ملک سے دہشتگردی کے خاتمہ کیلئے حکومت، اپوزیشن اور قوم متحد ہو چکی ہیں اور آخری دہشتگرد کے خاتمہ تک مقابلہ کرینگے،سعد رفیق،
ماضی میں فوجی عدالتیں مارشل لاء کے ذریعہ مسلط کی جاتی تھیں اور انہیں سیاسی مخالفین کے خلاف استعمال کیا جاتا تھا چونکہ سیاسی لیڈر شپ متحد ہو چکی ہے، وفاقی وزیر ریلوے
جمعرات 25 دسمبر 2014 20:46
لاہور(اُردو پوائنٹ اخبار تازہ ترین۔25دسمبر 2014ء) ملک سے دہشتگردی کے خاتمہ کیلئے حکومت، اپوزیشن اور قوم متحد ہو چکی ہیں اور آخری دہشتگرد کے خاتمہ تک مقابلہ کرینگے۔ ماضی میں فوجی عدالتیں مارشل لاء کے ذریعہ مسلط کی جاتی تھیں اور انہیں سیاسی مخالفین کے خلاف استعمال کیا جاتا تھا چونکہ سیاسی لیڈر شپ متحد ہو چکی ہے۔ اس لئے بنیادی طور پر فیصلے بھی سیاسی قیادت ہی کریگی اور یہ سیاسی قیادت کے ماتحت ہونگی ان خیالات کا اظہار وفاقی وزیر ریلویز خواجہ سعد رفیق نے گزشتہ روز لاہور ریلوے سٹیشن پر ہزارہ ایکسپریس کے نئے ریک کے افتتاح کے موقع پر میڈیا سے گفتگو کے دوران کیا۔
انہوں نے کہا کہ ماضی میں پاکستان ریلویز کو اومنی بس سروس بنا دیا گیا تھا۔ جس کے باعث سیاسی طور پر بنائے جانے والے سٹاپج کی تعداد بہت زیادہ تھی۔(جاری ہے)
امور وفافی وزیر ریلو عہدہ کا چارج سنبھالنے کے بعد سب سے پہلے غیر ضروری سیاسی سٹاپج کو ختم کیا گیا۔ حکومت کو واضح الفاظ میں بتا دیا گیا کہ میری دوران وزیر ریلوے سفارشوں سے گریز کیا جائے۔
بھرتی سمیت تمام معاملات میں صرف اور صرف میرٹ کو فالو کیا گیا۔ سفارش قبول نہ کرنے پر کسی سیاسی دوستوں سے ناراضگی مول لینا پڑی۔ انہوں نے کہا کہ ہزارہ ایکسپریس جو متوسط طبقہ کی سواری ہے کو از سر نو جدید سہولتوں سے استوار کیا گیا ہے۔ حویلیاں سے کراچی کا سفر طے کرنے والی گاڑی میں خواتین کیلئے پردہ کا انتظام کیا گیا۔ اچھے اور سستے کھانوں کے لئے 40 مسافروں کی گنجائش کی کھانے کے گاڑی ساتھ نکالی گئی ہے۔ ٹرین میں موجود واش رومز کی حالت کو بہتر بناتے ہوئے رنگ و روغن سے گاڑی کو سجایا گیا۔ انہوں نے کہا کہ اب بھی 7 گاڑیاں ایسی چلائی جا رہی ہیں جو مسلسل خسارہ میں جا رہی ہیں۔ ان کے بارے میں ایک ایک سٹاپ کے حوالے سے ریلوے انتظامیہ سے صلاح و مشورہ کیا جا رہا ہے کہ غیر ضروری سٹاپس کو ختم کرکے وقت کے دورانیہ کے ساتھ ساتھ خسارہ کو بھی کم سے کم کیا جائے۔ انہوں نے کہا کہ اگلے ماہ جنوری سے ہفتے میں این ایل سی کے لوگو موٹو بھی سسٹم کا حصہ بن جائینگے۔ جس کے باعث پاکستان ریلوے کی آمدن میں اضافہ کا سبب بنیں گے۔ انہوں نے مزید کہا کہ 2012ء میں ریلوے نے 2 ارب روپے کمائے جبکہ 2014ء میں ریلوے کی آمدن کو 8 ارب تک پہنچایا گیا۔ انہوں نے کہا کہ ریلوے نے مفادات کو چیک کرنے کیلئے ہر ہفتہ کی بنیاد پر میٹنگیں کی جا رہی ہیں۔ انہوں نے آخر میں کہا کہ سانحہ پشاور میں معصوم طالب علموں کی اور ان کے اساتذہ کی شہادتوں پر دل خون کے آنسو روتا ہے۔ ہم کسی بھی صورت میں دہشتگردوں کے خاتمہ تک آخری قدم تک پاک فوج کے ساتھ قدم بہ قدم موجود ہیں۔ دہشتگردی کے خاتمہ کیلئے پوری قوم متحد ہو چکی ہے۔ انشاء اللہ جلد ہی اس ناسور سے چھٹکارا حاصل کر لینگے۔مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.