17جنوری کے احتجاجی مظاہرے کی تیاریاں مکمل ، عوام کی غیر معمولی دلچسپی ،لاہور کی ہر یونین کونسل سے عوام اس احتجاجی مظاہرہ میں شریک ہوں گے، عوامی تحریک لاہور ،
شہدا کے مقدس خون سے آنے والا انقلاب تاریکی کو اجالے میں بدل دے گا، چودھری افضل گجر اور حافظ غلام فرید کا لاہور کے مختلف ٹاؤنز کے عہدیدران سے خطاب
جمعرات 15 جنوری 2015 23:04
لاہور(اُردو پوائنٹ اخبار تازہ ترین۔15جنوری2015ء) پاکستان عوامی تحریک لاہور کے صدر چودھری افضل گجر نے کہا ہے کہ 17جنوری کو سانحہ ماڈل ٹاؤن کے شہداء کے لواحقین کو انصاف نہ ملنے کے خلاف ہونے والے احتجاجی مظاہرے کی تیاریاں مکمل کر لی ہیں۔لاہور کی ہر یونین کونسل سے عوام اس احتجاجی مظاہرہ میں شریک ہوں گے ۔صدر لاہور نے احتجاج کی تیاریوں کے حوالے تفصیلات سے آگاہ کرتے ہوئے کہاکہ لاہور کے مختلف مقامات پر احتجاجی کیمپ لگائے جائینگے جن پر شہدائے ماڈل ٹاؤن کی تصاویر آویزاں کی جائیں گی۔
لاہور کے مختلف ٹاؤنز میں 17جنوری کے تاریخی احتجاج کو کامیاب بنانے کیلئے کارنر میٹنگز کا سلسلہ جاری ہے ،عوام سے رابطہ مہم کا آغازبھی کر دیا گیا ہے ۔17جنوری کے ہونے والے احتجاج میں عوام کی دلچسپی غیر معمولی ہے۔(جاری ہے)
لاہور پریس کلب کے باہر ریاستی دہشت گردوں اور قاتل حکمرانوں کے خلاف بھی بڑے بڑے بینرز آویزاں کئے جائیں گے ۔ان خیالات کا اظہار انہوں نے پاکستان عوامی تحریک اور تحریک منہاج القرآن لاہور کے مختلف ٹاؤنز کے عہدیداران سے مرکزی سیکرٹریٹ میں 17جنوری کو ہونے والے احتجاجی مظاہرے کی تیاریوں کے حوالے سے گفتگو کرتے ہوئے کیا۔
اس موقع پر تحریک منہاج القرآن لاہور کے ناظم حافظ غلام فرید ،سلطان محمود چودھری ،عطیہ بنین،حاجی عبد الخالق،الطاف رندھاوا،ڈاکٹر اقبال نو،راجہ ندیم و دیگر بھی موجود تھے ۔عہدیداران سے گفتگو کرتے ہوئے ناظم لاہور حافظ غلام فرید نے کہا کہ17جون کے شہداء ہمارا فخر ہیں اور زندہ قومیں اپنے شہیدوں کو یاد رکھتی ہیں ۔جب تک شہدائے ماڈل ٹاؤن کے قاتلوں کو قانون کے مطابق سزا نہیں ملتی ہمارا احتجاج جاری رہے گا ۔شہدا کے مقدس خون سے آنے والا انقلاب تاریکی کو اجالے میں بدل دے گا ۔پوری قوم کو فیصلہ کرنا ہو گا کہ 19کروڑ عوام کا رزق چند مٹھیوں میں کیوں اور کیسے بند ہے ۔وقت آ گیا ہے کہ غریب کے چہرے کی زردی اور لٹیروں کے چہرے کی لالی ختم کردی جائے۔اس کیلئے قوم کو پاکستان عوامی تحریک کا ساتھ دینا ہو گا ۔انہوں نے کہا کہ ڈاکٹر طاہر القادری جلد صحتیاب ہو کر قوم کے درمیان ہونگے ۔ڈاکٹر طاہر القادری کی صحت یابی کے بعد آمد پوری قوم کو نیا حوصلہ دے گی ۔حافظ غلام فرید نے کہا کہ پر امن تبدیلی کا آپشن ابھی ختم نہیں ہوا ۔17جنوری کو ہر کوئی جان لے گا کہ پاکستان کا حقیقی مسیحا کون ہے ۔زندہ دلان لاہور شہدائے ماڈل ٹاؤن کو 17جنوری کو ایسا خراج تحسین پیش کریں گے کہ چشم فلک یہ نظارہ مدتوں یاد رکھے گی ۔انہوں نے کہا کہ وقت آ گیا ہے عوام شعور کی آنکھ کھولیں اور اپنا مقدر چند سیاسی خاندانوں کو نہ بیچیں۔جو قوم ظلم کے خلاف نہیں اٹھتی غلامی اسکا مقدر بنا دی جاتی ہے ۔17جنوری کو عوام قاتل حکمرانوں کے خلاف شد و مد سے آواز اٹھائیں ۔ڈاکٹر طاہر القادری ہمیشہ کرپٹ سیاستدانوں کے ڈرامے اور حقائق جرات کے ساتھ قوم کے سامنے لائے ۔متعلقہ عنوان :
مزید اہم خبریں
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
اٹک ریفائنری بند ہونے کے دہانے پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.