اوکاڑہ،درجنوں لیڈی ہیلتھ ورکزز کا احتجاج و دھرنا،
سپروائزر شمیم اختر کے مظالم، زیادتیوں کیخلاف اور مطالبات کے حق میں زبردست نعرہ بازی،فوری سپروائزر کو تبدیل کرنے کا مطالبہ، ڈی سی او آفس تک ریلی
پیر 29 دسمبر 2014 17:32
اوکاڑہ(اُردو پوائنٹ اخبارتاز ترین ۔ 29دسمبر 2014ء) اوکاڑہ پریس کلب کے سامنے درجنوں لیڈی ہیلتھ ورکزز کا احتجاج اور دھرنا،سپروائزر شمیم اختر کے مظالم، زیادتیوں کے خلاف اور اپنے مطالبات کے حق میں زبردست نعرہ بازی،فوری طو پر سپروائزر شمیم اختر کو تبدیل کرنے کا مطالبہ، ڈی سی او آفس تک ریلی۔ تفصیلات کے مطابق بنیادی ہیلتھ یونٹ32ٹو آر اور21جی ڈی اوکاڑہ کی سپروائزر شمیم اختر کے2012سے جاری مظالم کے خلاف اور اپنے حقوق کے بارے میں درجنوں لیڈی ہیلتھ ورکرز اور ضلع بھر میں سے آئیں ہوئی لیڈی ہیلتھ ورکرز نے احتجاجی مظاہرہ اور ریلی نکالی۔
ریلی کے شرکاء نے فوری طور پر سپروائزر کے تبادلے کا مطالبہ کیا جو بااثر ہونے کے ساتھ ساتھ خود بھی اپنی ڈیوٹی سے اکثر غیر حاضر رہتی ہیں اور یہ لیڈی ہیلتھ ورکرز سے نہ صرف تنخواہ میں سے بھتہ لیتی ہے بلکہ ورکروں پر ناجائز ٹارچر اور ذہنی اذیت دیتی رہتی ہے۔(جاری ہے)
یہ اپنی سرکاری گاڑی کو چارہ لانے، فصلوں کیلئے بیج، کھاد، سپرے وغیرہ لانے اور دیگر نجی کاموں کیلئے استعمال کرتی ہے اور پٹرول کا بل گورنمنٹ سے وصول کررہی ہے۔
اس کے ظلم کی وجہ سے 5ورکرز نوکری سے گئیں اوراس کے ظلم کے باعث چھٹی نہ ملنے پر 2ورکرز اپنی جان سے ہاتھ دھو بیٹھیں ۔ اور کی مار پیٹ کا عملی مظاہرہ انٹرنیٹ یوٹیوب پر لیڈی ہیلتھ ورکرز فائٹ اِن اوکاڑہ میں دیکھا جاسکتا ہے۔ مظاہرین نے بتایا کہ شمیم اختر سپروائزر کی بہن رفعت طاہرہ اور بھابھی صفیہ بانو جو کہ بالکل اَن پڑھ ہیں اور اپنا نام و پتہ بھی بمشکل لکھ سکتی ہیں ان کے جعلی سرٹیفکیٹ بنوا کر اپنا اثر و رسوخ استعمال کرکے انہیں بھرتی کروایا ہے جنکی انکوائری ہونے پر سچ کا سچ اور جھوٹ کا جھوٹ ثابت ہوجائے گا۔ اس موقع پر مظاہرین نے بینرز اور پلے کارڈ اٹھا رکھے تھے جن پر شمیم اختر سپروائزر کے خلاف نعرے درج تھے۔ریلی کا اختتام ڈی سی او آفس کے باہر ہوا۔ انتظامیہ نے مظاہرین سے1دن کا وقت لے لیا اوران کے جائز مطالبات ماننے کی یقین دہانی کرائی ۔ اس موقع پر لیڈی ہیلتھ ورکرز نے کہا کہ اگر ان کے جائز مطالبات نہ تسلیم کئے گئے اور سپروائزر شمیم اختر کو نہ تبدیل کیا گیا تو وہ اپنا احتجاجی دھرنا دوبارہ دیں گے#مزید قومی خبریں
-
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی وزیراطلاعات عطااللہ تارڑکا قومی اسمبلی میں توجہ ..
-
عدالتی معاملات میں کسی کی مداخلت قابل قبول نہیں، چیف جسٹس قاضی فائز عیسیٰ
-
گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت
-
خاوند نے بیوی کا گلا کاٹ دیا، مارٹ مالک نے نوکر کو گولی مار دی
-
ہائیکورٹ نے فرح شہزادی کے بچوں کو بیرون ملک جانے کے اجازت دے دی
-
جمہوریت کی بقاء کے لئے ایوان پر بھاری ذمہ داری عائد ہوتی ہے، سینیٹرفیصل واوڈا
-
وزیر اعلی بلوچستان میر سرفراز بگٹی نے مزدور پیشہ افراد کے چار سو بچوں کو ملک کے اعلی تعلیمی اداروں میں بھیجنے کا اعلان کر دیا
-
حکومت ملیریا کی روک تھام اور خاتمے کے لئے مناسب اقدامات اٹھا رہی ہے ، وزیراعظم
-
سولر پینلز کی بے تحاشا انسٹالیشن ، حکومت نے نیٹ میٹرنگ نرخ گرانے کی تیاری کرلی
-
طلباء کو موٹر سائیکل فراہم کرنے کی سکیم، 20ہزار بائیکس کیلئے 1 لاکھ طلبا ء نے رجسٹریشن کروالی
-
ٹرین میں تاریں کاٹ کر تانبہ چوری کرنے والا شخص پکڑا گیا
-
مسلم لیگ (ن) کا دفتر جلانے کا کیس، یاسمین راشد ، اعجاز چودھری ، صنم جاویدو دیگر فرد جرم کیلئے طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.