ٹمبر مارکیٹ متاثرین کی مکمل بحالی تک حکومت انکے ساتھ کھڑی ہے بہت جلد متاثرہ عمارتوں پر تعمیراتی کا م شروع کردیا جائے گا،گورنر سندھ
پیر 5 جنوری 2015 22:52
کراچی(اُردو پوائنٹ تازہ ترین اخبار۔ 05 جنوری 2015ء) گورنر سندھ ڈاکٹر عشرت العباد خان نے کہا ہے کہ ٹمبر مارکیٹ متاثرین کی مکمل بحالی تک حکومت ان کے ساتھ کھڑی ہے بہت جلد متاثرہ عمارتوں پر تعمیراتی کا م شروع کردیا جائے گا ۔ انہوں نے کہا کہ یہ بہت ہی افسوسنا ک واقعہ تھا جس پر سب افسردہ ہیں میڈیا نے واقعہ کی کوریج کرکے لوگوں کو فوراً متحرک کرنے میں مدد کی ، ایسی صورتحا ل میں پہلا مرحلہ ریسکیو کا تھا ریسکیو اداروں سمیت لوگوں نے بھی اپنی مدد آ پ کے تحت کا م کیاسب کے مل جل کر کام کرنے کی وجہ سے الحمد اللہ کوئی جانی نقصان نہیں ہو ا۔
ان خیالات کا اظہار انہوں نے آتشزدگی سے متاثرہ ٹمبر مارکیٹ کے دورے کے دوران میڈیا سے گفتگو کرتے ہوئے کیا ۔دورہ ٹمبر مارکیٹ کے دوران گورنر سندھ نے متاثرین سے ملاقات کی اور ان کے مسائل بھی سنے ریلیف کیمپ برائے متاثرین ٹمبر مارکیٹ گئے اور وہاں خواتین سے آگاہی حا صل کی ۔(جاری ہے)
دورے کے دوران ٹمبر مارکیٹ ایسوسی ایشن ، چیمبر آف کامرس او ر متعلقہ حکام نے گورنر سندھ کو واقعہ کی تفصیلات اور کئے جانے والے اقدامات سے آگاہ کیا اس موقع پر متحدہ قومی مومنٹ کے ا راکین قومی و صوبائی اسمبلی، کراچی چیمبر آف کامرس اور ٹمبر مارکیٹ ایسوسی ایشن کے نمائندوں سمیت کمشنر کراچی ، ایڈمنسٹریٹر کراچی، ایڈیشنل آئی جی سندھ پولیس اور دیگر اعلیٰ حکام بھی موجود تھے ۔
گورنر سندھ نے کہا کہ آتشزدگی سے 13 عمارتیں مکمل مخدوش ہو چکی ہیں جن کو از سر نو تعمیر کیا جائے گا 5 عمارات ریپئر کی جائیں گی بہت جلد اس پر کام شروع کردیا جائے گا ۔ انہوں نے کہا کہ متاثرین کے مالی نقصانات کے تخمینہ لگانے کے لئے ایک کمیٹی کراچی چیمبر آف کامرس ، ٹمبر مارکیٹ ایسوسی ایشن کے نمائندوں اور ڈپٹی کمشنر ساؤتھ پر مشتمل قائم کی جاچکی ہے جو بہت جلد نقصانات کا تخمینہ لگا کر اس کی رپورٹ حکومت کو ارسال کردے گی جبکہ کمرشل نقصانات کا تخمینہ آج ہی معلوم ہو جائے گا ۔ گورنر سندھ نے کہا کہ ملک ریاض صاحب بھی دن میں دو مرتبہ مجھے فون کرکے ٹمبر مارکیٹ متاثرین کی بحالی کے لئے تبادلہ خیال کرتے ہیں کیونکہ ملک صاحب بھی چاہتے ہیں کہ جلد سے جلد متاثرین کی مدد کی جائے ۔ گورنر سندھ نے کہا کہ کراچی میں ہم نے اس طرح کی دو مثالیں قائم کی ہیں جن میں بولٹن مارکیٹ اور عباس ٹاؤن شامل ہیں ٹمبر مارکیٹ کو بھی اسی طرح دوبارہ اصل صورت بحال کریں گے ۔مزید اہم خبریں
-
مہنگائی میں 1 فیصد سے زائد کمی کے باوجود بیشتر اشیاء مہنگی ہو گئیں
-
سینئر صوبائی وزیر مریم اورنگزیب کی ورلڈ فوڈ پروگرام کی کنٹری ڈائریکٹر کوکویوشییامہ سے ملاقات
-
حکومت گندم خریداری سے ہاتھ کھینچ چکی، کسان کو3900 روپے فی من قیمت نہیں مِل رہی
-
سعودی عرب کی پہلی بار ’مس یونیورس‘ مقابلے میں ممکنہ شرکت
-
وزیراعظم شہبازشریف نے ٹیکس چوری روکنے کا ٹریک اینڈ ٹریس سسٹم فراڈ قراردیدیا
-
توانائی پر پاک ایران تعاون موجود ہے، اپنی ضروریات کیلئے امریکا سے بھی رابطے میں ہیں،پاکستان
-
وزیراعظم 28 اپریل کو سعودی عرب میں عالمی اقتصادی فورم اور4 مئی کو گیمبیا میں او آئی سی سربراہی اجلاس میں شرکت کریں گے،ترجمان دفتر خارجہ ممتاز زہرہ بلوچ کی ہفتہ وار پریس بریفنگ
-
شہداء کے اہلخانہ میرے دل کے بہت قریب ہیں ، ایک شہید کا داماد ہوں، وزیرداخلہ محسن نقوی
-
قوم کو غلامی کی زنجیروں میں جکڑنے والوں سے کوئی ڈیل نہیں کروں گا
-
ہماری آزادی میں ایک جنگل کا بادشاہ حائل ہے
-
وزیر داخلہ محسن نقوی کا اسلام آباد پولیس خدمت مرکز 24 گھنٹے کھلا رکھنے کا اعلان
-
ایف بی آر، وزارت داخلہ کو تیل کی اسمگلنگ کے خلاف کریک ڈاؤن کرنے کی ہدایت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.