گیارہ سال بعد افغانستان میں نیٹو کا جھنڈا سرنگوں ہوگیا،پروفیسرابراہیم،
امریکہ حواریوں کیساتھ شکست کھا کر واپس لوٹ رہا ہے ، برطانیہ اور روس کے بعدامریکہ تیسری استعماری قوت ہے،امیر جماعت اسلامی خیبرپختونخوا
پیر 29 دسمبر 2014 21:10
پشاور(اُردو پوائنٹ اخبار تازہ ترین۔29دسمبر 2014ء) امیر جماعت اسلامی خیبر پختونخوا پروفیسر محمد ابراہیم خان نے کہا ہے کہ گیارہ سال بعد افغانستان میں نیٹو کا جھنڈا سرنگوں ہوگیا ۔ امریکہ اپنے حواریوں کے ساتھ شکست کھا کر واپس لوٹ رہا ہے ۔ برطانیہ اور روس کے بعدامریکہ تیسری استعماری قوت ہے جو افغانستان میں شکست کھا کر واپس لوٹ رہا ہے ۔ امریکہ نے مسلمانوں کو لڑانے کی سازشیں تیار کرکے امت مسلمہ پر جنگیں تھوپ دی ہیں تاکہ مسلمان دنیا میں سر نہ اٹھاسکیں ۔
ان خیالات کا اظہار انہوں نے جیوڑ بازار تخت بھائی ضلع مردان میں ایک بڑے شمولیتی جلسہ سے اپنے خطاب کے دوران کیا۔ انہوں کہا کہ آرمی پبلک سکول پر حملے میں بہت ظلم ڈھایا گیا۔ ہمارے دل کے ٹکڑوں کو بے دردی سے قتل کیا گیا۔(جاری ہے)
یہ ایک نہ بھولنے والا غم ہے ۔ اس کا مقابلہ ہم قومی یکجہتی کی بنیاد پر ہی کرسکتے ہیں۔ انہوں نے کہا کہ فوجی عدالتیں اور آپریشن دہشت گردی کا خاتمہ نہیں کرسکتیں ۔
اس کا مقابلہ اللہ کے دین اور اسلامی نظام کے نفاذ سے کیا جاسکتا ہے ۔ انہوں نے کہا کہ اقوام متحدہ کے سیکرٹری جنرل بانکی مون نے پاکستان سے پھانسی کی سزا پر پابندی لگانے کا مطالبہ کیا ہے لیکن ہم صرف اللہ کے قانون کے پابند ہیں ۔ ملک میں فوری طور پر قصاص کا قانون نافذ کیا جائے۔ آئین میں تبدیلی کرکے صدر مملکت سے بھی معافی کا اختیار واپس لیا جائے کیونکہ شریعت میں معافی کا اختیار صرف مقتول کے ورثاء کو حاصل ہے۔ پرویز مشرف زندہ ہیں لیکن ان پر حملہ کرنے والوں کو پھانسی کی سزا دے دی گئی ، جبکہ ملک میں بہت سے قاتل بشمول پرویز مشرف دندناتے پھر رہے ہیں۔انہوں نے کہا کہ تعلیمی اداروں کی بندش مسئلے سے نمٹنے کا حل نہیں ۔ سیکورٹی فراہم کرنا تعلیمی اداروں کی نہیں بلکہ حکومت کی ذمہ داری ہے۔ پولیس اور فوج ان اداروں کو سیکورٹی فراہم کریں ۔ انہوں نے کہا کہ ملک سے دہشت گردی کی لہر تب ہی ختم ہوسکتی ہے جب حاکم اور محکوم دونوں اللہ کے قانون کے پابند ہوں تو ہم قومی یکجہتی اور اسلامی شریعت کے نظام کے ذریعے دہشت گردوں کا مقابلہ کرسکتے ہیں۔متعلقہ عنوان :
مزید اہم خبریں
-
قومی معیشت کو نقصان پہنچانے والے عناصر کا احتساب ہو گا،ٹوبیکو، کھاد اور سیمنٹ فیکٹریوں میں ٹریک اینڈ ٹریس سسٹم کے معاہدےمیں فراڈ کی کی تحقیقات کے لیے کمیٹی قائم کرنے کا حکم دے دیا ہے ، وزیر اعظم ..
-
پنجاب میں ہمارے گھروں میں بنا وارنٹ چھاپے مارے جا رہے ہیں،عمرایوب
-
الیکشن کمیشن نے آزاد ارکان قومی اسمبلی کی سنی اتحاد کونسل میں شمولیت کو تسلیم کرلیا
-
اپنے بڑوں سے بات کریں ،اتنا ظلم نہ کریں ہم آپ کا حصہ نہیں بن سکتے،چیف جسٹس سندھ ہائیکورٹ
-
پاکستان کے ساتھ کوئی کشیدگی نہیں ہے، امریکہ
-
اجتماعی کاوشوں سے معاشی صورتحال بہترہورہی ہے،وزیراعظم شہباز شریف
-
سپریم کورٹ کو سب نے مذاق بنایا ہوا ہے،چیف جسٹس کے سماعت کے دوران ریمارکس
-
وزیر اعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہے‘ سعد رفیق
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ، امریکا میں پاکستان کے سفیر مسعود خان کا تقریب سے خطاب
-
لاہور ہائیکورٹ نے فواد چوہدری کو مزید7روز تک گرفتار کرنے سے روک دیا
-
شکار پور ، قبائلی تنازعے پر مسلح افراد کی فائرنگ سے 2خواتین سمیت3افراد جاں بحق
-
یہ تاثر غلط ہے کہ نواز شریف کا وزیراعظم بننے کا راستہ شہباز نے روکا ،سینیٹر عرفان صدیقی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.