باغ--میرٹ کی پامالی اورجیالہ نوازی پر عوام سیخ پا ہو گئے‘بیس بگلہ میں احتجاجی مظاہرہ
ہفتہ 27 دسمبر 2014 13:15
باغ‘ بیس بگلہ (اُردو پوائنٹ تازہ ترین اخبار۔ 27 دسمبر 2014ء)آزاد کشمیر ضلع باغ میں حالیہ قراء حضرات کی آسامیوں پر میرٹ پامال کرنے پر بیس بگلہ‘ چناٹ‘ بھٹی شریف کی سیاسی اور مذہبی جماعتوں سمیت عوام نے شدید احتجاجی مظاہرہ کیا-مظاہرین نے یک زبان ہوکر حکومت آزاد کشمیر کو باور کرایا کہ میرٹ پامال کرنے اور جیالہ نوازی کو کسی قیمت پر برداشت نہیں کیا جائے گا-میرٹ پامال کرنے اور جیالوں کو بھرتی کرنے کے خلاف جامع مسجد بیس بگلہ میں قرارداد پیش کی گئی جس میں حکومت سے مطالبہ کیا گیا ہے کہ ان غیر قانونی تعیناتیوں کو کینسل کر کے دوبارہ انٹرویو لیے جائیں-مظاہرے میں تمام سیاسی و مذہبی جماعتوں کے رہنماؤں کے علاوہ عوام نے کثیر تعداد میں شرکت کی اور کل اتوار کو باغ پریس کلب میں قراء حضرات کے ساتھ پریس کانفرنس کرنے کا بھی اعلان کر دیا-مظاہرے سے مولاناعبدالکبیر‘ راجہ طارق ایڈووکیٹ‘ مولانا عبدالمقیط‘ مولانا خالد‘ عمیر حیدر‘راجہ اعظم خان‘ عبدالقدیر خان‘ ظہیر صادق‘قاری جاوید خان‘ اظہر اقبال اور دیگر نے خطاب کیا-مقررین نے کہا کہ قراء حضرات کی ان آسامیوں پرتعیناتیاں برادری ازم کی بنیاد پراور میرٹ کوپامال کر کے کی گئی ہیں جنہیں کسی قیمت برداشت نہیں کیا جائے گا-مقررین نے کہا کہ میرٹ کی پامالی اور برادری ازم کی انتہا ہوگئی ہے کوالیفائی کرنے والے لوگ دیکھتے رہ گئے اور جیالوں کو نواز دیاگیا-مقررین نے کہا کہ ڈی ای او نااہل ترین شخص ہے جو اس سارے معاملے کا ذمہ دار ہے وہ دن کو دفتر بند کر کے راتوں کو جیالوں کے گھر جا کر ان کی نوکری کرتا رہا -مقررین نے (آج) اتوار کو قراء کے ہمراہ پریس کلب باغ میں کانفرنس کا اعلان کر دیا-مقررین نے کہا کہ حکومت آزاد کشمیر کو معلوم ہونا چاہئے کہ شہیدوں اور غازیوں کی دھرتی سے غداری کسی کو نہیں کرنے دی جائے گی-وزیراعظم آزاد کشمیر فوری طور پر میرٹ کی پامالی اور جیالہ نوازی کا نوٹس لیں ورنہ تمام ترصورتحال کی ذمہ دار حکومت ہو گی- بعد ازاں عمیر حیدر نے وزیر تعلیم ‘ سیکرٹری تعلیم کو ہارٹ لائن پر کال کر کے صورتحال سے آگاہ کیا-قراء حضرات میرٹ پامال کرنے کے خلاف کل اتوار کو باغ پریس کلب میں پریس کانفرنس کریں گے-
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.