وزیراعلیٰ شہبازشریف سے شعبہ توانائی کے جرمن ماہرین کی ملاقات ، تعاون کے امکانات کو فروغ دینے پر تبادلہ خیال،
توانائی کی کمی کے مسئلے سے نمٹنے کیلئے شارٹ ، میڈیم او رلانگ ٹرم حکمت عملی اپنائی گئی ہے ‘شہبازشریف، سرمایہ کار ی کیلئے سازگار ماحول پیدا کیا گیا ہے، ملکی اور غیر ملکی کمپنیوں کو خصوصی مراعات دی جا رہی ہیں، جرمنی کو توانائی کے شعبے میں مہارت حاصل ہے ،جرمن ٹیکنالوجی اور تجربے سے استفادہ کرنا چاہتے ہیں‘وزیراعلیٰ پنجاب
جمعرات 15 جنوری 2015 23:28
لاہور(اُردو پوائنٹ اخبار تازہ ترین۔15جنوری2015ء ) وزیراعلیٰ پنجاب محمد شہباز شریف سے آج یہاں توانائی کے شعبے کی معروف جرمن کمپنی لہے مائرانٹرنیشنل کے ماہرین نے ملاقات کی۔ جس میں توانائی کے شعبہ میں تعاون کے امکانات کو فروغ دینے پر تبادلہ خیال کیاگیا۔وزیراعلیٰ پنجاب محمد شہبازشریف نے اس موقع پر گفتگو کرتے ہوئے کہا کہ پاکستان کو درپیش توانائی کے بحران نے معیشت سمیت زندگی کے تمام شعبوں کو متاثر کیاہے- توانائی بحران کا خاتمہ کر کے ہی تیز رفتار معاشی و صنعتی ترقی کا ہدف حاصل کیا جاسکتا ہے- حکومت توانائی بحران کے جلد خاتمے کیلئے ہر ضروری قدم اٹھا رہی ہے- توانائی کی کمی کے مسئلے پر قابو پا نے کیلئے سنجیدگی اور تیز رفتاری سے آگے بڑھ رہے ہیں- توانائی بحران سے نمٹنے کیلئے شارٹ ، میڈیم اور لانگ ٹرم حکمت عملی اپنائی گئی ہے- حکومت روایتی ذرائع کے ساتھ ساتھ متبادل اور سستے ذرائع سے بجلی کے حصول پر توجہ دے رہی ہے- سولر، ہائیڈرو، کوئلے، بائیوگیس، بائیوماس اور دیگر ذرائع سے توانائی کے حصول کے منصوبوں پر کام کر رہے ہیں- انہوں نے کہا کہ ملکی اور غیر ملکی کمپنیوں کو توانائی کے شعبے میں سرمایہ کاری کیلئے خصوصی مراعات دی جا رہی ہیں- سرمایہ کار ی کیلئے سازگار ماحول پیدا کیا گیا ہے-پاکستان میں غیر ملکی سرمایہ کارکمپنیوں کو ہر ممکن سہولتیں فراہم کی جارہی ہیں-انہوں نے کہاکہ قائد اعظم سولر پا رک بہاولپور میں 100میگا واٹ کاسولر منصوبہ تکمیل کے آخری مراحل میں ہے-پنجاب حکومت100میگاواٹ کا سولر منصوبہ اپنے وسائل سے لگارہی ہے جسے انتہائی تیزرفتاری اورشفافیت سے مکمل کیا جارہا ہے اوربہت جلد پاکستان میں اپنے نوعیت کے اس منفرد اورپہلے منصوبے کا افتتاح ہوگا۔
(جاری ہے)
مزید اہم خبریں
-
زرمبادلہ ذخائر میں مزید اضافہ ہو گیا
-
سگریٹ کو مزید مہنگا کرکے نوجوانوں کو تمباکو نوشی سے دوررکھا جاسکتا ہے
-
وفاقی حکومت نے کابینہ کی ای سی ایل کمیٹی کی تشکیل نو کردی
-
سندھ حکومت کا آئندہ ہفتے 2 تعطیلات کا اعلان
-
حکومت اور جماعتوں کو مل کرخفیہ ایجنسیوں کی سیاست میں مداخلت کوروکنا چاہیے
-
افغانستان میں جنگی جرائم کی تحقیقات، برطانوی وزیرکو سزا ملنے کا امکان
-
کیا ترکی شامی پناہ گزینوں کی غیر قانونی ملک بدری کررہا ہے؟
-
عدلیہ میں کسی قسم کی مداخلت برداشت نہیں ہوگی
-
جون سے فیز وائز پلاسٹک بیگز کو بین کردیاجائیگا‘مریم اورنگزیب
-
عمران خان سمیت اڈیالہ جیل کے تمام قیدیوں سے ملاقاتوں پرپابندی ختم
-
رانا مشعود احمد خان اور ڈاکٹرمختار بھرت وزیراعظم کے کوآرڈینیٹر مقرر
-
وفاقی وزیر داخلہ محسن نقوی کاایک روزہ دورہ پشاور،کمانڈنٹ ایف سی نے ائرپورٹ پراستقبال کیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.