پشاور‘سیکورٹی فورسز کا سرچ آپریشن ،درجنوں مشتبہ افراد گرفتار

جمعہ 26 دسمبر 2014 23:16

پشاور(اُردو پوائنٹ اخبار تازہ ترین۔26دسمبر 2014ء)پشاور کے تھانہ فقیر آباد کی حدود میں پولیس اور سیکورٹی فورسز نے سرچ آپریشن کے دوران درجنوں مشتبہ افراد کو حراست میں لے لیا گیا۔

(جاری ہے)

پولیس کے مطابق فقیرآباد، زریاب کالونی، چارسدہ روڈ اور ملحقہ علاقوں میں پولیس اور سیکورٹی فورسز نے مشترکہ سرچ آپریشن کئے۔ آپریشن کے دوران درجنوں مشتبہ افراد کو حراست میں لیا گیا۔ جن میں افغان باشندے بھی شامل ہیں۔ حراست میں لئے گئے مشتبہ افراد کو تھانہ فقیر آباد منتقل کرکے مزید تفتیش کا عمل جاری ہے۔ گذشتہ شب نوتھیہ کے علاقہ میں سرچ آپریشن کے دوران بھی 100کے قریب مشتبہ افراد کو حراست میں لیا گیا تھا۔