کراچی ،پی پی ایلکا سانگھڑ میں گیس اور کنڈنسیٹ کی ایک اور دریافت کا اعلان ، بلاک میں چھٹی دریافت

جمعہ 26 دسمبر 2014 21:42

کراچی (اُردو پوائنٹ اخبار تازہ ترین۔26دسمبر 2014ء) پاکستان پیٹرولئیم لمیٹڈ (پی پی ایل )نے ضلع سانگھڑ، صوبہء سند ھ میں دریافتی کنوئیں فیضX-1 سے گیس اور کنڈنسیٹ کی ایک اور دریافت کا اعلان کر دیاہے۔ یہ اس بلاک میں چھٹی دریافت ہے۔واضح رہے کہ گمبٹ ساؤتھ بلاک میں65فیصد کاروباری حصہ داری کے ساتھ بحیثیت آپریٹر اپنے شراکت داروں گورنمنٹ ہولڈنگز (پرائیویٹ ) لمیٹڈ اور ایشیا ریسورسز آئل لمیٹڈ جن کی ساجھے داری بالترتیب 25 اور 10فیصد ہے، پی پی ایل کے مطابق فیضX-1 کی کھدائی کا آغاز17 اکتوبر2014 کو ہوا جسے یکم دسمبر2014 کو3564 میٹرکی حتمی گہرائی تک پہنچایا گیا ۔

وائر لائن لوگز کی بنیاد پر لوورگورو فارمیشن کی بیسل سینڈ میں ہائیڈروکاربن رکھنے والے کئی زونز کی نشاندہی کی گئی جن کی جانچ جاری ہے۔

(جاری ہے)

40/64انچ چوک سائز پرابتدائی جانچ کے دوران یومیہ 11.05MMscf گیس اور 2100 بیرل کنڈنسیٹ حاصل ہوئے جس سے فیضX-1 میں تجارتی مقاصد کے لئے گیس اور کنڈنسیٹ کی موجودگی کی تصدیق ہوئی ۔فیض X-1 سے حاصل ہونے والی ممکنہ پیداوار کی صلاحیت تقریباً4030 بیرل یومیہ تیل کے مساوی ہوگی جس سے282,000 امریکی ڈالر یومیہ کے زرِ مبادلہ کی بچت ہوگی۔ کنوئیں سے گیس کے بہاؤ کی رفتار کا تعین کرنے کے لئے مختلف چوک سائزوں پر اس سے( گیس و کنڈنسیٹ) بہاؤ حاصل کیا جارہا ہے ۔ تاہم کنوئیں سے پیداوار کے حصول کی مجموعی صلاحیت کا تعین جانچ کے مکمل ہونے کے بعد کیا جائے گا۔

متعلقہ عنوان :