ریاست دہشت گرد طالبان کی حمایت کو سنگین ترین جرم قرار دے،ملا عبدالعزیز پرغداری کاکیس چلایا جائے۔۔۔
دہشتگردوں کو پھانسیاں دینا شریعت کے عین مطابق ،سرعام پھانسیاں دی جائیں یا ویڈیولنک کے ذریعے درندوں کی پھانسی کو عوام کے سامنے لایا جائے۔۔۔
اتوار 28 دسمبر 2014 14:30
لاہور( اُردو پوائنٹ اخبارتاز ترین۔ 28دسمبر 2014ء) اہلسنت کی تمام تنظیمات ،جماعتوں اور سنی علماء مشائخ نے آپریشن ضربِ عضب کی حمایت، دہشتگردی کے خلاف جنگ میں پاک فوج کا ساتھ دینے اور فوجی عدالتوں کے قیام کی حمایت کا اعلان کرتے ہوئے کہا ہے کہ حکومت قومی ایکشن پلان پر فوری عملدرآمد کرے ۔متفقہ اعلامیہ سربراہ تحریک صراط مستقیم پاکستان ڈاکٹر محمد اشرف آصف جلالی کی سربراہی میں ہونے والے”گنبد خضری“سیمینار میں جاری کیا گیا۔
مشترکہ اعلامیہ میں کہاگیاکہ دہشتگرد ڈرا دھمکا کر اپنے ساتھیوں کو چھڑا لیتے ہیں اس لئے فوجی عدالتوں کا قیام ناگزیر ہوچکا تھا۔تحریک صراط مستقیم پاکستان تمام اہلسنت جماعتوں کو ساتھ ملا کر دہشت گردی، انتہاپسندی اور مذہب کے غلط استعمال کے خلاف ملک گیر مہم چلائے گی ۔(جاری ہے)
ریاست دہشت گرد طالبان کی حمایت کو سنگین ترین جرم قرار دے۔ملا عبدالعزیز پرغداری کاکیس چلایا جائے ۔
دہشت گردوں کو پھانسیاں دینا شریعت کے عین مطابق ہے اس لیے انہیں سرعام پھانسیاں دی جائیں اگر وقت کی قلت کے باعث ایسا ممکن نہ ہو تو ویڈیولنک کے ذریعے درندوں کی پھانسی کو عوام کے سامنے لایا جائے ۔ آپریشن ضربِ عضب کو ملک بھر میں پھیلایا جائے۔ دہشت گردی میں ملوث مدارس کے خلاف شدیدکارروائی کی جائے۔حکومت پاکستان دہشت گردوں کو کچلنے کے لیے تمام ریاستی ذرائع اور وسائل استعمال میں لائے۔مدارس کو ہونے والی غیر ملکی فنڈنگ پر گہری نظر رکھی جائے ۔نام بدل کر کام کرنے والی کالعدم جماعتوں پر فوری پابندی لگائی جائے ۔ اہلسنّت اپنے مدارس کی چھان بین کے لیے ہر وقت تیار ہیں کیونکہ اہلسنّت و جماعت پاکستان میں مسلّح جدوجہد کو مسترد کرتے ہیں۔ دہشت گردوں کے حامیوں، ہمدردوں اور مددگاروں کے خلاف ملک گیر کریک ڈاؤن ناگزیر ہو چکا ہے۔اعلامیہ میں مزید کہاگیاکہ قوم دہشت گردی کے معاملے میں حکومتی لچک قبول نہیں کرے گی۔ ملک میں عملاً نظامِ مصطفی نافذ کیا جائے۔ خارجہ پالیسی کو امریکی دباؤ سے آزاد کیا جائے۔ پاکستان میں غیرملکی مذہبی مداخلت کا خاتمہ کیا جائے۔ غیرملکی خفیہ ایجنسیوں کے نیٹ ورکس کا صفایا کیا جائے ۔حکومت عید میلادالنبی ﷺ کے جلسے ، جلوسوں،سیمینارزکو فول پروف سیکیورٹی مہیا کرے۔ 12 ربیع الا ول شریف کو لوڈ شیڈنگ سے مستثنیٰ قرار دیا جائے۔عاشق رسول ممتاز حسین قادری فوری رہا کیا جائے ۔ سانحہ نشتر پارک کراچی ،سانحہ داتا دربار ،ڈاکٹر سرفراز احمد نعیمی شہید، بلوچستان اور سرحد میں شہید ہونے علماء اہلسنت کے قاتلوں کو منظر عام پر لایا جائے اور تحقیقات کرکے ملزمان کو سخت سے سخت سزادی جائے۔ ملک بھر میں گیس اور بجلی کی لوڈ شیڈنگ کا فوری خاتمہ کیا جائے۔ مشترکہ اعلامیہ میں شیخ الحدیث حافظ عبدالستا ر سعیدی شیخ الحدیث جامعہ نظامیہ لاہور، شیخ الحدیث حافظ خادم حسین رضوی امیر فدایان ختم نبوت پاکستان،محمد شاداب رضا نقشبندی مرکزی راہنما پاکستان سنی تحریک، صاحبزادہ رضائے مصطفی نقشبندی صدر تحفظ ناموس رسالت محاذسمیت دیگر موجود تھے۔مزید اہم خبریں
-
امریکہ نے یوکرین کو خفیہ طور پر بیلسٹک میزائل فراہم کیے
-
’ان کرداروں کو اکٹھا دیکھ کر عوام کی نفرت میں اضافہ ہی ہوتا ہے‘
-
وزیراعظم شہباز شریف کل شہید کسٹمز انسپکٹر سید حسنین علی ترمذی کے اہل خانہ سےملاقات کے لئے ایبٹ آباد جائیں گے
-
سولر پینلز کی بے تحاشا انسٹالیشن،حکومت نے نیٹ میٹرنگ نرخ گرانے کی تیاری کرلی
-
مرد ڈاکٹرز کے مقابلے خواتین ڈاکٹرز بہتر اور بر وقت علاج کرتی ہیں
-
6 ماہ سے غزہ کے فلسطینیوں پرمظالم دیکھ کرشدید غصہ اور مایوسی ہے،۔ ملالہ
-
پاکستان کے ساتھ انسانی حقوق کا معاملہ اٹھاتے رہیں گے، امریکہ
-
وزیر اعظم نے چیف کمشنر اسلام آباد کیپٹن (ر) انوارالحق کو عہدے سے ہٹا دیا
-
گجرات میں ہسپتال کی چھت گرنے پر وزیراعلیٰ کا سخت ایکشن
-
ایران کے صدر کا دورہ پاکستان بہت بڑی پیشرفت تھی،خواجہ آصف
-
اصولی جدوجہد سے ہرگز دستبردار نہیں ہوں گے، عمران خان
-
آئی ایم ایف مثبت رائے دیتا ہے توپاکستان میں سرمایہ کاروں کا اعتماد بڑھے گا،ڈونلڈ بلوم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.