وزیرآباد ،چچا نے ننھیال آئی بھتیجی کو غیرت کے نام پر گولی مار کر قتل کر دیا
پیر 5 جنوری 2015 23:11
وزیرآباد (اُردو پوائنٹ تازہ ترین اخبار۔ 05 جنوری 2015ء) نواحی موضع ٹھٹھی ارائیاں میں چچا نے ننھیال آئی ہوئی اپنی بھتیجی کو غیرت کے نام پر گولی مار کر قتل کر دیا۔مرحومہ ڈیڑھ سال قبل پھوپھی زاد کے ساتھ شادی ہو ئی تھی۔ اس کا شوہر شادی کے بعد سے بیرون ملک مقیم ہے۔اہل علاقہ نے قاتل کو گھیرا ڈال کر پکڑ کے پولیس کے حوالے کر دیا۔ تفصیلات کے مطابق20سالہ مسماةگلشن دختر غلام مصطفی ساکن پکھرے والی گجرات کی شادی ڈیڑھ سال قبل اس کے پھوپھی زاد مسمی چاند ساکن کڑیانوالہ کے ساتھ ہو ئی تھی۔
شادی کے بعد سے چاند بیرون ملک چلا گیا تھا۔گذشتہ روز گلشن اپنی خالہ سے ملنے کے لئے اپنے ننھیال محلہ رحیم پورہ وزیرآباد آ ئی ہوئی تھی۔ گلشن کا چچا غلام مجتبیٰ بھی رحیم پورہ آگیااور بھتیجی گلشن کو لے کر اس کی نانی کی قبر پر برائے فاتحہ خوانی لے گیا جہاں اس نے پستول نکال لیا اور اسے مارنے کی کوشش کی۔(جاری ہے)
پستول دیکھ کر گلشن بستی قدرت آباد کی جانب بھاگ کھڑی ہوئی لیکن چچا نے پیچھا کر کے اس کے سر میں گولی مار دی جس سے وہ موقع پر جاں بحق ہو گئی۔
فائر کی آواز سن کر اہل محلہ جمع ہو گئے اور اس کو پکڑنے کی کوشش کی لیکن غلام مجتبیٰ نے فائرنگ کرکے انہیں خوفزدہ کرنے کی کوشش کی لیکن ایک نوجوان نے ہمت کی اور موقع پا کر اسے دبوچ لیا اور صدر پولیس کے حوالے کر دیا۔چچا نے بتایا کہ اس کی بھتیجی گلشن کا کردار درست نہ تھا۔ مقتولہ گلشن کے شوہر اور والد دونوں بیرون ملک مقیم ہیں۔ صدر پولیس وزیرآباد نے مقدمہ درج کر کے تفتیش شروع کر دی ہے۔ مسماة گلشن کا قتل رواں سال کا غیرت کے نام پر یہ پہلا قتل ہے۔ گذشتہ سال غیرت کے نام پر 53قتل ہوئے تھے۔متعلقہ عنوان :
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.