سیرت نبوی سے رہنمائی حاصل نہ کرنے سے مسلمان انتشار کا شکار ہیں،انجینئر نوید قمر،
آپﷺ کی تعلیمات تا قیامت ہر شخص کیلئے مشعل راہ ہیں، رہنما جماعة الدعوة
جمعہ 2 جنوری 2015 23:20
فیصل آباد(اُردو پوائنٹ اخبارتازہ ترین - آن لائن۔2 جنوری۔2015ء) جماعة الدعوة پاکستان کے مرکزی رہنماانجینئرنوید قمرنے کہا ہے کہ سیرت نبوی ﷺسے رہنمائی حاصل نہ کرنے کی وجہ سے مسلمان انتشار کا شکار ہوئے ہیں۔ آپﷺ کی تعلیمات تا قیامت ہر شخص کے لیے مشعل راہ ہیں۔ دنیامیں امن، اسلام کے سنہری اصولوں کو اختیار کرنے سے ہی آسکتا ہے۔ موجودہ دور میں سیاسی، معاشی و معاشرتی نظاموں کے لیے مغرب کی بجائے سیرت نبویﷺ سے رجوع کرنے کی ضرورت ہے۔
رسولﷺکی سیرت اور تعلیمات پرہی ہم سب مجتمع ہوسکتے ہیں۔ ان خیالات کا اظہار انہوں نے جامع مسجد مقدس ، گلستان کالونیمیں خطبہ جمعہ کے بڑے اجتماع سے خطاب کرتے ہوئے کیا۔ انجینئرنوید قمرنے کہا کہ اسلام دشمن قوتیں منظم منصوبے کے تحت تعلیمات نبوی کو مسخ کرنا چاہتی ہیں۔(جاری ہے)
دنیائے کفر اسلام کی بڑھتی ہوئی مقبولیت سے خائف ہے۔ ملک میں انتشار کے خاتمے کے لیے تعلیمات نبویﷺ کو عام کرنے کی ضرورت ہے۔
ریاست مدینہ میں رسول اللہﷺ کے رائج کردہ نظام کو اپنانے سے ہی تبدیلی آسکتی ہے۔انہوں نے کہا کہ جہاد فی سبیل اللہ کے مفہوم کو غلط انداز سے پیش کرکے مسلمانوں کو دہشت گرد قرار دیا جا رہا ہے۔ مسلمان چار براعظموں پر شاندار حکمرانی کر چکے ہیں، اب بھی سیرت نبویﷺ پر عمل پیرا ہوکر اپنے کھوئے ہوئے مقام کو حاصل کیا جا سکتا ہے۔اس موقع پر ہزاروں مردوخواتین نے انجینئرنوید قمرکی امامت میں نماز جمعہ ادا کی۔ انجینئرنوید قمر نے اپنے خطاب میں کہاکہ سیرت النبیﷺ کا ہر پہلو ہر دور میں قابلِ عمل رہا ہے۔ اسلام امن و سلامتی کا دین ہے، تمام انبیاء نے کفر و شرک کے خاتمے اور توحید الٰہی کے پرچار کے لیے جدوجہد کی ہے۔ انہوں نے مزید کہا کہ مسلمانوں نے جب سیرت رسول سے رہنمائی لینا ترک کر دی تو مسلم معاشروں میں قتل و غارت گری اور فتنہ و فساد کے لیے راہیں ہموار ہوئیں۔ فتنہ تکفیر اور ذلالت و گمراہی کے خاتمے کے لیے قرآن و سنت کی تعلیمات پر تمسک اختیار کرنے کی ضرورت ہے۔ عوام اور حکمران اگر رسول اللہﷺ کی تعلیمات پر عمل پیرا ہو جائیں تو دہشت گردی اور ظلم و تشدد کا خاتمہ ہو گا۔ مسلمان پہلے بھی دنیا میں امن چاہتے تھے اب بھی ان کی جدوجہد کا مقصد دنیا سے ظلم کا خاتمہ کرکے امن و انصاف کی فضا قائم کرنا ہے۔متعلقہ عنوان :
مزید اہم خبریں
-
قومی اسمبلی میں قائد حزب اختلاف کی تقرری معاملہ،حکومت اور سنی اتحاد کونسل میں تنازعہ حل نہیں ہو سکا
-
ای روزگار ٹریننگ پروگرام کے نئے مرحلے کیلئے پنجاب بھر سے 17 ہزار سے زائد درخواستیں موصول
-
ماسکو مشرقی یورپ میں امریکی اتحادی ریاستوں کے ساتھ تصادم کا خواہاں نہیں ہے. روسی صدر
-
اروند کیجریوال کی گرفتاری پر امریکا کی جانب سے اظہار تشویش کرنے پر بھارت نے امریکی سفارت کار کو طلب کرلیا
-
خطے کے 9 ممالک کے ساتھ پاکستان کا تجارتی خسارہ 10 اعشاریہ98 فیصد بڑھ گیا
-
وفاقی وزیرداخلہ محسن نقوی پشاور پہنچ گئے، امن و امان اور سکیورٹی کی صورتحال کا جائزہ لیں گے
-
سپریم کورٹ نے فوجی عدالتوں کو محفوظ شدہ فیصلے سنانے کی مشروط اجازت دیدی
-
نیپرا نے بجلی کی فی یونٹ قیمت4روپے99پیسے بڑھانے پر فیصلہ محفوظ کر لیا
-
عمران ریاض، سمیع ابراہیم سمیت 24 افراد کے نام ای سی ایل میں شامل کرنے کی منظوری
-
قرآن نذر آتش کرنے والا عراقی سویڈن کے رویے سے مایوس
-
وزیرمملکت برائے آئی ٹی شزہ فاطمہ خواجہ سے پاکستان سافٹویئر ہاوسز ایسوسی ایشن کے اعلی سطح وفد کی ملاقات
-
سپریم کورٹ نے فوجی عدالتوں کو محفوظ شدہ فیصلے سنانے کی مشروط اجازت دیدی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.