دودرندوں کی معصوم بچی سے جنسی زیادتی ، قتل
تازہ ترین : 1
دودرندوں کی معصوم بچی سے جنسی زیادتی ، قتل

دودرندوں کی معصوم بچی سے جنسی زیادتی ، قتل

لاڑکانہ (اُردو پوائنٹ اخبار تازہ ترین۔28دسمبر 2014ء)لاڑکانہ میں دو نوجوانوں نے پانچ سالہ معصوم بچی کو اغوا کر کے اجتماعی زیادتی کے بعد گلا گھونٹ کر قتل کردیا ، لاش محلے کے ایک ویران گھر سے برآمد کرکے پولیس نے ملزمان کو گرفتار کرکے تھانے میں بند کردیا۔ تفصیلات کے مطابق لاڑکانہ ولید تھانہ کی حدود یار محمد کالونی کی رہائشی پانچ سالہ فوزیہ سومرو صبح گھر سے محلے کی دکان پرگئی تو نامعلوم سفاک ملزمان کی جانب سے فوزیہ کواغوا کر لیا گیا ، جس کے بعد پولیس ذرائع کے مطابق ملزمان نے 5 سالہ معصوم بچی فوزیہ کومحلے کے ایک ویران گھر میں زیادتی کا نشانہ بنایا اور پھر پہچانے جانے کے ڈر سے ملزمان نے معصوم بچی کو گلا گھونٹ کر قتل کردیا۔

کئی گھنٹے گذر جانے کے بعد ورثاءکی جانب سے بچی کی تلاش کی گئی تو بچی کی لاش محلے کے ویران گھر سے ملی جسے متعلقہ تھانہ کی پولیس نے بر آمد کروایاگیا ، دلخراش واقعے کی اطلاع ملتے ہی علاقہ مکینوں میں غم و غصے کی لہر پھیل گئی جبکہ بچی کے گھر قیامت صغریٰ کے مناظر دیکھنے کو ملے ۔ پولیس نے فوری طور پر کارروائی کرتے ہوئے دو ملزمان شعیب جتوئی اور یونس عرف ببلو جتوئی کو گرفتار کرلیا ، گرفتار ملزمان سے تحقیقات جاری ہیں جبکہ ہسپتال ذرائع نے پوسٹ مارٹم میں بچی کے ساتھ زیادتی کی تصدیق کی اور بتایا کہ گلا گھونٹ کر بچی کو قتل کیا گیا ہے ، جبکہ سر پر بھی گہری چوٹ لگی ہوئی تھی اور یک بازو بھی فریکچر تھا ۔

مزید متعلقہ خبریں پڑھئیے‎ :

وقت اشاعت : 28/12/2014 - 14:01:44

متعلقہ عنوان :

اپنی رائے کا اظہار کریں