دہشت گردی کے خاتمہ کیلئے حکومت فوری اسلامی جمہوریہ پاکستان میں نظام مصطفےٰ کے نفاذ کا اعلان کردے،متحدہ امن کمیٹی پاکستان
جمعہ 26 دسمبر 2014 21:21
فیصل آباد(اُردو پوائنٹ اخبار تازہ ترین۔26دسمبر 2014ء) سانحہ پشاور قیامت تک یا د رکھا جائے گا ۔ معصوم طلبہ کو شہید کرنے والے دہشت گردوں کا نہ تو اسلام سے کوئی تعلق ہے اور نہ ہی ملک پاکستان کیساتھ پاک افواج نے دہشت گردی کے خاتمہ کیلئے جو حکمت عملی اپنائی ہے وہ اپنی مثال آپ ہے وزیراعظم میاں محمد نوازشریف نے سزائے موت کی سزاء کو بحال کرے ۔ اپنی ذمہ داری کا ثبوت دیا ہے ۔
انہوں نے مزید کہا کہ دہشت گردی کے خاتمہ کیلئے حکومت کو چاہیے کہ وہ فوری اسلامی جمہوریہ پاکستان میں نظام مصطفےٰ کے نفاذ کا اعلان کردے تودہشت گردی خود بخود ختم ہوجائے گی ۔ متحدہ امن کمیٹی نظام مصطفےٰ کے نفاذ اور وطن عزیز کو امن کاگہوارہ بنانے کیلئے جدوجہد کرتی رہے گی دہشت گردوں کو قرار واقع سزا دی جائے ۔(جاری ہے)
ان خیالات کا اظہار چیئرمین متحدہ امن کمیٹی پاکستان صاحبزادہ محمد منشاء سالک قادری رضوی نے روحانی درسگاہ مرکز جامعتہ ا لسا لکین جامع مسجد چشتیہ صابریہ رضویہ سالک روڈ مقبول ٹاؤن فیصل آباد میں جمعتہ المبارک کے اجتماع سے خطاب کے دوران کیا ۔
انہوں نے مزید کہا ہے کہ آقا دوجہاں حضرت محمد مصطفےٰ نے چودہ سوسال قبل ہی مسلمانوں کو امن وامان اخوت بھائی چارے کی فضاء کوقائم رکھنے کا درس دے دیا تھا ۔ آج بھی عالم اسلام کے مسلمان حضور نبی کریم کی ولادت وسعادت کی خوشی میں جشن عید میلاد النبی کے سلسلہ میں دنیا بھر میں خوشیاں منائی جاتی ہیں یہ ملک عالم اسلام کا قلعہ ہے اس ملک سے دہشت گردی کو خاتمہ کرنے کیلئے تمام مکاتب فکر کے علمائے اکرام وتاجر حضرات پاک افواج اورحکومت وقت کا ساتھ دیں۔ اسی میں ہم سب کی بھلائی ہے CID کے اہل کار بھی عوام کے ساتھ رابطہ رکھیں شر پسند عناصر پر کڑی نگرانی کی جائے ۔ دہشت گردی خود کش حملہ اور انتہا پسند ی میں شامل افراد کے خلاف کارروائی کی جائے جشن عید میلاد النبی کے جلوسوں کی سکیورٹی کیلئے فول پروف انتظامات کئے جائیں انہوں نے مزید کہا ہے کہ اہلسنت وجماعت حنفی بریلوی کی مساجد اوردرباروں کو بھی مزید سکیورٹی فراہم کی جائے جشن عید میلاد النبی کے جلوسوں کے منتظمین کے ساتھ تھانوں کی سطح پرتعاون کیا جائے اور انکی سکیورٹی کاخاص خیال رکھا جائے انہوں نے مزید کہا ہے کہ اہلسنت وجماعت حنفی بریلوی امن پسند ہے کیونکہ اہلسنت وجماعت کے اکابرین نے وطن عزیز کو کلمہ طیبہ کے نام پر حاصل کیا ہے اسکی حفاطت کیلئے کسی قسم کی قربانی دینے سے دریغ نہیں کریں گے ۔متعلقہ عنوان :
مزید اہم خبریں
-
کراچی: سابق شوہر نے بیوی کوچھریوں کے وار کرکے قتل کردیا
-
آئین میں کہاں لکھا ہے کابینہ قانون سے بالاترہے۔ چیف جسٹس
-
ریاستہائے متحدہ امریکہ اورپاکستان کے درمیان ٹریڈ اینڈ انویسٹمنٹ فریم ورک ایگریمنٹ (ٹی آئی ایف ای) کا بین المذاکرہ اجلاس
-
مارگلہ کی خوبصورت پگڈنڈیوں کو محفوظ بنانے کے لیے مارگلہ ٹریل پٹرول کا آغاز کر رہے ہیں ، وفاقی وزیرداخلہ محسن نقوی کا ٹویٹ
-
وزیراعلی مریم نواز شریف نے جگر کے عارضہ میں مبتلا پروفیسر ایس ایم منصور کے علاج کیلئے 13 لاکھ روپے امداد کی منظوری دیدی
-
ایف بی آرکا ٹریک اینڈ ٹریس سسٹم ناکام
-
خیبر پختونخواہ حکومت کا لاکھوں ٹن گندم کی خریداری کا فیصلہ
-
بھارتی شہری نے پاکستانی لڑکی کو دل کا عطیہ کرکے نئی زندگی دے دی
-
نجی شعبہ زراعت تبدیل کرنے میں موثر کردار ادا کرسکتا ہے، وزیرخزانہ
-
افغان شہریوں کو ڈھائی لاکھ روپے لیکر شناختی کارڈ جاری کرنیوالا نادرا کا افسر گرفتار
-
وزیر اعلیٰ مریم نواز سے ہالینڈ کی سفیر مسز ہینی ڈی وریس کی ملاقات، ڈچ کمپنیوں کوسرمایہ کاری کی دعوت
-
عمران خان کو ریاستی اداروں کے خلاف بیانات سے اجتناب برتنے کے حکم پر تنقید و سوالات
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.