حکومت ،تحریک انصاف قوم کو کسی نئے ایڈونچر میں مبتلا کرنے سے اجتناب برتیں، پی پی پی سنیٹرز
ہفتہ 27 دسمبر 2014 22:27
کراچی(اُردو پوائنٹ اخبار تازہ ترین۔27دسمبر 2014ء) پاکستان پیپلز پارٹی کے سابق وفاقی وزیر قانون سنیٹرمولا بخش چانڈیو، سنیٹر سعید غنی اور سنیٹر عاجز دھامرا نے حکومت اور تحریک انصاف کے مابین تاحال جاری سرد جنگ کو ملک کے لئے بدشگونی قرار دیتے ہوئے دونوں سے مطالبہ کیا ہے کہ قوم کو مزید ہیجان میں رکھنے سے اجتناب کیا جائے کیونکہ ماضی قریب میں قوم اور ملک کو دھرنوں کی سیاست سے جو سماجی، سیاسی اور معاشی نقصان اٹھانا پڑا اور اس کے بعد دہشت گردوں کی جانب سے معصوم بچوں کے خون سے جس طرح ہولی کھیلی گئی اس کے بعد قوم کسی نئے ایڈونچر کی متحمل نہیں ہوسکتی۔
پاکستان پیپلز پارٹی میڈیا سیل سندھ سے جاری ہونے والے اپنے مشترکہ بیان میں ان سنیٹرز نے کہا کہ پشاور کے واقعے کے بعد تحرک انصاف کا دھرنا ختم کرنا درست فیصلہ تھا مگر تاحال عدالتی کمیشن کے قیام کے سلسلے میں غیرسنجیدہ صورت حال اس بات کی غماصی کررہی ہے کہ دال میں کچھ کالا ضرور ہے اور معاملے کو طول دینے کی کوشش کی جارہی ہے۔(جاری ہے)
انھوں نے کہا کہ پاکستان پیپلز پارٹی نے ملک و ق وم اور جمہوریت کی خاطر پارلیمنٹ کا ساتھ دیا اور آئندہ بھی جمہوریت کی بقا اور سلامتی کے لئے ہراول دستے کا کردار ادا کرتی رہے گی تاہم حکومت اور تحریک انصاف کو بھی اپنے ریوں پر نذرثانی کرنی چاہئے کیونکہ اگر دونوں فریق اسی طرح میں نہ مانو کی رٹ لگارکھیں گے تو یہ دہشت گردی کے خلاف بننے والے قومی اتحاد کو پارہ پارہ کردیگا اور قوم انھین کبھی معاف نہیں کرے گی۔
انھوں نے حکومت اور تحریک انصاف سے کہا کہ ذاتی انا اور ہٹ دھرمی کو ترک کرتے ہوئے قوم اور ملک کا سوچیں اور قوم کو کسی نئے امتحان میں نہ ڈالیں جس کے لئے وہ مہینوں یا دنوں میں نہیں بلکہ گھنٹوں میں کسی نتیجے پر پہنچیں تاکہ دہشت گردوں کے خلاف جاری آپریشن کسی منطقی نتیجے پر پہنچے۔متعلقہ عنوان :
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.