ذات مصطفی ﷺ کی تقدیس پر حملہ پوری انسانیت پر حملہ ہے ،صاحبزادہ فیض الرحمان درانی ،
محسن انسانیت ﷺ کی ذات مقدسہ کی توہین کرنے والے امن عالم اور انسانیت کے دشمن ہیں ،آزادی رائے کی چھتری تلے ناپاک جسارت کرنے والے دنیا کو تصادم کی طرف دھکیل رہے ہیں،تمام مذاہب کے پیروکاروں کا فرض بنتا ہے کہ وہ اس مذموم عمل کے خلاف آواز اٹھائیں، منہاج القرآن علماء کونسل کے ہنگامی اجلاس سے خطاب
جمعرات 15 جنوری 2015 23:07
لاہور(اُردو پوائنٹ اخبار تازہ ترین۔15جنوری2015ء) تحریک منہاج القرآن کے مرکزی امیر صاحبزادہ فیض الرحمان درانی نے کہا ہے کہ عورتوں،بچوں حتی کہ جانوروں تک کے حقوق کو تحفظ دینے والے محسن انسانیت ﷺ کی ذات مقدسہ کی توہین کرنے والے امن عالم اور انسانیت کے دشمن ہیں ۔جمہوریت اور انسانی حقوق کو مذہب کا درجہ دینے والے آزادی رائے کی چھتری تلے ناپاک جسارتوں کا عمل جاری رکھ کر دنیا کو تصادم کی طرف دھکیل رہے ہیں جو انتہائی قابل مذمت جرم ہے ،یہی وہ انتہاپسندانہ رویہ ہے جن کا دہشت گرد فائدہ اٹھاتے ہیں ۔
ایسی ناپاک جسارت کی پر زور مذمت کرتے ہیں اور مطالبہ کرتے ہیں کہ ایسے عناصر کے خلاف عالمی عدالت انصاف میں مقدمہ چلایا جائے۔یو این او اور آئی سی اس اہم ترین ایشو پر فوری اجلاس بلائے ۔(جاری ہے)
الہامی مذاہب میں آسمانی کتابوں ،پیغمبروں اور مقدس ہستیوں کی توہین کی قطعاً اجازت نہیں اس لئے تمام مذاہب کے پیروکاروں کا فرض بنتا ہے کہ وہ اس مذموم عمل کے خلاف آواز اٹھائیں ۔
وہ مرکزی سیکرٹریٹ ماڈل ٹاؤن میں منہاج القرآن علماء کونسل کے ہنگامی اجلاس سے خطاب کر رہے تھے اس موقع پر علامہ سید فرحت حسین شاہ،حاجی امداد اللہ قادری،علامہ آصف اکبر میر ،علامہ غلام اصغر صدیقی،علامہ ممتاز صدیقی ،علامہ لطیف مدنی ،علامہ رانا محمد ادریس و دیگر بھی موجود تھے ۔فیض الرحمان درانی نے کہا کہ پوری دنیا کیلئے رحمت بن کر آنے والے آخری رسول ﷺ کی شان میں گستاخی کرنے والے پوری انسانیت کے مجرم ہیں ۔آزادی اظہار کے نام پر انسانی قدروں کی دھجیاں بکھیرنے والے عالمی امن کے بد ترین دشمن ہیں ۔انہوں نے کہا کہ یو این مقدس ہستیوں اور مذاہب کے احترم کے حوالے سے قرادادوں پر عمل کو یقینی بنائے ۔امت مسلمہ اور دیگر ملکوں کے حکمران مصلحتوں کو بالائے طاق رکھ کر مسلمانوں کے جذبات کی ترجمانی کریں ۔انہوں نے اپیل کی کہ امت مسلمہ جلاؤ گھیراؤ کی بجائے پر امن طریقے سے احتجاج کرے ،یقینا اس مذموم عمل سے ہر مسلمان کا دل دکھی ہے ۔انہوں نے کہا کہ دنیا بھر کے مسلمانوں کا دل زخمی کرنے والوں کا عمل قابل مذمت ہے ۔ذات مصطفی ﷺ کی تقدیس پر حملہ پوری انسانیت پر حملہ ہے ۔مزید اہم خبریں
-
وفاقی وزیر برائے منصوبہ بندی ترقی و خصوصی اقدامات احسن اقبال کی زیرصدارت اجلاس
-
ملک میں ایک بار پھر جان بچانے والی دواؤں کی قلت،مختلف امراض میں مبتلا مریضوں کو مشکلات کا سامنا
-
وزیر اعلی سندھ نے غیر اعلانیہ لوڈشیڈنگ کا معاملہ وفاقی وزیر توانائی کے سامنے اٹھا دیا
-
تجوری ہائٹس معاوضہ ادائیگی کیس، سپریم کورٹ کی نظر ثانی کی درخواست پر نمبر درج کرنے کی ہدایت
-
نوازشریف کی صحابی رسولؐ سعد بن ابی وقاصؓ کے مزار پر حاضری
-
اپنے معاشرے کو ترقی یافتہ بنانے کیلئے ضروری ہے ہماری خواتین انفارمیشن ٹیکنالوجی سکلزحاصل کریں‘مریم نواز
-
پنجاب میں سماج دشمن اور جرائم پیشہ عناصر کے لئے اب کوئی جگہ نہیں‘ مریم نواز شریف
-
وزیراعلیٰ مریم نوازکی پولیس یونیفارم میں لیڈی پولیس کانسٹیبل اورٹریفک اسسٹنٹ پاسنگ آؤٹ پریڈ میں شرکت
-
’’مجھے بھی مبارک باد، یہ میری بھی بیٹیاں ہیں‘‘،مریم نوازشریف
-
اوگرانے تیل کی قیمتیں ڈی ریگولیٹ کرنے کی تردید کر دی
-
چیف جسٹس قاضی فائز عیسی نے پروٹوکول واپس کردیا
-
سپریم کورٹ نے برطرفی کیخلاف حیدرآباد ڈیولپمنٹ اتھارٹی کے ملازمین کی درخواست مسترد کردی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.