حساس ادارے کے دفتر پر حملے میں ملوث چار دہشت گردوں کو22 ،22 بارسزائے موت سنائی گئی،
ملتان کی انسداد دہشت گردی کی عدالت نمبر Iنے ایک مجرم کو عمر قید کی سزا بھی سنائی، پراسیکیوشن اور پولیس دہشت گردی کے خلاف جنگ میں فرنٹ لائن پر کھڑے ہیں :رانا مقبول احمد
منگل 13 جنوری 2015 22:29
لاہور(اُردو پوائنٹ اخبار تازہ ترین۔13جنوری2015ء) ملتان کی انسداد دہشت گردی عدالت نمبرI کے جج جاوید اقبال نے حساس ادارے کے دفتر پر حملے کے 4مجرمان کو دفعہ 302 اور7-ATA کے تحت کل 22،22 بار موت کی سزا سنائی ہے۔وزیر اعلیٰ پنجاب کے معاون خصوصی اور سابق آئی جی رانا مقبول احمد نے ملتان میں حساس ادارے کے دفتر پر حملے کے ملزمان کو کیفردار تک پہنچانے پر ڈپٹی پراسیکیوٹر جنرل عصمت پروین کو مبارکباد دی ہے اور انکے لیے محکمے کی جانب سے تعریفی اسناد جاری کرنے کا حکم دیا ہے۔
تفصیلات کے مطابق چار سال قبل ملتان میں حساس ادارے کے دفتر پربم حملے میں 11 افراد جاں بحق اور 76زخمی ہوئے تھے۔ اس حملے کا مقدمہ ملتان کی انسداد دہشت گردی کی عدالت میں زیر سماعت تھا جہاںآ ج حملے میں ملوث 4 دہشت گردوں عبدالرحیم،سجاد، سلیمان اور افضل کو 22،22 مرتبہ پھانسی کی سزا سنائی گئی ہے۔(جاری ہے)
اسی مقدمے کے ایک مجرم اعجاز کودفعہ302 کے تحت عمر قید اور دفعہ 324 کے تحت 10 سال قید کی سزا سنائی گئی ہے۔
یاد رہے کہ ان تمام مقدمات میں محکمہ پراسیکیوشن کی نمائندگی ڈپٹی پراسیکیوٹر جنرل عصمت پروین نے کی۔ معاون خصوصی وزیر اعلیٰ پنجاب رانا مقبول احمد نے انصاف کی فراہمی اور مجرموں کو کیفرکردار تک پہنچانے کیلئے عصمت پروین کی کوششوں کو سراہا ہے اور اپنے پیغام میں کہا ہے کہ عصمت پروین محکمے کے دیگر افسران کیلئے مشعل راہ ہیں۔ انہوں نے کہا کہ دہشت گرد ی کے خلاف جنگ میں تمام طبقات کو اپنا کرداد ادا کرنا ہو گا۔ پولیس اور پراسیکیوشن دہشت گردی کے خلاف جنگ میں فرنٹ لائن پر کھڑے ہیں۔ رانا مقبول احمد نے اس موقع پر کہا کہ محکمے کے افسران نے ہائی پروفائل کیسز میں مجرمان کو سزا دلوا کر بہترین کارکردگی کے تسلسل کو جاری رکھا ہے ۔متعلقہ عنوان :
مزید اہم خبریں
-
پاکستان اور عالمی بنک اصلاحات اور ترقی کے ایجنڈے کو آگے بڑھانے کے لئے پارٹنرشپ فریم ورک پر کام کرنے پر متفق
-
وزیر اعظم شہباز شریف سے ازبکستان کے وزیر خارجہ کی ملاقات،تجارت، معیشت، سیکورٹی، دفاع، سماجی روابط اور دیگر شعبوں میں تعاون بڑھانے پر تبادلہ خیال
-
تکنیکی و فنی تعلیم کو یکساں کرنے اور بیرون ملک پاکستانی افرادی قوت کیلئے پاکستان سکل کمپنی اور سکل ڈویلپمنٹ فنڈ کے قیام کافیصلہ
-
33 سی ایم اسپیشل پراجیکٹس کی ٹائم لائن کے اندرتکمیل کے لیے ہدایات جاری
-
وزیراعلیٰ مریم نواز سے ترکمانستان کے سفیر عطاجان نورلیو یچ مولاموف کی ملاقات،تجارتی تعلقات بڑھانے پر اتفاق
-
وزیراعلیٰ مریم نواز سے جمہوریہ قازقستان کے سفیر کی ملاقات، شہدا کے بچوں کیلئے قازقستان میں سٹڈی کیلئے سکالرشپ کا اعلان
-
وزیراعظم محمد شہبازشریف سے عالمی بینک کے نائب صدر برائے جنوبی ایشیا کی ملاقات
-
ماہ ذی القعدہ کے چاند کی رویت کا اعلان
-
ڈی جی آئی ایس پی آر نے اب کہا، پی ٹی آئی تو پہلے دن سے جوڈیشل انکوائری کا کہہ رہی ہے
-
آپ محافظ ہیں مالک نہیں
-
کراچی پہنچنے پر کامران فریدی کو گرفتار کرنے کی تیاریاں
-
مشرقی افریقہ میں غیر معمولی سیلابوں سے لاکھوں لوگ بے گھر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.