صوبائی حکومت میں شامل دوجماعتوں کی منفی پالیسی کی وجہ سے بلدیاتی انتخابات لٹکے ہوئے ہیں ،رشیدخان ناصر ،
اس مرتبہ انتخابات میں دھاندلی کی گئی توسخت احتجاج کیاجائیگا،ترجمان آل پارٹیز ڈیموکریٹک الائنس
جمعہ 26 دسمبر 2014 20:19
کوئٹہ ( اُردو پوائنٹ اخبار تازہ ترین۔26دسمبر 2014ء) آل پارٹیز ڈیموکریٹک الائنس کے ترجمان رشیدخان ناصر نے بلدیاتی انتخابات کے تیسرے مرحلے کے انتخابات کوشفاف بنانے کامطالبہ کرتے ہوئے کہاہے کہ اگراس مرتبہ انتخابات میں دھاندلی کی گئی توسخت احتجاج کیاجائیگایہ بات انہوں نے جمعہ کوئٹہ پریس کلب میں پریس کانفرنس کرتے ہوئے کہی،انہوں نے کہاکہ بلدیاتی انتخابات جن کاانعقاد ایک سال قبل ہواتھااوراب تیسرے مرحلے میں مخصوص نشستوں پر31دسمبرکوانتخابات ہورہے ہیں انہوں نے کہاکہ بلدیاتی انتخابات ایک سال قبل سپریم کورٹ کے حکم کے تحت ہوئے تھے صوبائی حکومت تواس وقت انتخابات کرانے کی مخالف تھی مگراس وقت کے چیف سیکرٹری نے سپریم کورٹ میں جاکر بلدیاتی انتخابات کرانے کی یقین دہانی کرائی تھی مگراب صوبائی حکومت بلدیاتی انتخابات کرانے کاکریڈیٹ لے رہی ہے انہوں نے کہاکہ صوبائی حکومت میں شامل دوجماعتوں کی منفی پالیسی کی وجہ سے گزشتہ ایک سال بلدیاتی انتخابات لٹکے ہوئے ہیں انہوں نے کہاکہ گزشتہ بلدیاتی انتخابات میں بھی صوبائی حکومت انتظامیہ اورالیکشن کمیشن کی جانب سے جانب داری کامظاہرہ کیاگیاتھااوراب بلدیاتی انتخابات ہونے جارہے ہیں توہم واضح کردیناچاہتے ہیں کہ اگراس مرتبہ انتخابات میں جانبداری یادھاندلی کی کوشش کی گئی توسخت احتجاج کیاجائیگا انہوں نے کہاکہ 6ماہ قبل ہونے والے انتخابات میں ڈسٹرکٹ کونسل کوئٹہ میں9کونسلروں نے ووٹ کاسٹ کئے مگربیلٹ بکس سے 10ووٹ برا?مد ہوئے جس پرہم نے شدیداحتجاج کیاہمارے احتجاج پرہمیں تحریری طورپریقین دہانی کرائی گئی کہ دوبارہ انتخابات ہونگے مگرپھرانہی دس ووٹوں کی بنیاد پرنتائج جاری کردیئے گئے جس کے تحت ایک گروپ کو5اوردوسرے کو4ووٹ ملے انہوں نے کہاکہ ہم واضح کرناچاہتے ہیں کہ اب ایک کونسلر وفات پاچکے ہیں جس کے بعد دونوں گروپوں کے 4,4ووٹ ہیں اورانہی 8ووٹوں کی بنیادپرانتخابات کرائے جائیں انہوں نے کہاکہ ہم صوبائی حکومت اورالیکشن کمیشن سے مطالبہ کرتے ہیں کہ انتخابات کو شفاف بنایاجائے اگراس مرتبہ جانب داری کامظاہرہ کیاگیاتوسخت احتجاج کاحق محفوظ رکھتے ہیں انہوں نے کہاکہ انتخابات میں غیرجانبداراورسیاسی وابستگی نہ رکھنے والا عملہ تعینات کیاجائے انہوں نے کہاکہ ہرنائی میں کوئلہ کے ذخائرکے حوالے سے کاروباری معاملے کو سیاسی معاملہ بنانے سے گریز کیاجائے یہ ایک کاروباری مسئلہ ہے اس سے کاروبارتک محدود رکھاجائے ایک سوال پرانہوں نے کہاکہ ہماری کوئٹہ میٹروپولٹین کارپوریشن میں پوزیشن مستحکم ہے اورہم 6میں سے 4مخصوص نشستیں جیتنے کے حوالے سے پرامیدہیں جبکہ ڈسٹرکٹ کونسل میں ہمارے اورمخالف گروپ کے 4,4ووٹ برابر ہیں یہاں بھی پوزیشن بہترہے ایک سوال پرانہوں نے کہاکہ ہم جمہوریت پسند ہے اورجمہوری جدوجہد پریقین رکھتے ہیں اورا?ئین اورقانون کے تحت جدوجہد کررہے ہیں ہم اصول اورقائدے کی بات کرتے ہیں ایک سوال پرانہوں نے کہاکہ گزشتہ ڈیڑھ سال کے دوران کوئٹہ کی حالت خراب کردی گئی کوئٹہ میٹروپولیٹن کارپوریشن شہرکی ترقی اورعوام کے مسائل حل کرنے میناکام ہوئی ہے انہوں نے کہاکہ بلدیات کی وزارت جس جماعت کے پاس ہے اس کے وزیرہی میٹروپولیٹن کارپوریشن کے ایڈمنسٹرٹر مقررکرتے ہیں وہ شہرمیں ٹریفک کابھی مسئلہ حل نہیں یں کرپائے۔
متعلقہ عنوان :
مزید اہم خبریں
-
سوشل میڈیا کا بھوت اور بچوں کی ذہنی صحت
-
صدرمملکت آصف علی زرداری سے ایران کے سفیر کی ملاقات
-
امریکی صدر جو بائیڈن کا وزیراعظم شہبازشریف کو خط ، وزارت عظمیٰ کا منصب سنبھالنے پر نومنتخب حکومت کے لئے نیک تمنائوں کا اظہار
-
وزیراعلی مریم نوازنے محمد نواز شریف کسان کارڈ کی منظوری دیدی ،5 لاکھ کاشتکارو ں کو آسان شرائط پر 150 ارب کا قرضہ دیا جائیگا
-
پشاور بی آر ٹی کے کنٹریکٹر نے عالمی ثالثی عدالت میں حکومت کیخلاف 57 ارب روپے کا دعوی کردیا
-
نوازشریف کو پانامہ کیس میں اقامہ پرسزا دینا غلطی تھی، ہمشیرہ بانی پی ٹی آئی
-
آئی ایم ایف نے پاکستان کی معاشی پیشرفت کو حوصلہ افزا قرار دے دیا
-
ملکی معیشت کو بہتر بنانے کی راہ میں سیاسی و انتظامی دبا ئوکو برداشت نہیں کیا جائیگا، وزیراعظم
-
عمران ریاض کی مقدمات کی تفصیلات فراہمی کی درخواست، نیب سمیت دیگر فریقین سے جواب طلب
-
وزیرصحت خواجہ سلمان رفیق کاگنگارام ہسپتال اور مدر اینڈ چائلڈ بلاک کا دورہ ،ری ویمپنگ منصوبے کا جائزہ لیا
-
وزیر اعلیٰ مریم نواز شریف کا نوٹس، لیہ میں ذہنی معذور بچی کے ساتھ زیادتی کا مرتکب ملزم چند گھنٹے میں گرفتار
-
سمگلنگ کے خاتمے کیلئے وفاق، صوبوں اور تمام اداروں کو مل کر کام کرنا ہوگا، ملکی معیشت اور عوام کی بہتری کیلئے کئے جانے والے فیصلوں میں کسی کو آڑے آنے نہیں دیں گے، وزیراعظم محمد شہباز شریف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.