راولپنڈی،گستاخانہ خاکوں کے خلاف یوم احتجاج منایا گیا ،جلوس اور ریلیاں نکالی گئیں،
مغرب پھیلتے ہوئے اسلام سے خوفزدہ ہے، فرانس کے سفیر کو فوری طور پر ملک بدر اور سفارتخانے کو بند کیا جائے،او آ ئی سی غفلت سے بیدار ہو کر اپنا کردار ادا کرے،مسلمان اپنے پیغمبر ﷺ کی شان میں کسی قسم کی گستاخی ہر گز برداشت نہیں کر سکتے،مظاہرین
جمعہ 16 جنوری 2015 23:20
راولپنڈی (اُردو پوائنٹ اخبارتازہ ترین - این این آئی۔16جنوری۔2015ء) امیر جماعت اسلامی پاکستان سراج الحق کی اپیل پرفرانس میں حضور نبی کریم ﷺ کی شان میں گستاخانہ خاکوں کے خلاف گزشتہ روزیوم احتجاج منایا گیا ۔ ملک بھر کے تمام بڑے بڑے شہروں میں جلوس اور ریلیاں نکالی گئیں اور مظاہرے کیے گئے۔یوم احتجاج کے سلسلے میں بعد نماز جمعہ موتی مسجد لیاقت روڈ راولپنڈی سے فوارہ چوک راجہ بازار تک ریلی نکالی گئی جس کی قیادت جماعت اسلا می کے قائدین نے کی جبکہ فوارہ چوک میں زبر دست احتجاجی مظاہرہ کیا گیا۔
مظاہرین نے بینرز اور کتبے اُٹھا رکھے تھے۔جن پر فرانس کے ایک اخبار میں حضور نبی کریم ﷺکی شان میں گستاخانہ خاکوں کی اشاعت کی شدید مذمت کی گئی تھی ۔پُر جوش مظاہرین زبردست نعرہ بازی کرتے رہے۔(جاری ہے)
رہبر و رہنما مصطفی ﷺ مصطفی ﷺ غلامی رسول ﷺمیں موت بھی قبول ہے۔جو ہو نہ عشق مصطفے ﷺ تو زندگی فضول ہے۔فرانس میڈیا مردہ باد ۔ فوارہ چوک پہنچ کر یہ ریلی ایک بڑے مظاہرے کی شکل اختیار کر گئی۔
اس دوران مسلم سٹودنٹس آرگنائزیشن کا ایک جلوس فوارہ چوک پہنچا تو جماعت اسلامی کے رہنماؤں نے اُن کو اپنے سٹیج پرآ کراکٹھے احتجاج کرنے کی دعوت دی جسے ایم ایس او کے رہنماؤں نے قبول کر تے ہوئے تمام مظاہرین سمیت جماعت اسلامی کے مظاہرے میں شرکت کی۔اس احتجاجی مظاہرے سے امیر جما عت اسلامی ضلع راو لپنڈ ی شمس الرحمان سواتی جنرل سیکرٹری راجہ محمد جواد امیر پی پی 9 رضوان احمد امیر پی پی 11 محمدعثمان آکاش امیر پی پی 13 سید عزیر حامد سابق ایم پی اے حنیف چوہدری سابق ناظم یو سی 20 سید ارشد فاروق مرکزی انجمن تاجران راولپنڈی کے صدر شاہد غفور پراچہ شباب ملی کے صدر ضیا اللہ چوہان جمعیت اتحاد العلماء کے مولانا خالد عمران خالداور ریلوے پریم یونین کے صدر ڈاکٹر اشتیا ق عرفان سمیت دیگر رہنماؤں نے بھی اظہار خیال کیا۔ مقررین نے فرانس کے اخبار کی طرف سے شان رسالت ﷺ میں گستاخی کی شدید مذمت کرتے ہوئے اسے ایک سوچی سمجھی سازش قرار دیا ہے ۔