اسلام آباد،مجلس صوت الاسلام پاکستان کے زیراہتمام ملکی تاریخ کے دینی مدارس کے درمیان سب سے بڑا تقریری مقابلہ آج ہوگا ،
تقریب کے مہمان خصوصی وفاقی وزیر مذہبی امور سردار محمد یوسف ہونگے
بدھ 7 جنوری 2015 22:13
اسلام آباد(اُردو پوائنٹ تازہ ترین اخبار۔ 07 جنوری 2015ء) مجلس صوت الاسلام پاکستان کے زیراہتمام ملکی تاریخ کے دینی مدارس کے درمیان سب سے بڑا تقریری مقابلہ آج ہوگا، پورے ملک سے طلباء حصہ لینگے، جیتنے والے طالب علم کو 10 لاکھ روپے انعام دیا جائیگا، تقریب کے مہمان خصوصی وفاقی وزیر مذہبی امور سردار محمد یوسف ہونگے ۔ تفصیلات کے مطابق مجلس صوت الاسلام پاکستان کے زیراہتمام کل پاکستان بین المدارس تقریری مقابلے کا فائنل آج جمعرات کو کنونشن سنٹر میں منعقد ہوگا۔
ملک بھر سے علماء و مشائخ، دینی مدارس کے ذمہ داران، طلباء کرام اسلام آباد پہنچ گئے۔ اس مقابلے میں ہزاوں طلباء و نوجوان علماء شرکت کریں گے۔ مقابلے میں چاروں صوبوں آزادکشمیر سمیت گلگت و بلتستان سے کامیابی حاصل کرنے والے بارہ طلباء کے درمیان فائنل مقابلہ ہوگا۔(جاری ہے)
جس کے مہمان خصوصی وفاقی وزیر مذہبی امور و بین المذاہب ہم آہنگی سردار محمد یوسف ہونگے۔
اس کے علاوہ وفاق المدارس العربیہ پاکستان کے سیکرٹری جنرل مولانا قاری محمد حنیف جالندھری، مجلس صوت الاسلام پاکستان کے چیئرمین مفتی ابوہریرہ محی الدین، جامعہ اشرفیہ لاہور کے مہتمم مولانا فضل الرحیم اشرفی سمیت ملک کے جید علمائے کرام، سیاسی و مذہبی رہنما بھی خطاب کریں گے۔ اس موقع پر فائنل مقابلے میں کامیابی حاصل کرنے والے خوش نصیب طالبعلم کو دس لاکھ روپے نقد انعام دیا جائے گا جبکہ دوسری پوزیشن حاصل کرنے والے کو پانچ لاکھ اور تیسری پوزیشن حاصل کرنے والے کو اڑھائی لاکھ روپے نقد دیئے جائیں گے۔ فائنل مقابلے کی تیاریاں مکمل کرلی گئی ہیں۔ فائنل مقابلہ میں حصہ لینے والے طلباء کرام بھی اسلام آباد پہنچ گئے ہیں۔ مجلس صوت الاسلام پاکستان کے چیئرمین مفتی ابوہریرہ محی الدین نے کنونشن سنٹر کا دورہ کیا اور انتظامات پر اطمینان کا اظہار کیا۔ اس موقع پر گفتگو کرتے ہوئے انہوں نے کہا کہ اس مقابلے کا مقصد ملک میں جاری شدت پسندی، دہشت گردی، فرقہ واریت اور بین المذاہب فسادات سمیت تمام برائیوں کے خاتمہ کرنا ہے اور نوجوان علماء کو ان تخریبی کارروائیوں سے ہر ممکن بچانے کی کوشش کرنی ہے۔ اس سے قبل پورے ملک میں ڈویژنل اور صوبائی سطح پر مقابلوں کا انعقاد کیا گیا جس میں تمام مسالک کے طلباء کرام نے بھرپور انداز میں شرکت کی۔ ہم آئندہ بھی مدارس کی مثبت سرگرمیاں جاری رکھیں گے اور فائنل مقابلے کے بعد ملک کی موجودہ صورتحال کے حوالے سے ایک مشترکہ اور متفقہ اعلامیہ بھی جاری کریں گےمتعلقہ عنوان :
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.