نفاذاسلام کی بہترین مثال خلافت راشدہ کا دور ہے‘بعثت رحمت عالم ﷺ“ کانفرنس
اتوار 28 دسمبر 2014 16:07
چلاہور(اُردو پوائنٹ اخبارتاز ترین۔ 28دسمبر 2014ء )حضور اکرم ﷺ کی ولادت باسعادت سے ساری کائنات مستفید ہوئی مومن تو مومن کافر کو بھی جو دنیاوی نعمتیں مل رہی ہیں ان کا واسطہ بھی حضور ﷺ کی ذات ہے اس میں مسلمان اور غیرمسلم سب شریک ہیں۔ان خیالات کااظہار شَیخ سلسلہ نقشبندیہ اویسیہ اور تنظیم الاخوان کے امیر حضرت مولانا امیر محمد اکرم اعوان نے ایوان اقبال ایجرٹن روڈ میں ہونے والی” بعثت رحمت عالم ﷺ“ کانفرنس کے شرکاء سے اپنے ویڈیو خطاب میں کیا ۔
اس موقع پر ناظم اعلیٰ صاحبزادہ عبدالقدیراعوان،سابق چیف جسٹس لاہور ہائیکورٹ جسٹس(ر) خواجہ محمد شریف،خالد محمود چشتی نے بھی خطاب کیا۔ مولانا امیر محمد اکرم اعوان نے کہا کہ یقینا اللہ نے مومنوں پر اور مسلمانوں پر بہت بڑا احسان کیا اس لیے مسلمانوں کو بعثت عالی کو نہیں بھولنا چاہئے ۔(جاری ہے)
انہوں نے کہا کہ جب کلام الٰہی کی کیفیت اللہ کے رسول ﷺ کے قلب اطہر سے ہو کر مومن کے دل میں اترتی ہے تو وہ سارے وجود کا تزکیہ کردیتی ہے۔
انہوں نے مزید کہا کہ نفاذاسلام کی بہترین مثال خلافت راشدہ کا دور ہے۔ اس دور میں ریکارڈ فتوحات کے باوجودکسی عورت کی چیخ ،کسی بوڑھے کے آنسو اور نہ کسی بچے کی آہ سننے کو ملتی ہے۔آج ایسی بدامنی ہے کہ گھر گھر لڑائی جھگڑا ،شہرشہر قتل ہورہے ہیں، جنگ کا سماں ہے دوچاردن کے لیے لوگ سوگوار ہوتے ہیں مگر بدلتا کوئی نہیں۔انہوں نے کہا کہ جو شخص خلوص دل سے توبہ کر کے اپنی زندگی کو دین اسلام کے مطابق ڈھال لیتا ہے تو اس کا فائدہ یہ ہوگا کہ اگر پوری دنیا میں آگ لگی ہوئی ہو تو تب بھی اس کے دل میں آگ نہیں بلکہ امن اور سکون ہوگا۔انہوں نے کہا کہ مومن کو بعثت عالی کی بات کرنی چاہیے جہاں سے کلمہ طیبہ نصیب ہوا،جہاں سے نورایمان عطا ہوا،جہاں سے اسلام کی ابتداء ہوئی،جہاں سے بندے کا تعلق اللہ سے قائم ہوا۔ناظم اعلیٰ سلسلہ نقشبندیہ اویسیہ صاحبزادہ عبدالقدیر اعوان نے شرکاء سے خطاب کرتے ہوئے کہاکہ اس ماہ مبارک میں اظہار محبت کے مختلف طریقے اپنائے جاتے ہیں جن میں رواجات کو زیادہ فروغ دیا جاتا ہے اور اس بارگاہ کے آداب کا بالکل خیال نہیں کیا جاتا حالانکہ قرآن مجید میں ارشاد ہے کہ اپنی آواز کو میرے حبیبﷺ کی آواز سے اونچا مت کرو، یہ نہ ہو کہ تمہارے اعمال ضائع ہوجائیں اور تمہیں خبربھی نہ ہو۔اور سب سے بڑا اظہار محبت بندہ ٴ مومن کے اپنے عمل سے ظاہر ہوتا ہے کہ وہ اپنی عملی زندگی میں تعلیمات نبویﷺ پر عمل پیرا ہے۔ ملک میں موجودہ بدامنی اور انتشار پر بات کرتے ہوئے انہوں نے کہاکہ اس وقت تمام سیاسی ودینی جماعتیں جو اپنے ذاتی اختلافات کو بھلاکر ایک پلیٹ فارم پر متحد ہیں، اس اتحاد کو آئندہ کیلئے برقرار رہنا چاہیے تاکہ ملک دشمن عناصر جو ملک میں افراتفری اور انتشار پھیلانا چاہتے ہیں انکا مقابلہ کیا جاسکے۔ انہوں نے حکمرانوں پر زور دیتے ہوئے کہاکہ جس طرح ان پر پوری قوم کی ذمہ داری سونپی گئی ہے اسی طرح اس بارے میں بھی جواب دہ ہونا پڑیگا اسلیے انہیں جو وقت ملا ہے اسے ملک وقوم کی سلامتی کیلئے وقف کردیں اسی میں انکی بقاء ہے۔مزید قومی خبریں
-
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی وزیراطلاعات عطااللہ تارڑکا قومی اسمبلی میں توجہ ..
-
عدالتی معاملات میں کسی کی مداخلت قابل قبول نہیں، چیف جسٹس قاضی فائز عیسیٰ
-
گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت
-
خاوند نے بیوی کا گلا کاٹ دیا، مارٹ مالک نے نوکر کو گولی مار دی
-
ہائیکورٹ نے فرح شہزادی کے بچوں کو بیرون ملک جانے کے اجازت دے دی
-
جمہوریت کی بقاء کے لئے ایوان پر بھاری ذمہ داری عائد ہوتی ہے، سینیٹرفیصل واوڈا
-
وزیر اعلی بلوچستان میر سرفراز بگٹی نے مزدور پیشہ افراد کے چار سو بچوں کو ملک کے اعلی تعلیمی اداروں میں بھیجنے کا اعلان کر دیا
-
حکومت ملیریا کی روک تھام اور خاتمے کے لئے مناسب اقدامات اٹھا رہی ہے ، وزیراعظم
-
سولر پینلز کی بے تحاشا انسٹالیشن ، حکومت نے نیٹ میٹرنگ نرخ گرانے کی تیاری کرلی
-
طلباء کو موٹر سائیکل فراہم کرنے کی سکیم، 20ہزار بائیکس کیلئے 1 لاکھ طلبا ء نے رجسٹریشن کروالی
-
ٹرین میں تاریں کاٹ کر تانبہ چوری کرنے والا شخص پکڑا گیا
-
مسلم لیگ (ن) کا دفتر جلانے کا کیس، یاسمین راشد ، اعجاز چودھری ، صنم جاویدو دیگر فرد جرم کیلئے طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.