کراچی کی ٹمبرمارکیٹ میں کولنگ کا عمل دوسرے روز بھی جاری

آگ کے باعث 250سے زائد چھوٹی بڑی دکانیں ،گودام ،100کے قریب مکان مکمل طور پر خاکستر ہوگئے تھے

پیر 29 دسمبر 2014 17:13

کراچی(اُردو پوائنٹ اخبارتاز ترین ۔ 29دسمبر 2014ء) پرانا حاجی کیمپ میں واقع ٹمبرمارکیٹ میں لگی آگ پر گزشتہ رات قابو پالیا گیا تھا تاہم کولنگ کا عمل دوسرے روز بھی جاری رہا ۔کراچی کے علاقے پرانا حاجی کیمپ میں واقع ملک کی سب سے بڑی ٹمبر مارکیٹ میں لگنے والی آگ نے لکڑی کے گوداموں کو کوئلے کے ڈھیروں میں بدل دیا ہے۔ مارکیٹ میں تجارتی سرگرمیاں مکمل طور پر بند ہیں جبکہ آتشزدگی کی نذر ہونے والی دکانوں اور مکانات کے مالکان اپنے نقصانات کا جائزہ لے رہے ہیں۔

(جاری ہے)

کے ایم سی کی جانب سے ملبے کو ہٹایا جارہا ہے جس میں سے اب بھی وقفے وقفے سے دبی آگ سر اٹھا رہی ہے اور فائر بریگیڈ کے اہلکار اسے بجھارہے ہیں۔دوسری جانب سے وزیراعلی سید قائم علی شاہ نے متاثرین کے روزمرہ اخراجات کے لئے یومیہ ایک لاکھ روپے کی امداد کی منظوری دے دی ہے، امدادی رقم ڈپٹی کمشنرجنوبی کی تصدیق کے بعدجاری ہوگی۔واضح رہے کہ ٹمبر مارکیٹ میں ہفتے اور اتوار کی درمیانی رات لگنے والی آگ کے باعث 250 سے زائد چھوٹی بڑی دکانیں اور گودام جبکہ 100 کے قریب مکان مکمل طور پر خاکستر ہوگئے ہیں جس سے ہزاروں افراد کے روزگار ختم ہوگئے ہیں۔

متعلقہ عنوان :