کراچی سے لاہور آنے والی نجی ائیر لائن کی پرواز بڑے حادثے سے بال بال بچ گئی ،نجی ائیر لائن کا طیارہ این ایل 148لینڈنگ کے دوران رن وے سے اتر گیا، ایئرپورٹ پر ایمر جنسی نافذ ،رن وے کو عارضی طور پر بند کر دیا گیا،حادثے کے حتمی تعین کے لئے تحقیقات شروع کر دی گئیں
منگل 30 دسمبر 2014 20:01
لاہور(اُردو پوائنٹ اخبارتازہ ترین - این این آئی۔30دسمبر۔2014ء) کراچی سے لاہور آنے والی نجی ائیر لائن کی پرواز بڑے حادثے سے بال بال بچ گئی ،نجی ائیر لائن کا طیارہ این ایل 148لینڈنگ کے دوران رن وے سے اتر گیا، حادثے کے بعد لاہور ایئرپورٹ پر ایمر جنسی نافذ کر دی گئی جبکہ امدادی ٹیموں نے تمام مسافروں کو طیارے سے بحفاظت اتار لیا ، تیل پھیلنے کے باعث رن وے کو عارضی طور پر بند کر دیا گیا جسکے باعث فلائٹ آپریشن تعطل کا شکار ہو ا ۔
تفصیلات کے مطابق گزشتہ روز کراچی سے لاہور آنے والی نجی ایئر لائن کی پرواز این ایل 148نے علامہ اقبال انٹرنیشنل ایئرپورٹ پر جیسے ہی لینڈنگ کی تو طیارے کے اگلے پہیے کا ایکسل راڈ ٹوٹ گیا اور جہاز پھسل کر رن وے سے نیچے اتر گیا تاہم خوش قسمتی سے حادثے میں تمام مسافر محفوظ رہے ۔(جاری ہے)
ائیر پورٹ انتظامیہ نے واقعہ کے بعد ایمر جنسی نافذ کر دی جبکہ امدادی ٹیمیں اورتکنیکی عملہ جہاز کے قریب پہنچ گیا اور مسافروں کو بحفاظت طیارے سے نیچے اتار لیا گیا ۔
تیل پھیلنے کے باعث رن وے کو بھی عارضی طو رپر بند کر دیا گیا جسکے باعث متعدد پروازوں کو لینڈنگ میں تاخیر کا سامنا کرنا پڑا۔ذرائع کے مطابق طیارے کے پائلٹ نے مہارت کے ساتھ طیارے کو کنٹرول کر لیا اور تمام مسافر اور عملے کے ارکان محفوظ رہے۔ مزید بتایا گیا ہے کہ ائیرلائن کو پیش آنیوالے حادثے کی وجوہات کے حتمی تعین کیلئے تحقیقات بھی شروع کر دی گئی ہیں۔مزید اہم خبریں
-
سولر پینلز کی بے تحاشا انسٹالیشن،حکومت نے نیٹ میٹرنگ نرخ گرانے کی تیاری کرلی
-
مرد ڈاکٹرز کے مقابلے خواتین ڈاکٹرز بہتر اور بر وقت علاج کرتی ہیں
-
6 ماہ سے غزہ کے فلسطینیوں پرمظالم دیکھ کرشدید غصہ اور مایوسی ہے،۔ ملالہ
-
اصولی جدوجہد سے ہرگز دستبردار نہیں ہوں گے، عمران خان
-
آئی ایم ایف مثبت رائے دیتا ہے توپاکستان میں سرمایہ کاروں کا اعتماد بڑھے گا،ڈونلڈ بلوم
-
اسلام آباد میں ضلعی انتظامیہ کا نان روٹی کی قیمتوں میں کمی کا نوٹیفکیشن 6 مئی تک معطل
-
وزارت اعلیٰ کی کرسی آسان نہیں تھی‘ آگ کے دریا سے گزر کر یہاں پہنچنا پڑا، مریم نواز
-
حکومت اپوزیشن مذاکرات، پبلک اکاؤنٹس و دیگر کمیٹیوں کی تشکیل کا فارمولا طے پانے کا امکان
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.