تحریک انصاف ملکی مسائل کے حل کے لئے سنجیدہ نہیں‘ رانا بابر حسین ،
تازہ ترین : 1

تحریک انصاف ملکی مسائل کے حل کے لئے سنجیدہ نہیں‘ رانا بابر حسین ،

قوم دہشتگردی کی لعنت سے ہمیشہ کیلئے چھٹکارا پانے کیلئے متحد ہو چکی ہے‘ پارلیمانی سیکرٹری ٰخزانہ

لاہور( اُردو پوائنٹ اخبار تازہ ترین۔29دسمبر 2014ء)تحریک انصاف ملک کے مسائل کے حل کے لئے سنجیدہ نہیں، روئیے پر افسو س ہوا،عمران خان مفاد پرست سیاستدان بن کر سامنے آئے ہیں۔ ان خیال کا اظہارصوبائی پارلیمانی سیکرٹری برائے خزانہ رانا بابرحسین ایک بیان میں کیا۔ انہوں نے کہاکہ دہشت گردی ترقی اور خوشحالی کی راہ میں سب سے بڑی رکاوٹ ہے پوری قوم دہشت گردی کی لعنت سے ہمیشہ کیلئے چھٹکارا پانے کیلئے متحد ہو چکی ہے،عالمی برادری بھی ہماری مشکلات اور مسائل کو سمجھنے کی کوشش کرے کہ پاکستان اس وقت غیر معمولی حالات کا سامنا ہے،ہم پاکستان کی آئندہ نسلوں کی بقاء کی جنگ ہر قیمت پر جیتیں گے۔

،حکومت دہشت گردی کے ناسورکو ختم کیلئے پرعزم ہے ،ملک میں امن اور استحکام ہوگا تو اندرونی و بیرونی سرمایہ کاری کو فروغ حاصل ہو گا۔معصوم اور بیگناہ بچوں اور فورسز پر حملے کرنیوالے دہشت گرد کسی رو رعایت کے مستحق نہیں اور انہیں اب پاکستان میں کہیں بھی جائے پناہ نہیں ملے گی۔دہشت گردی کا خاتمہ ہر حال میں کریں گے اور ملک کو امن کا گہوارہ بنائیں گے۔

مزید متعلقہ خبریں پڑھئیے‎ :

وقت اشاعت : 29/12/2014 - 19:58:25

متعلقہ عنوان :

اپنی رائے کا اظہار کریں