مشیرحکومت محمدالیاس چوہدری کادورہ ڈسٹرکٹ ہیڈکوارٹرہسپتال،مریضوں کی عیادت اورڈاکٹروں کوہدایات

کوٹلی(اُردو پوائنٹ تازہ ترین اخبار۔ 26 دسمبر 2014ء)مشیرحکومت محمدالیاس چوہدری کادورہ ڈسٹرکٹ ہیڈکوارٹرہسپتال،مریضوں کی عیادت اورڈاکٹروں کوہدایات۔

(جاری ہے)

تفصیلات کے مطابق پی پی پی آزادکشمیرحکومت کے مشیروامیدواراسمبلی حلقہ1کوٹلی محمدالیاس چوہدری نے گزشتہ روزڈسٹرکٹ ہیڈکوارٹرہسپتال کوٹلی کادورہ کیا،دورہ کے دوران مشیرحکومت نے ہسپتال میں داخل مریضوں سے ملاقاتیں بھی کیں مریضوں کی خیریت دریافت کی،اس موقع پرانہوں نے ڈیوٹی پرموجودڈاکٹرزاورنرسنگ سٹاف کوہدایات کیں کہ ڈسٹرکٹ ہیڈکوارٹرہسپتال کوٹلی کے ڈاکٹرز، نرسنگ سٹاف ودیگرعملہ مریضوں کی خصوصی دیکھ بھال کریں پابندی وقت کوملحوظ خاطررکھیں اورمریضوں کے ساتھ خندہ پیشانی کے ساتھ پیش آئیں، وہ مریضوں کی خصوصی دیکھ بھال کریں انہوں نے کہاکہ ہسپتال کے اندر صحت وصفائی کانظام بھی بہترسے بہتررکھاجائے مریضوں اوران کے ساتھ آنے والے اٹینڈینس کوکسی قسم کی پریشانی کاسامنانہ کرناپڑے انہوں نے کہاکہ وہ حکومت اورعوام کے نمائندہ کی حیثیت سے عوام کوبہترسے بہترسہولیات کی فراہمی کے سلسلہ میں اپناکرداراداکریں گے موجودہ حکومت عوامی حکومت ہے اورعوام کی فلاح وبہبود کے لیے تمام ذرائع بروئے کار لارہی ہے پیپلزپارٹی کوجب بھی اقتدارملا عام لوگوں نے اس تبدیلی کومحسوس کیاہے اورمظلوم طبقات کااحساس محرومی دورہواہے انہوں نے کہاکہ وزیراعظم چوہدری عبدالمجیدکی قیادت میں قائم پی پی پی حکومت شہیدقیادت کے ویژن کے مطابق آزادکشمیرکی عوام کی بہتری وخوشحالی کے لیے اقدامات کررہی ہے سرکاری ادارے عوام کوریلیف پہنچائیں-