خیبرایجنسی، جھڑپ کے دوران زخمی دہشتگرد کمانڈر ہلاک، لنڈی کوتل سے 6 گرفتار

جمعہ 16 جنوری 2015 11:39

جمرود(اُردو پوائنٹ اخبار تازہ ترین۔16جنوری2015ء) خیبر ایجنسی جمرود شاہ کس میں جھڑپ کے دوران زحمی شدت پسند کمانڈر ہلاک جبکہ لنڈی کوتل میں سیکورٹی فورسز اور انتظامیہ کی مشترکہ سرچ آپریشن میں چھ مشتبہ افراد گرفتار کر لئے گئے ہیں۔ خیبرایجنسی کی تحصیل جمرود شاہ کس میں جھڑپ کے دوران زحمی شدت پسند کمانڈر ہلاک ہوا ہے جس کا تعلق کالعدم تحریک طالبان سے بتایا جاتا ہے ۔

(جاری ہے)

اس کے علاوہ خیبر ایجنسی کی تحصیل لنڈی کوتل میں سیکورٹی فورسز اور انتظامیہ کا مشترکہ سرچ آپریشن ہوا جس کے نتیجے میں چھ مشتبہ افرادا گرفتار کر لئے گئے ہیں ۔ سرچ آپریشن لنڈی کوتل ہائی سکول کے آس پاس کے علاقوں میں کیا گیا جہاں سے گزشتہ روز سکول سے بم برآمد ہوا تھا جس کو فورسز نے نکارہ بنا دیا تھا ۔ سیکورٹی فورسز نے گزشتہ رات کو بھی لنڈی کوتل میں سرچ آپریشن کے دوران دو مشتبہ افردا کو گرفتار جبکہ اسلحہ بارود بھی برآمد کیا گیا تھا۔