وزیر اعظم کے حکم پر پنجاب کی ٹیکسٹائل انڈسٹری کو گیس کی فوری فراہمی شروع ،ٹیکسٹائل ..
تازہ ترین : 1
وزیر اعظم کے حکم پر پنجاب کی ٹیکسٹائل انڈسٹری کو گیس کی فوری فراہمی ..

وزیر اعظم کے حکم پر پنجاب کی ٹیکسٹائل انڈسٹری کو گیس کی فوری فراہمی شروع ،ٹیکسٹائل فیکٹریوں کو 25فیصد کوٹہ کے حساب سے روزانہ گیس ملے گی

لاہور/فیصل آباد(اُردو پوائنٹ اخبارتازہ ترین۔30دسمبر۔2014ء)وزیر اعظم محمد نواز شریف کے حکم پر پنجاب کی ٹیکسٹائل انڈسٹری کو گیس کی فوری فراہمی شروع کر دی گئی ،ٹیکسٹائل فیکٹریوں کو 25 فیصد کوٹہ کے حساب سے روزانہ گیس ملے گی۔پنجاب میں ایکسپورٹ ٹیکسٹائل انڈسٹری کو گیس کی فراہمی جاری تھی مگر دو ہفتے قبل سوئی میں پائپ لائن دھماکے کے بعد ٹیکسٹائل کو گیس کی فراہمی روک دی گئی۔

گزشتہ روز ہونے والے توانائی کمیٹی کے اجلاس میں وزیر اعظم نے پنجاب کی ٹیکسٹائل فیکٹریوں کو گیس فراہم کرنے کی ہدایت کی۔ وزیراعظم کے حکم پر عملدرآمد کرتے ہوئے گزشتہ روز سے ہی ٹیکسٹائل فیکٹریوں کے لئے 25 فیصد کوٹہ کے مطابق گیس کی فراہمی شروع کر دی گئی ہے ۔ دوسری جانب ٹیکسٹائل کے علاوہ پنجاب بھر میں دیگر تمام فیکٹریوں کو گیس کی فراہمی ایک ماہ سے بند ہے۔

مزید متعلقہ خبریں پڑھئیے‎ :

وقت اشاعت : 30/12/2014 - 20:02:38

متعلقہ عنوان :

اپنی رائے کا اظہار کریں