاون کے فروغ کیلئے کمیٹی کے کردار کے حوالے سے وزیر خزانہ کو بریفنگ دی۔
جاپان پاکستان بزنس فورم سے چھ اجلاس کرچکا ہے۔ آخری اجلاس مارچ 2012ء میں ٹوکیو میں ہوا تھا۔ آسادا نے وزیر خزانہ سینیٹر محمد اسحاق ڈار کو بتایا کہ کمیٹی کی رکن کمپنیاں پاکستان میں اقتصادی ترقی کا جائزہ لے رہی ہیں اور کمیٹی کے رکن ادارے وزیراعظم محمد نواز شریف کی حکومت کی جرات مندانہ پالیسیوں کی حمایت کرتے ہیں۔ وزیر خزانہ نے جے پی بی سی سی کمیٹی کے رکن اداروں کو اپنے دورے کے دوران وزراء، مختلف اداروں کے سربراہوں جن میں جائیکا، جیٹرو، جے بی آئی سی سمیت کارپوریٹ کے شعبہ کے سربراہان سے اپنی ملاقاتوں کے حوالے سے بتایا۔ پاکستانی معیشت پر روشنی ڈالتے ہوئے وزیر خزانہ نے بتایا کہ بین الاقوامی مالیاتی ادارے پاکستان کے ساتھ دوبارہ کام شروع کرچکے ہیں کیونکہ اب پاکستان 2012ء کا پاکستان نہیں ہے۔ انہوں نے کہاکہ ہم بیرونی سرمایہ کاروں کو سرمایہ کاری پر پرکشش اور مثابقتی منافع کی پیشکش کرتے ہیں۔ انہوں نے جاپانی تاجر برادری سے کہا کہ وہ اپنے کاروبار کو پاکستان تک توسیع دیں۔ جاپانی کمپنیوں کو مخصوص اقتصادی زونز کے قانون2012ء سے استفادہ کرنا چاہئے۔ انہوں نے کہا کہ ہم جلد ہی آٹو پالیسی کا اعلان کر رہے ہیں۔ انہوں نے جاپانی کمپنیوں کو پاکستان میں ٹیکسٹائل کی صنعت قائم کرنے کا بھی کہا اور کہا کہ انہیں ملک میں دستیاب سستی افرادی قوت سمیت جی ایس پی پلس سکیم کے تحت یورپ کو برآمدات کے مواقع بھی مل سکتے ہیں۔ وزیر خزانہ نے کمپنیوں کو یقین دلایا کہ حکومت توانائی بحران کے حل کیلئے سنجیدہ کوششیں کر رہی ہے تاکہ توانائی کی صورتحال بہتر ہو جس سے سرمایہ کاری بڑھے گی جبکہ سیکیورٹی کا استحکام بھی حاصل کرلیا جائے گا۔ انہوں نے خطے کے روابط میں اضافہ کے حوالے سے پاکستانی کردار اور حکومتی اداروں کی نجکاری کے حوالے سے بھی بتایا۔ اختتام پر آسادا نے ممبر اداروں کی جانب سے وزیر خزانہ کا شکریہ ادا کرتے ہوئے انہیں پاکستان کی موجودہ اقتصادی اور سرمایہ کاری کی صورتحال کے حوالے سے تفصیلات بتائیں۔ انہوں نے اس توقع کا اظہار کیا کہ جاپانی کمپنیاں پاکستان میں بڑھتے ہوئے اقتصادی ذرائع اور ملک میں کاروبار کی توسیع سے استفادہ کریں گی۔متعلقہ عنوان :
مزید اہم خبریں
-
سینئر صوبائی وزیر مریم اورنگزیب کی ورلڈ فوڈ پروگرام کی کنٹری ڈائریکٹر کوکویوشییامہ سے ملاقات
-
حکومت گندم خریداری سے ہاتھ کھینچ چکی، کسان کو3900 روپے فی من قیمت نہیں مِل رہی
-
سعودی عرب کی پہلی بار ’مس یونیورس‘ مقابلے میں ممکنہ شرکت
-
وزیراعظم شہبازشریف نے ٹیکس چوری روکنے کا ٹریک اینڈ ٹریس سسٹم فراڈ قراردیدیا
-
توانائی پر پاک ایران تعاون موجود ہے، اپنی ضروریات کیلئے امریکا سے بھی رابطے میں ہیں،پاکستان
-
وزیراعظم 28 اپریل کو سعودی عرب میں عالمی اقتصادی فورم اور4 مئی کو گیمبیا میں او آئی سی سربراہی اجلاس میں شرکت کریں گے،ترجمان دفتر خارجہ ممتاز زہرہ بلوچ کی ہفتہ وار پریس بریفنگ
-
شہداء کے اہلخانہ میرے دل کے بہت قریب ہیں ، ایک شہید کا داماد ہوں، وزیرداخلہ محسن نقوی
-
قوم کو غلامی کی زنجیروں میں جکڑنے والوں سے کوئی ڈیل نہیں کروں گا
-
ہماری آزادی میں ایک جنگل کا بادشاہ حائل ہے
-
وزیر داخلہ محسن نقوی کا اسلام آباد پولیس خدمت مرکز 24 گھنٹے کھلا رکھنے کا اعلان
-
ایف بی آر، وزارت داخلہ کو تیل کی اسمگلنگ کے خلاف کریک ڈاؤن کرنے کی ہدایت
-
ن لیگ پنجاب نے نو از شریف کو پارٹی کی قیادت دوبارہ سنبھالنے کی درخواست کر دی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.