قومی اسمبلی آج آرمی ایکٹ اور 21 ویں آئینی ترمیم کی منظوری دے گی

پیر 5 جنوری 2015 10:51

اسلام آباد(اُردو پوائنٹ اخبار تازہ ترین۔5جنوری 2015ء) قومی اسمبلی میں آج فوجی عدالتوں کے قیام کیلئے آرمی ایکٹ اور 21 ویں آئینی ترمیم کی منظوری دی جائے گی ، اس حوالے سے ذرائع کا کہنا ہے کہ دہشتگردی کے خاتمے کیلئے حکومت کی جانب سے سنجیدہ کوششیں جاری ہیں اور ان کو جلد پایہ تکمیل تک پہنچایا جائے گا ، ذرائع کا کہنا ہے کہ وزیر اعظم میاں محمد نواز شریف نے بھی آرمی ایکٹ میں ترامیم پر رضامندی ظاہر کی ہے، ان کا کہنا ہے کہ ملک کو دہشتگردی سے پاک کرنے کیلئے آرمی ایکٹ میں غیر معمولی اقدامات کئے جائیں گے تاکہ ملک سے اس ناسور کا مکمل خاتمہ کیا جاسکے ۔