نارووال میں چیئر مین ضلعی زکوٰةوعشرکمیٹی نہ ہونے کی وجہ سے چھ ہزار مستحقین زکوٰة گزشتہ دو سال سے مالی امداد سے محروم
اتوار 28 دسمبر 2014 17:28
نارووال (اُردو پوائنٹ اخبارتاز ترین۔ 28دسمبر 2014ء) چیئر مین ضلعی زکوٰةوعشرکمیٹی اور مقامی زکوٰة کمیٹیاں نہ ہونے کی وجہ سے چھ ہزار مستحقین زکوٰة گزشتہ دو سال سے مالی امداد سے محروم،گزشتہ مالی سال کے دوران دوکروڑروپے(20ملین) سے زائد کے فنڈز واپس چلے گئے،بتایا گیا ہے کہ گزشتہ دوسال سے چیئر مین ضلعی زکوٰةوعشرکمیٹی نارووال کی سیٹ خالی ہونے اور ایک سال سے مقامی زکوٰة عشر کمیٹیاں نہ ہونے کی وجہ سے ضلع بھر کے مستحقین گزارہ الاؤنس اور مالی امدادکے منتظرسائلین مالی امدادسے محروم ہیں۔
گزشتہ سال بلدیاتی( لوکل باڈیز )انتخابات میں حصہ لینے کیلئے سابق چیئر مین پیر سید اظہرالحسن گیلانی نے جنوری 2013میں چیئر مین ضلعی زکواة وعشرکمیٹی کے عہدے سے استعفیٰ دیا تھا۔(جاری ہے)
ضلعی چیئرمین کے استعفیٰ کے باعث مالی سال2013-14کے دوران ضلع نارووال میں مستحقین زکوٰة کیلئے آنے والے دوکروڑ روپے (20ملین )سے زائدکے فنڈ زمستحقین میں تقسیم نہ ہو سکے اور30جون2014کو فنڈز صوبائی زکوٰة وعشر کمیٹی پنجاب کو واپس چلے گئے، مقامی زکوٰة کمیٹیاں جن کی مدت تین سال ہو تی ہے وہ بھی نومبر2013میں اپنی مدت مکمل کر کے ختم ہو چکی ہیں ۔
رواں مالی سال 2014-15کیلئے ضلع نارووال کی588مقامی زکوٰة کمیٹیوں کے چھ ہزار مستحقین زکوٰة کیلئے فنڈزکی پہلی ششماہی قسط ایک کروڑ روپے(10ملین) سے زائد پہنچ گئی ہے مگر ضلعی چیئر مین زکوٰة کمیٹی نہ ہونے کی وجہ سے مقامی زکوٰة کمیٹیاں تشکیل نہیں دی جاسکیں جس کے باعث اس سال بھی مستحقین زکوٰة عید الفطر اور عید الضحٰی پر حکومتی مالی امداد نہ ملنے کی وجہ سے عید کی خوشیاں نہ منا سکے ۔ضلعی چیئر مین زکوٰة عشر کمیٹی اور مقامی زکوٰة کمیٹیاں نہ ہونے کی وجہ سے ضلع بھر کے مستحقین گزارہ الاؤنس کے علاوہ صحت کی سہولیات،تعلیمی وظائف اور جہیز فنڈزکی سہولیات سے بھی محروم ہیں۔ڈسٹر کٹ آفیسرزکوٰة ذولفقار علی پڈانہ نے بتایا کہ ڈسٹر کٹ زکوٰة کمیٹی اور مقامی زکوٰة کمیٹیاں نہیں ہیں اس لئے مستحقین کو گزارہ الاؤنس کا اجراء اور دیگر مالی امداد نہیں دے سکتے ،جیسے ہی زکوٰة کمیٹیاں تشکیل پائیں گی مستحقین کو مالی امدادکے فنڈز جاری کر دینگے۔مزید قومی خبریں
-
ہفتہ وار مہنگائی میں معمولی کمی، 4 اشیائے ضروریہ مہنگی، 18 سستی ہوئیں
-
لاہورہائیکورٹ،عون چودھری کی این اے 128 سے کامیابی کیخلاف درخواست سماعت کیلئے مقرر کرنے کا حکم
-
خواجہ سلمان رفیق کا گنگارام ہسپتال کا دورہ، مدر اینڈ چائلڈ بلاک میں جاری ری ویمپنگ منصوبے کا جائزہ لیا
-
پتنگ بازی کی روک تھام کے لئے ڈرون کیمروں کی مدد سے مانیٹرنگ شروع
-
لاہور میں بچے کو زنجیر سے باندھ کر تشدد کرنے کی ویڈیو وائرل، ملزمان گرفتار
-
پنجاب میں پاکستان کی تاریخ کا سب سے بڑا’’محمد نواز شریف کسان کارڈ‘‘ ،وزیراعلیٰ مریم نوازشریف نے منظوری دیدی
-
پی آئی اے کی فضائی میزبان ٹورنٹو ائیرپورٹ پرزیرحراست
-
ریاست کی رٹ چیلنج کرنے والے سے آہنی ہاتھوں سے نمٹیں گے، وزیراعلیٰ بلوچستان
-
صنم جاوید اور عالیہ حمزہ ایک اور مقدمے میں گرفتار
-
سینیٹ انتخابات میں زلفی بخاری کے کاغذات مسترد کرنے کے خلاف اپیل پر فریقین سے جواب طلب
-
بلاول بھٹو زرداری کا بہاولپور کے پارٹی رہنما ارشاد احمد سرویا کے انتقال پراظہار تعزیت
-
ہر ترقیاتی منصوبے میں شفافیت کو سو فیصد یقینی بنایا جائے‘خواجہ سلمان رفیق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.