نوشکی کے اکثر آبادی کا زریعہ معاش زراعت اور گلہ بانی پر منحصر ہے،ظاہر جمالدینی ،

نوشکی(اُردو پوائنٹ اخبار تازہ ترین۔26دسمبر 2014ء) پولیٹیکل پارٹیز اسٹیئرنگ کمیٹی نوشکی کے فوکل پرسن ظاہر جمالدینی،ممبران میر ثناء اللہ جمالدینی،حافظ مطیع الرحمان مینگل،مولانا نذیر مینگل ودیگر نے پریس کانفرنس سے خطاب کرتے ہوئے کہاہے کہ ضلع نوشکی کے اکثر آبادی کا زریعہ معاش زراعت اور گلہ بانی پر منحصر ہے طویل خشک سالی ،بجلی کی بندش،موسمی تبدیلی،اور قدرتی آفات کیساتھ ساتھ بعض سرکاری اداروں کی آفیسران کی ناقص منصوبہ بندی ،نااہلی،اقرباء پروری،اور کرپشن کے باعث زراعت کا شعبہ تیزی کے ساتھ تباہی کے جانب گامزن ہے ،علاقہ میں زراعت کی فروغ ،زمینداروں کو ریلیف دینے کے لئے محدود دستیاب وسائل کو بروے کار لانے کے بجائے شیر مادر سمجھ کر دونوں ہاتھوں کے ساتھ لوٹا جارہاہے،ایم ایم ڈی نوشکی میں کرپشن اور لوٹ مار کا ایک میگا پروجیکٹ بن چکاہے،ہر مہینے اس ادارے کو پندرہ سے پچیس ہزار لیٹر ڈیزل دیاجاتاہے لیکن اس محکمہ کے ماہانہ بیس سے تیس لاکھ روپے کے فنڈز زراعت کی فروغ یا زمینداروں کو ریلیف یا گھنٹہ جات دینے کے بجائے افسر شاہی اور اہلکاروں کی جیب اور مٹھی گرم کرنے کی نذر ہوتے ہیں،کرپشن،اقرباء پروریکے باعث ایم ایم ڈٰ جیسا ادارہ اپنی افادیت اور اہمیت کھو چکی ہے زمینداروں کو اس ادارے کے زریعے کوئی فائدہ نہیں پہنچ رہا جبکہ آفیسران اور اہلکار راتوں رات امیر بنتے جارہے ہیں،ضلع نوشکی میں زراعت کی ترقی تحفظ کے لئے قائم تمام سرکاری اور غیر سرکاری ادارے عدم دلچسپی ،کرپشن،منصوبہ بندی کے فقدان کے باعث زراعت کی ترقی کی بجائے ترقی کے راہ میں رکاؤٹ بنتے جارہے ہیں،انہوں نے کہاکہ پولیٹیکل پارٹیز اسٹیئرنگ کمیٹی محکمہ ایم ایم ڈی سمیت زراعت کے نام پر تمام سرکاری و غیر سرکاری اداروں میں من پسند افراد کو نوازنے،کرپشن،اور اقرباء پروری کی پرزور مذمت کرتی ہے ہمارا مطالبہ ہے کہ ایم ایم ڈی اور زراعت کے دیگر پروجیکٹس میں ہونے والی بدعنوانی کی تحقیقات اور کرپشن میں ملوث آفیسران کے خلاف کاروائی کیا جائے۔