انہوں نے کہا کہ یورپ والوں کے دوہرے معیار ہیں سرکوزی کی بیوی کی فحش تصاویر چھاپنے پر تو صحافی کو ملازمت سے برخاست کردیا گیا اور پھر اُ س نے معافی بھی مانگ لی مگر جب معاملہ نبی کریم ﷺ کی شان میں گستاخانہ خاکوں کا آتا ہے تو اسے آزادی رائے سے تعبیر کیا جاتا ہے۔یہ کُھلی منافقت اور اسلام دشمنی ہے۔انہوں نے کہا کہ اسلام امریکا اور یورپ میں تیزی سے پھیلنے والا مذہب ہے۔یہی وجہ ہے کہ وہاں کے حکمران اور دانشور اسلام فوبیا کا شکار ہو رہے ہیں۔مغرب پھیلتے ہوئے اسلام سے خوفزدہ ہے۔انہوں نے کہا کہ پاکستان کے نواز شریف ترکی کے طیب اردگان اور سعودی عرب کے شاہ عبداللہ آگے آئیں اور امت مسلمہ کی قیادت کریں۔ مقررین نے مطالبہ کیا کہ فرانس کے سفیر کو فوری طور پر ملک بدر اور سفارتخانے کو بند کیا جائے۔ مسلم حکمرانوں کی سربرائی کانفرنس طلب کر کے مشترکہ لائحہ عمل طے کیا جائے۔ او آ ئی سی غفلت سے بیدار ہو کر اپنا کردار ادا کرے۔مغرب پر واضح کر دیا جائے کہ مسلمان اپنے پیغمبر ﷺ کی شان میں کسی قسم کی گستاخی ہر گز برداشت نہیں کر سکتے۔متعلقہ عنوان :
مزید اہم خبریں
-
ملک میں مہنگائی کی مجموعی شرح کم ہوکر 22.32 فیصد کی سطح پر آگئی
-
صوبے کے عوام کو چور نہ کہا جائے،ایسی گفتگو برداشت نہیں کی جائیگی،علی امین گنڈا پور
-
بھارتی انتخابات: کشمیر میں امیدوار کھڑا نہ کرنے کی حکمت عملی
-
گورنر سندھ کے معاملے پر ہم نے مسلم لیگ ن سے کوئی گارنٹی نہیں مانگی، خالد مقبول
-
عازمین حج پاکستان کے سفیر بن کر جائیں اور وہاں ڈسپلن کا خیال رکھیں ، چیئرمین سینیٹ
-
فرانس ، پاکستانی سفیرعاصم افتخار احمد کا سینڈیلن میں پاکستان کے ایونٹنگ پیرس اولمپکس تربیتی کیمپ کا دورہ،کوچ پیئرڈیفرنس سے ملاقات
-
رفح سے فلسطینی شہریوں کا انخلا
-
کوپ 29 کے نتیجے میں ترقی پذیر ممالک کو موسمیاتی تبدیلیوں سے نمٹنے کیلئے مالیاتی ضروریات پورا کرنے میں مدد ملے گی، صدر مملکت آصف علی زرداری
-
وزیرِ اعظم نے سرمایہ کاری بورڈ کو ملک میں سرمایہ کاری اور نئے کاروبار کے آغاز کیلئے مزید آسانیاں پیدا کرنے کا ہدف دے دیا ، ون ونڈو آپریشن کی طرز پر طریقہ کار وضع کرنے کی ہدایت
-
فرانس میں پاکستان کے سفیر عاصم افتخاراحمد کا سینڈیلن میں پاکستان کے ایونٹنگ پیرس اولمپکس 2024 کے تربیتی کیمپ کا دورہ
-
روبینہ خالد نے بینظیرانکم سپورٹ پروگرام کی چیئرپرسن کی حیثیت سے ذمہ داریاں سنبھال لیں
-
پاکستان کے سیٹلائٹ آئی کیوب قمر نے چاند کے تین چکر کامیابی سے مکمل کرنے کے بعد مدار سے ابتدائی تصاویر بھیج دیں
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.