سابق چیف جسٹس نے فوجی عدالتوں کو غیر آئینی قرار دیدیا

منگل 30 دسمبر 2014 21:19

سابق چیف جسٹس نے فوجی عدالتوں کو غیر آئینی قرار دیدیا

اسلام آباد(اُردو پوائنٹ اخبار تازہ ترین۔30دسمبر۔2014ء) سابق چیف جسٹس افتخار محمد چوہدری نے فوجی عدالتوں کو غیر آئینی قرار دے دیا۔ کہتے ہیں کہ آزاد عدلیہ کے ہوتے ہوئے فوجی عدالتوں کی ضرورت نہیں فوجی عدالتوں کیلئے آئین میں ترمیم کی گئی تو وہ بھی غیر آئینی ہو گی۔میڈیا سے گفتگو کرتے ہوئے سابق چیف جسٹس افتخار محمد چوہدری نے کہا کہ منتخب نمائندوں کے پاس غیر آئینی اقدامات کا اختیار نہیں اور اگر فوجی عدالتوں کے قیام کیلئے ترمیم کی گئی تو وہ بھی غیر آئینی ہو گی۔

(جاری ہے)

افتخار محمد چوہدری کا کہنا تھا کہ فوجی عدالتوں کے ہوتے ہوئے آزاد عدلیہ کی ضرورت نہیں۔ افتخار محمد چوہدری نے کہا کہ سزائے موت پر عملدرآمد موجودہ اور سابق حکمرانوں نے روک رکھا تھا اگر ملزمان کو سزائیں نہیں ہوتیں تو عدالتوں کو اس کا مورد الزام نہیں ٹھہرایا جا سکتا، کمزور پراسیکیوشن کی وجہ سے ملزمان سزا سے بچ جاتے ہیں جس کیلئے نظام مضبوط کرنے کی ضرورت ہے۔ ایک سوال کے جواب میں جسٹس ریٹائرڈ افتخار محمد چوہدری نے کہا کہ من گھڑت الزامات پر وہ چئیرمین تحریک انصاف عمران خان کے خلاف جلد دعوٰی دائر کریں گے۔

متعلقہ عنوان :